2Ipita 1
1
Ụkụ
1Ẹmị a vị Ipita ana vị ozi ahụ ọnịrị odeyi Ijeesu Ikirisiti nị. Maa chẹrẹ iwe ọnọnịị tụ́ụ hi wu avaba aza ana sị vị ọdọwụ. Agụvị ịzẹyịza Ijeesu Ikirisiti ana vị Ohomorihi ayị ọnịrị Ọdọzaha ayị, ọ̀ mẹ ka ẹ̀ nyị ẹdọwụ obooro, anka ẹyị mẹ̀ rẹ nyị nị. 2Ohomorihi ọ̀ mẹ ọyịza wụ nịnị, dị ọ̀ sị ẹngwọọrọ yị wụ hu avọọ hu avọọ, ụ màa yẹ Ohomorihi ọnịrị Ijeesu Ikirisiti Ananyị yị hu avọọ nịnị.
Ohomorihi ọ sị yị nyị
3Yáa yẹ Ijeesu ana hị́ yị ka ya nyị tụ́ ịnị ụbanyị anị ọnịrị ebira ozoza anị. Ụkata Ohomorihi ọ raà sị avaba ịsa ana vọrọ ka ya nyị yị, dị ya zụ nyị ebira obooro, dị ya rẹ zụ mẹ̀ ebira ene ze Ohomorihi eyi. 4Ini oze ẹnẹẹ ọ raà sị ẹyịza ọbanyị ẹnẹẹ yị ọnị ọ vịdị zẹẹ yị ịzẹzẹ anị. Ịsa obooro ẹ vị yị nị. Ộ vavọọ mẹẹ, agụvị dị ya nyẹngụ há hụụnị ịsa edivi ẹhẹ ọnọnị ọnị ọchẹngụ azaā sì, ka ya kụkụ va nyị tụ́ ini ebira Ohomorihi nịnị. 5Agụvị avọọ, sị vụrị dụ wa nyị ebira ozoza tụ́ ịnị ẹdọwụ awụ nịnị. Rẹ nyị ịrẹyọyẹ tụ́ ini ebira ozoza awụ, 6re ka wa nyẹngụ sị ụvọ za ẹngụ awụ beri ịrẹyọyẹ awụ! Ụ mẹ̀ sị ụvọ za ẹngụ awụ, re ka wa nyẹngụ sị ẹngụ dọ ịrẹyị, dụ wa rẹ nyị ebira ene zé Ohomorihi eyi vaka ẹngụ ọyịsị dọ ịrẹyị! 7Sì ịrẹyị aza anka ẹyịnyara awụ tụ́ ini ebira ene zé Ohomorihi eyi ọnị ụ nyị! Rẹ vaka ọnọọ, sị vụrị di u we sì ịrẹyị aza anka Ohomorihi mè sì ịrẹyị ẹnịnị. 8Wàa vavọọ aa mẹ̀ ịsa ẹnẹnịị hu avọọ hu avọọ nịnị, ụ vaa yẹ Ijeesuu hu avọọ nịnị. 9Ama ọza ẹnẹ ẹ̀yị mẹ̀ ịsa ẹnẹẹ, vị ẹ sị mẹẹ anka ogweyi ene è yi re ẹtẹ avọọ nị, dị ayị hí ọ ka Ohomorihi ọ sị ịvị anị ịyẹẹyẹ nyịna kwooze. 10Agụvị avọọ, anda ayị nịnị, sị vụrị dụ wa jẹẹ geri-geri ịnị ịsa ẹnẹnị, agụvị ka Ohomorihi ộ hị́ wụ nịnị, dị ọ rẹ nyị wụ nịnị nị. Wàa vavọọ aa mẹ nịnị, wẹ́ yị vaa hyẹdụ hụrị oze Ohomorihi nịnị pooro. 11Ọsọnị ọ vaa mẹ ka we ré oze ngụ ịzị Ijeesu Ikirisiti Ananyị yị ọnịrị Ọdọzaha ayị yà aa mẹ ịjọva, dị ụ yà ịzọọ pooro zịna-zịna nị. 12Agụvị avọọ miī sì ka maa tama wụ nịnị ayị ịsa ẹnẹnị ụpọsa-ụpọsa nị, ma daka yẹ ka waa yẹ wa nịnị, dị ụ rẹ jẹẹ geri-geri nịnị ịnị ịrẹyị ịzẹyịza ana a sị kà wụ nịnị. 13M mẹ yị yà ẹhẹ aanị, mée ro ka aa vọrọ ka ma tama wụ nịnị ayị ịsa ẹnẹnị, du wee zí nịnị. 14Máa yẹ ka o yi kuku kù, dị ma hụụnị ẹhẹ ọnọnị, anka Ijeesu ikirisiti Ananyị yị mẹ̀ vịdị kà a mị. 15Mị vaa vụrị dị me ré ka máa mẹ oze ọnị ụ va zịị tamayị ịsa ẹnẹnị pooro, mèe wusu.
Ohomorihi ộ sị zụ̀ yị ka Ikirisiti vị Ozi anị
16Ẹ yị vị ịtọpa aza kẹnẹ ị sị rị ụvọ aa zị, ị maa kà a wụ nịnị ini oze ụkata Ijeesu Ikirisiti Ananyị yị ọnịrị ọ mẹmẹ vẹ. Ama yáa sị eyi ayị ré igirima anị. 17#Imt 17.1-5; Ịmk 9.2-7; Irk 9.28-35Óhomorihi Ada anị mẹ̀ sị igirima ọnịrị ụbanyị yọ, yáa wụ́, Óhomorihi ana nyị avaba ụbanyị mẹ̀ kà ịrẹyị, dị ọ ka: Ozi emi yị, mee sì ịrẹyị anị ẹtẹẹtẹrẹ, ịnẹ amị óo hine tù ọ. 18Yâ wụ́ ọngwẹ ọnọọ, ẹyịrị ọ mẹ̀ yà ịrẹsụ ataba ọnịnị. 19Agụvị ịsa ẹnẹẹ, yâ yẹ hu avọọ ka ịrẹyị ọnịsẹ nịnị vị ịzẹyịza. Wàa sị ụtọ pe ịrẹyị ẹnịnị o vee zoza; agụvị ka vị ịrẹyị ọnọọ sị mẹẹ ozotupa ana aa za ịnị ịrahụ avọọ nị, pooro dị eyi ọ va nị. Ịhị ọnọọ, ụzọmị ẹnẹnẹ (ana vị Ikirisiti) vaa zẹtẹ ịnị ayị awụ nịnị. 20Ịsị mee sì ka ma kà wụ nịnị ẹtẹẹtẹrẹ yị: Tamayị ka ẹ́ yị nyị ịsẹ ini Iwe Ohomorihi ọnị ọza zụ sị ịrẹyọyẹ ẹngụ anị kà iruvo anị; 21agụvị ka ẹ́ yị nyị ụmẹ ana aza zụ sị kwẹẹtẹ kẹnẹ, dị ẹ̀ẹ kà ịsẹ, anka e mè sì ọ. Ama aza ọnịnị Ohomorihi ệ kà ịrẹyị anka Ụhwẹ Ọnịnị màa zụ̀ wa ịrẹyị nị.
Цяпер абрана:
2Ipita 1: EBTP
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Ebira First Bible © Bible Society of Nigeria, 2014.
2Ipita 1
1
Ụkụ
1Ẹmị a vị Ipita ana vị ozi ahụ ọnịrị odeyi Ijeesu Ikirisiti nị. Maa chẹrẹ iwe ọnọnịị tụ́ụ hi wu avaba aza ana sị vị ọdọwụ. Agụvị ịzẹyịza Ijeesu Ikirisiti ana vị Ohomorihi ayị ọnịrị Ọdọzaha ayị, ọ̀ mẹ ka ẹ̀ nyị ẹdọwụ obooro, anka ẹyị mẹ̀ rẹ nyị nị. 2Ohomorihi ọ̀ mẹ ọyịza wụ nịnị, dị ọ̀ sị ẹngwọọrọ yị wụ hu avọọ hu avọọ, ụ màa yẹ Ohomorihi ọnịrị Ijeesu Ikirisiti Ananyị yị hu avọọ nịnị.
Ohomorihi ọ sị yị nyị
3Yáa yẹ Ijeesu ana hị́ yị ka ya nyị tụ́ ịnị ụbanyị anị ọnịrị ebira ozoza anị. Ụkata Ohomorihi ọ raà sị avaba ịsa ana vọrọ ka ya nyị yị, dị ya zụ nyị ebira obooro, dị ya rẹ zụ mẹ̀ ebira ene ze Ohomorihi eyi. 4Ini oze ẹnẹẹ ọ raà sị ẹyịza ọbanyị ẹnẹẹ yị ọnị ọ vịdị zẹẹ yị ịzẹzẹ anị. Ịsa obooro ẹ vị yị nị. Ộ vavọọ mẹẹ, agụvị dị ya nyẹngụ há hụụnị ịsa edivi ẹhẹ ọnọnị ọnị ọchẹngụ azaā sì, ka ya kụkụ va nyị tụ́ ini ebira Ohomorihi nịnị. 5Agụvị avọọ, sị vụrị dụ wa nyị ebira ozoza tụ́ ịnị ẹdọwụ awụ nịnị. Rẹ nyị ịrẹyọyẹ tụ́ ini ebira ozoza awụ, 6re ka wa nyẹngụ sị ụvọ za ẹngụ awụ beri ịrẹyọyẹ awụ! Ụ mẹ̀ sị ụvọ za ẹngụ awụ, re ka wa nyẹngụ sị ẹngụ dọ ịrẹyị, dụ wa rẹ nyị ebira ene zé Ohomorihi eyi vaka ẹngụ ọyịsị dọ ịrẹyị! 7Sì ịrẹyị aza anka ẹyịnyara awụ tụ́ ini ebira ene zé Ohomorihi eyi ọnị ụ nyị! Rẹ vaka ọnọọ, sị vụrị di u we sì ịrẹyị aza anka Ohomorihi mè sì ịrẹyị ẹnịnị. 8Wàa vavọọ aa mẹ̀ ịsa ẹnẹnịị hu avọọ hu avọọ nịnị, ụ vaa yẹ Ijeesuu hu avọọ nịnị. 9Ama ọza ẹnẹ ẹ̀yị mẹ̀ ịsa ẹnẹẹ, vị ẹ sị mẹẹ anka ogweyi ene è yi re ẹtẹ avọọ nị, dị ayị hí ọ ka Ohomorihi ọ sị ịvị anị ịyẹẹyẹ nyịna kwooze. 10Agụvị avọọ, anda ayị nịnị, sị vụrị dụ wa jẹẹ geri-geri ịnị ịsa ẹnẹnị, agụvị ka Ohomorihi ộ hị́ wụ nịnị, dị ọ rẹ nyị wụ nịnị nị. Wàa vavọọ aa mẹ nịnị, wẹ́ yị vaa hyẹdụ hụrị oze Ohomorihi nịnị pooro. 11Ọsọnị ọ vaa mẹ ka we ré oze ngụ ịzị Ijeesu Ikirisiti Ananyị yị ọnịrị Ọdọzaha ayị yà aa mẹ ịjọva, dị ụ yà ịzọọ pooro zịna-zịna nị. 12Agụvị avọọ miī sì ka maa tama wụ nịnị ayị ịsa ẹnẹnị ụpọsa-ụpọsa nị, ma daka yẹ ka waa yẹ wa nịnị, dị ụ rẹ jẹẹ geri-geri nịnị ịnị ịrẹyị ịzẹyịza ana a sị kà wụ nịnị. 13M mẹ yị yà ẹhẹ aanị, mée ro ka aa vọrọ ka ma tama wụ nịnị ayị ịsa ẹnẹnị, du wee zí nịnị. 14Máa yẹ ka o yi kuku kù, dị ma hụụnị ẹhẹ ọnọnị, anka Ijeesu ikirisiti Ananyị yị mẹ̀ vịdị kà a mị. 15Mị vaa vụrị dị me ré ka máa mẹ oze ọnị ụ va zịị tamayị ịsa ẹnẹnị pooro, mèe wusu.
Ohomorihi ộ sị zụ̀ yị ka Ikirisiti vị Ozi anị
16Ẹ yị vị ịtọpa aza kẹnẹ ị sị rị ụvọ aa zị, ị maa kà a wụ nịnị ini oze ụkata Ijeesu Ikirisiti Ananyị yị ọnịrị ọ mẹmẹ vẹ. Ama yáa sị eyi ayị ré igirima anị. 17#Imt 17.1-5; Ịmk 9.2-7; Irk 9.28-35Óhomorihi Ada anị mẹ̀ sị igirima ọnịrị ụbanyị yọ, yáa wụ́, Óhomorihi ana nyị avaba ụbanyị mẹ̀ kà ịrẹyị, dị ọ ka: Ozi emi yị, mee sì ịrẹyị anị ẹtẹẹtẹrẹ, ịnẹ amị óo hine tù ọ. 18Yâ wụ́ ọngwẹ ọnọọ, ẹyịrị ọ mẹ̀ yà ịrẹsụ ataba ọnịnị. 19Agụvị ịsa ẹnẹẹ, yâ yẹ hu avọọ ka ịrẹyị ọnịsẹ nịnị vị ịzẹyịza. Wàa sị ụtọ pe ịrẹyị ẹnịnị o vee zoza; agụvị ka vị ịrẹyị ọnọọ sị mẹẹ ozotupa ana aa za ịnị ịrahụ avọọ nị, pooro dị eyi ọ va nị. Ịhị ọnọọ, ụzọmị ẹnẹnẹ (ana vị Ikirisiti) vaa zẹtẹ ịnị ayị awụ nịnị. 20Ịsị mee sì ka ma kà wụ nịnị ẹtẹẹtẹrẹ yị: Tamayị ka ẹ́ yị nyị ịsẹ ini Iwe Ohomorihi ọnị ọza zụ sị ịrẹyọyẹ ẹngụ anị kà iruvo anị; 21agụvị ka ẹ́ yị nyị ụmẹ ana aza zụ sị kwẹẹtẹ kẹnẹ, dị ẹ̀ẹ kà ịsẹ, anka e mè sì ọ. Ama aza ọnịnị Ohomorihi ệ kà ịrẹyị anka Ụhwẹ Ọnịnị màa zụ̀ wa ịrẹyị nị.
Цяпер абрана:
:
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Ebira First Bible © Bible Society of Nigeria, 2014.