Anẹhwẹsọsị 5
5
Ebira ana vọrọ tụra Aza Ikirisiti nịnị
1Ezi Ohomorihi oni o sì ịrẹyị anị ụ vị nịnị nị. Agụvị avọọ, waa mẹ ebiraa véné ebira Ohomorihi nịnị. 2#Kụra 29.18; Ahẹ 40.6Wee sì ịrẹyị ẹngụ nịnị ịnị avaba ịsa ọnị ụ wàaa mẹ nịnị, anka Íkirisiti mè re sì ịrẹyị ayị, dị ọ sị ẹngụ anị mẹ ịsọvọọ yị. Ịsọvọ ọnọọ óo hine Ohomorihi ayị ẹtẹẹtẹrẹ. 3Wa sị vị aza Ohomorihi nịnị; agụvị avọọ ẹ yị kụkụ vọrọ ka à nyị ịrẹyị ịrẹkọyịsẹ ọnịrị ebira ịdọtị beri ọhọha ịnị akakana awụ nịnị. 4Ẹ yị rẹ vọrọ ka waa kà ịrẹyị ịdọtị ọnịrị ịrẹyị kẹnẹ-kẹnẹ nịnị. Ama ịsị a vọrọ ka waa mẹ nịnị ọ vị ka waa kụ́ Ohomorihi avọ nịnị nị. 5Wáa yẹ nịnị ka ọsẹrẹka nịnị ọnịrị onebira ịdọtị anaā há ọhọha, ẹyị vaa ngụ ịzị Ikirisiti ọnịrị Ohomorihi yà aa mẹ ịjọva. Ọza àaa há ọhọha, ori ọ raa hẹkẹ avọọ nị. 6Asị ụ zẹẹ ka ọza ọ̀ sị ịrẹyị kẹnẹ-kẹnẹ vene wu nịnị! Agụvị ịsa ẹnẹẹ Óhomorihi vaa sị sị ụyaa rị aza ẹnẹ ẹ̀ yị mā wụ́ ịrẹyị anị nị. 7Agụvị avọọ, asị ụ bẹ ụvọ tụ́ ọọ yị wa! 8Ẹwụ nịnị ọ rẹ vịdị zị ụsẹ ịrahụ da, ama booro aanị wa va sị ngụ ini ẹtohweyi nịnị, agụvị ka ẹwụrị Ananyị yị ọ sị vị ọnya nịnị. Agụvị avọọ, waa mẹ̀ ebira aza na yà ini ẹtohweyi nịnị! 9Etohweyi ọọ̄ mẹ̀ ka aza ẹ̀ẹ mẹ̀ ebira ene zoza, dị ọ vọrọ, ọnịrị ịzẹyịza nị. 10Wee sì iruvo ịsa ene zé Ohomorihi eyi nịnị! 11Asị ụ nyị ụvọ tụ́ ini ebira ịrahụ kẹnẹ-kẹnẹ ana aza aa mẹ nịnị! Ama ẹwụ nịnị ò re ka wáa sị ẹngụ ebira ẹnẹẹ vẹ ịnị ịnọyị-ịnọyị nịnị! 12Ịrẹyị ụhị ọ vị nị ka à hyakụ sị irenu kà a ịsị ẹyaa mẹ ini ewere. 13Etohweyi ọ̀ọ raà sị avaba ịsa tụ́ ẹhẹ, ịjọnọọ a vaa yẹ ịsị ẹ vị gẹdẹ-gẹdẹ. 14Ịsị ẹ̀ẹ sị ngụ ịnị ịnọyị-ịnọyị, ịrẹyị ẹtohweyi ọ kụkụ vị nị. Agụvị avọọ a kà a ka,
“Ẹwụ ana aa sụ ara,
wa ha! Ha hụụnị isu,
Ikirisiti vaa sị ẹtohweyi yị wụ!”
15Agụvị avọọ sị eyi pe ẹngụ awụ ịnị avaba ebira ọnị ụ waa mẹ nịnị! Asị ụ rẹ̀ mẹ anka aza ẹnẹ ẹ̀ yị nyị ịsị ẹ yẹ; ama waa mẹ̀ ebira ọza ana yẹ ịrẹyị nịnị! 16#Ikor 4.5Ụmẹ ọnị ụ wàa nyị, ụ sị mẹ̀ ịsa ana vọrọ nịnị, agụvị ka ụmẹ ọnọnị óo divi. 17Agụvị avọọ asị ụ vị ọnụra nịnị, ama re ka wáa yẹ ịsa oni Ohomorihi sì ka wa mẹ nịnị! 18Asị u ne hú eche ahaahara nịnị, ana ahịka vị ọọ̄ sị ọzaa mẹ kẹnẹ-kẹnẹ nị, ama navọ Ụhwẹ Ọnịnị ọ̀ dọ avaba ayị awụ nịnị! 19#Ikor 3.16,17Waa jị ahẹ irenyi-irenyi nịnị, anka Ụ́hwẹ Ọnịnị ọ̀ọ mẹ̀ sị zụ̀ wụ nịnị, di u we sii pe ẹngụụ kà ịrẹyị nịnị! Waa jị ahẹ ịnị ayị awụ nịnịị ga Ananyị yị. 20Ịnị avaba ụmẹ ọnịrị tụ́ ịrẹsụ avaba ịsa, waa kụ́ Ohomorihi Ada ayị avọ nịnị ini oze ịrẹha Ijeesu Ikirisiti Ananyị yị. 21Waa sị ịrẹsụụ yị ẹngụ nịnị, agụvị ka wáa nyị angwahi Ikirisiti nịnị.
Ịrẹyị Uze Ẹvarose
22 #
Ikor 3.18; 1 Ipi 3.1 Ẹwụ nịnị ose, ọzọza ọ̀ọ sị ịrẹsụụ yị ọva anị, anka ụ mẹ̀ sị ịrẹsụ yị Ananyị yị nịnị, 23agụvị ka ọva ọ vị ohirẹsụ ose anị, anka Ikirisiti mẹ̀ rẹ vị ohirẹsụ anịragụ anị. Ikirisiti ọ rẹ vị Ọdọzaha anịragụ anị ana vị ẹngụ anị nị. 24Agụvị avọọ, anka ánịragụ Ohomorihi mẹ̀ sị ịrẹsụ yị Ikirisiti, avọọ ọ mẹ̀ rẹ vọrọ ka ose ọ̀ sị ịrẹsụ yị ọva anị nị ini oze tụra oze nị. 25#Ikor 3.19; 1 Ipi 3.7Ẹwụ nịnị ọva, sì ịrẹyị ose ewu nịnị, anka Íkirisiti ọnị mè re sì ịrẹyị anịragụ anị, dị ọ sị ẹngụ anị tịtẹ yọ. 26Ộ sị enyi ọnịrị ịrẹyị Ohomorihi, dị ọ sị vara a ọnịnị, dị ọ sị ọọ tụ́ irenyi yị Ohomorihi nị. 27Ộ vavọọ mẹ, agụvị anịragụ anị ò nyengu zoza nịkị-nịkị, dị asị ọ rẹ nyị ịdọtị ikonya. Ịjọnọọ dị ọ va sị ọọ yị ẹngụ anị ọgọnị. 28Áa vọrọ ka ọva ò sì ịrẹyị ose anị, anka o mè re sì ịrẹyị ẹngụ anị. Ọza ene èe sì ịrẹyị ose anị, o re sì ịrẹyị ẹngụ anị. 29Ọza ọ mā nyị ịhyẹrẹ ẹngụ anị. Ọzọza vị anaā rị ịsaa tụ́ ịnị ọchẹngụ anị, di o si eyi pee, anka Íkirisiti màa mẹ ịragụ anị gẹdẹ-gẹdẹ. 30Yáa bẹ tụ́ ịnị ẹngụ anị. 31#Oyn 2.24Agụvị avọọ dị ọnọrụ hụụ ịdị ada anị ọnịrị ọnyị anị, dị ọnịrị ose anị vabẹ, dị ẹnị ẹyịva kụkụ sị vara ẹngụ ọnya. 32Iruvo ireyi ọnọọ ọ́ọ nyịnẹ ẹtẹẹtẹrẹ, mee ro ka ịrẹyị Ikirisiti ọnịrị ịragụ anị aa kà nị. 33Ẹwụ nịnị ọ́ raa kà bẹẹ nị: ọzịnya-ọzịnya awụ nịnị ò sì ịrẹyị ose anị anka ẹngụ anị ụvọta! Dị ose ò re ka ọnị ọ́ọ sị ụbanyị yị ọva anị!
Цяпер абрана:
Anẹhwẹsọsị 5: EBTP
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Ebira First Bible © Bible Society of Nigeria, 2014.
Anẹhwẹsọsị 5
5
Ebira ana vọrọ tụra Aza Ikirisiti nịnị
1Ezi Ohomorihi oni o sì ịrẹyị anị ụ vị nịnị nị. Agụvị avọọ, waa mẹ ebiraa véné ebira Ohomorihi nịnị. 2#Kụra 29.18; Ahẹ 40.6Wee sì ịrẹyị ẹngụ nịnị ịnị avaba ịsa ọnị ụ wàaa mẹ nịnị, anka Íkirisiti mè re sì ịrẹyị ayị, dị ọ sị ẹngụ anị mẹ ịsọvọọ yị. Ịsọvọ ọnọọ óo hine Ohomorihi ayị ẹtẹẹtẹrẹ. 3Wa sị vị aza Ohomorihi nịnị; agụvị avọọ ẹ yị kụkụ vọrọ ka à nyị ịrẹyị ịrẹkọyịsẹ ọnịrị ebira ịdọtị beri ọhọha ịnị akakana awụ nịnị. 4Ẹ yị rẹ vọrọ ka waa kà ịrẹyị ịdọtị ọnịrị ịrẹyị kẹnẹ-kẹnẹ nịnị. Ama ịsị a vọrọ ka waa mẹ nịnị ọ vị ka waa kụ́ Ohomorihi avọ nịnị nị. 5Wáa yẹ nịnị ka ọsẹrẹka nịnị ọnịrị onebira ịdọtị anaā há ọhọha, ẹyị vaa ngụ ịzị Ikirisiti ọnịrị Ohomorihi yà aa mẹ ịjọva. Ọza àaa há ọhọha, ori ọ raa hẹkẹ avọọ nị. 6Asị ụ zẹẹ ka ọza ọ̀ sị ịrẹyị kẹnẹ-kẹnẹ vene wu nịnị! Agụvị ịsa ẹnẹẹ Óhomorihi vaa sị sị ụyaa rị aza ẹnẹ ẹ̀ yị mā wụ́ ịrẹyị anị nị. 7Agụvị avọọ, asị ụ bẹ ụvọ tụ́ ọọ yị wa! 8Ẹwụ nịnị ọ rẹ vịdị zị ụsẹ ịrahụ da, ama booro aanị wa va sị ngụ ini ẹtohweyi nịnị, agụvị ka ẹwụrị Ananyị yị ọ sị vị ọnya nịnị. Agụvị avọọ, waa mẹ̀ ebira aza na yà ini ẹtohweyi nịnị! 9Etohweyi ọọ̄ mẹ̀ ka aza ẹ̀ẹ mẹ̀ ebira ene zoza, dị ọ vọrọ, ọnịrị ịzẹyịza nị. 10Wee sì iruvo ịsa ene zé Ohomorihi eyi nịnị! 11Asị ụ nyị ụvọ tụ́ ini ebira ịrahụ kẹnẹ-kẹnẹ ana aza aa mẹ nịnị! Ama ẹwụ nịnị ò re ka wáa sị ẹngụ ebira ẹnẹẹ vẹ ịnị ịnọyị-ịnọyị nịnị! 12Ịrẹyị ụhị ọ vị nị ka à hyakụ sị irenu kà a ịsị ẹyaa mẹ ini ewere. 13Etohweyi ọ̀ọ raà sị avaba ịsa tụ́ ẹhẹ, ịjọnọọ a vaa yẹ ịsị ẹ vị gẹdẹ-gẹdẹ. 14Ịsị ẹ̀ẹ sị ngụ ịnị ịnọyị-ịnọyị, ịrẹyị ẹtohweyi ọ kụkụ vị nị. Agụvị avọọ a kà a ka,
“Ẹwụ ana aa sụ ara,
wa ha! Ha hụụnị isu,
Ikirisiti vaa sị ẹtohweyi yị wụ!”
15Agụvị avọọ sị eyi pe ẹngụ awụ ịnị avaba ebira ọnị ụ waa mẹ nịnị! Asị ụ rẹ̀ mẹ anka aza ẹnẹ ẹ̀ yị nyị ịsị ẹ yẹ; ama waa mẹ̀ ebira ọza ana yẹ ịrẹyị nịnị! 16#Ikor 4.5Ụmẹ ọnị ụ wàa nyị, ụ sị mẹ̀ ịsa ana vọrọ nịnị, agụvị ka ụmẹ ọnọnị óo divi. 17Agụvị avọọ asị ụ vị ọnụra nịnị, ama re ka wáa yẹ ịsa oni Ohomorihi sì ka wa mẹ nịnị! 18Asị u ne hú eche ahaahara nịnị, ana ahịka vị ọọ̄ sị ọzaa mẹ kẹnẹ-kẹnẹ nị, ama navọ Ụhwẹ Ọnịnị ọ̀ dọ avaba ayị awụ nịnị! 19#Ikor 3.16,17Waa jị ahẹ irenyi-irenyi nịnị, anka Ụ́hwẹ Ọnịnị ọ̀ọ mẹ̀ sị zụ̀ wụ nịnị, di u we sii pe ẹngụụ kà ịrẹyị nịnị! Waa jị ahẹ ịnị ayị awụ nịnịị ga Ananyị yị. 20Ịnị avaba ụmẹ ọnịrị tụ́ ịrẹsụ avaba ịsa, waa kụ́ Ohomorihi Ada ayị avọ nịnị ini oze ịrẹha Ijeesu Ikirisiti Ananyị yị. 21Waa sị ịrẹsụụ yị ẹngụ nịnị, agụvị ka wáa nyị angwahi Ikirisiti nịnị.
Ịrẹyị Uze Ẹvarose
22 #
Ikor 3.18; 1 Ipi 3.1 Ẹwụ nịnị ose, ọzọza ọ̀ọ sị ịrẹsụụ yị ọva anị, anka ụ mẹ̀ sị ịrẹsụ yị Ananyị yị nịnị, 23agụvị ka ọva ọ vị ohirẹsụ ose anị, anka Ikirisiti mẹ̀ rẹ vị ohirẹsụ anịragụ anị. Ikirisiti ọ rẹ vị Ọdọzaha anịragụ anị ana vị ẹngụ anị nị. 24Agụvị avọọ, anka ánịragụ Ohomorihi mẹ̀ sị ịrẹsụ yị Ikirisiti, avọọ ọ mẹ̀ rẹ vọrọ ka ose ọ̀ sị ịrẹsụ yị ọva anị nị ini oze tụra oze nị. 25#Ikor 3.19; 1 Ipi 3.7Ẹwụ nịnị ọva, sì ịrẹyị ose ewu nịnị, anka Íkirisiti ọnị mè re sì ịrẹyị anịragụ anị, dị ọ sị ẹngụ anị tịtẹ yọ. 26Ộ sị enyi ọnịrị ịrẹyị Ohomorihi, dị ọ sị vara a ọnịnị, dị ọ sị ọọ tụ́ irenyi yị Ohomorihi nị. 27Ộ vavọọ mẹ, agụvị anịragụ anị ò nyengu zoza nịkị-nịkị, dị asị ọ rẹ nyị ịdọtị ikonya. Ịjọnọọ dị ọ va sị ọọ yị ẹngụ anị ọgọnị. 28Áa vọrọ ka ọva ò sì ịrẹyị ose anị, anka o mè re sì ịrẹyị ẹngụ anị. Ọza ene èe sì ịrẹyị ose anị, o re sì ịrẹyị ẹngụ anị. 29Ọza ọ mā nyị ịhyẹrẹ ẹngụ anị. Ọzọza vị anaā rị ịsaa tụ́ ịnị ọchẹngụ anị, di o si eyi pee, anka Íkirisiti màa mẹ ịragụ anị gẹdẹ-gẹdẹ. 30Yáa bẹ tụ́ ịnị ẹngụ anị. 31#Oyn 2.24Agụvị avọọ dị ọnọrụ hụụ ịdị ada anị ọnịrị ọnyị anị, dị ọnịrị ose anị vabẹ, dị ẹnị ẹyịva kụkụ sị vara ẹngụ ọnya. 32Iruvo ireyi ọnọọ ọ́ọ nyịnẹ ẹtẹẹtẹrẹ, mee ro ka ịrẹyị Ikirisiti ọnịrị ịragụ anị aa kà nị. 33Ẹwụ nịnị ọ́ raa kà bẹẹ nị: ọzịnya-ọzịnya awụ nịnị ò sì ịrẹyị ose anị anka ẹngụ anị ụvọta! Dị ose ò re ka ọnị ọ́ọ sị ụbanyị yị ọva anị!
Цяпер абрана:
:
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Ebira First Bible © Bible Society of Nigeria, 2014.