2 Anịkọrịntị 11
11
Ịpọọrụ ọnịrị onireche nịnị ana ka ẹnị vị ezirẹma Ijeesu
1Àa yẹ wa zụ sị ụtọ pe ụra ọnị maa vaa kà nịnị aanị! Navọ weyi batọ nịnị! 2Maa kụ̀ ụhị ịrẹsụ awụ nịnị anka Ohomorihi avọọ. Vị ụ sị mẹẹ nịnị anka ozwoorihi ẹnẹ ẹ̀ẹẹ̀ yị yẹ ọnọrụ ọnị mị raà kà a ka maa sịị gà ọza ịnyara kẹnẹ avọọ nị. Ọza ịnyara ọnọọ ọ vị Ikirisiti nị. Mee sì ka ma sị wụ nịnị naa yọ. 3#Oyn 3.1-5,13Angwa ee hí mi ka, asị a na vara wụ nịnị ayị, anka ẹwụ ọnọọ mẹ̀ sị ọbọ vene Iivi ịyẹẹyẹ avọọ. Dị ụ kụkụ sị va, dị ụ wẹ yị kụkụ sị avaba ayị yị Ikirisiti, ọnị ụ vịdị aa sị ịzẹyịzaa saasa nịnị. 4Ọza ana àa vẹ kẹnẹ va kà enube Ijeesu ọyịza ọsa wụ nịnị, dị wụsẹ sị ọọ dọ nịnị. Ama ẹyị ẹ̀ẹ yị kà ẹngụ enube ọyịza ọnọọ wụ nịnị da. Waa dọ ụhwẹ ọsa ana jị Ụhwẹ Ohomorihi ọnị ụ vịdị nyị nịnị nyee. Ụ raa dọ enube ọyịza ọsa ana jị enube ọyịza ọnị ụ vịdị dọ nịnị nyee. 5Me yi ro ka aza ọnị ụ waa hị́ ọga ezirẹma Ijeesu nịnị avọọ, ka â nyị ịsị e si huna mị ini oze ọnyọọnyị. 6Ẹyịyara, mẹ yị vavọọ yara kà ịrẹyị, ama mâ yẹ ịrẹyị. Aanị m mẹ̀ yịị kà a wụ nịnị pooro ịnị ịrẹyị tụra ịrẹyị nị. 7M mẹ̀ kà enube ọyịza Ohomorihi yị wụ nịnị, ẹ yị nyị ịsị mị dọ wụ nịnị. Mâ kà ẹngụ amị chi, ka wa zụ nyị ụbanyị nịnị. Ịsa odivi m máá mẹ avọọ nị? 8M màa mẹ ụkọrọọ wụ nịnị, anịragụ Ohomorihi ọsa ee sí mi ụta nị. Vị maa dọ wa ịsa agụvị awụ nịnị nị. 9#Ihwi 4.15-18M mẹ̀ yà ịdị awụ nịnị, mèee sì ịsa, mẹ yị kụ́ ọọ kata wụ nịnị ẹngụ. Anda ayị ana hụ rẹ Imasedoniya vẹ, ẹ́ yaa sị ịsị mèe sì yị mị nị. Mẹ yị kụ́ ọọ kata wụ nịnị ẹngụ ịnị ẹngụ ịnị ịsọnyị-ịsọnyị. Avọọ m mẹ̀ yị vaa mẹ pooro nị. 10Mâ sị ịzẹyịza Ikirisiti, ana yà ịnị ayị amị ta ivenu, ka ẹ yị nyị ọza ana va zụụ mẹ ka asị mị kụkụ rẹ̀ maanị wo oto ịnị ẹtẹ Akaya. 11Sị ẹ vẹ dị mị maanị aa kà? Agụvị ka me yi sì ịrẹyị awụ nịnị wáá yọ? Ohomorihi ộ yẹ ka mee sì ịrẹyị awụ nịnị. 12Ịsị mị mẹ aanị, m maa yịị mẹ nị. Me yi sì ka ẹnị ana aā hị́ ẹngụ ẹnịnị ezirẹma Ijeesu, è re oze wo oto ka ẹyịrị ẹnị vị ọnyọọnya. 13Ezirẹma Ijeesu ireche ẹ vị nị, dị eyee cheechee tụ́ ịnị ụkọrọ ẹnịnị nị. Dị ẹyaa mẹ apẹ ka ezirẹma Ijeesu ẹnị vị nị. 14O yi hi ọza irenu, agụvị ka Echu ụvọta ộ hyakụ nyẹngụ vara ẹngụ anị anggẹẹrị ẹtohweyi. 15Ezi ahụ anị ẹ̀ẹ rẹ vaa vara ẹngụ ẹnịnị ezi ahụ ịrẹyịzẹyịza, yẹ yị zụ kà ka ẹ sị mẹ baaba. Ịnị ụmẹ ọdịrẹma, ẹ rẹ vaa rị ọgụ ụkọrọ ẹnịnị.
Ị́pọọrụ mẹmẹ rị ụya anka Ezirẹma Ijeesu
16Mi ree tenyi ọọ kà; asị ọza ene ro o ka ọnụra mị vị nị. Wàa daka vavọọ ee ro o nịnị, vavọọ yị dọ mị nịnị anka ọnụra, dị me zụ si wo oto chee. 17Mẹ yị kà ịrẹyị ẹnẹnị anka Ananyị yị mẹ̀ yaanị sì ka ma kà a. Ịnị ịrẹyị oto ẹbanyị-ẹbanyị ọnọnị, m maa kà ịrẹyị anka ọnụra avọọ nị. 18Aza ọrụrụ-ọrụrụ màa sị ịsa ẹhẹ ọnọnịị wo oto aanị, ẹmị ree wo. 19Ịrẹyọyẹ ọnị ụ nyị nịnị, ọ mè ka wa dọ yị ọnụra nịnị nị. 20Ọza àaa za wụ nịnị ọrịhị, dị aa rị wụ nịnị ẹtẹ ahụ, di o ree bè wu nịnị nị, ọ̀ọ daka aa sị ẹngụ anịị tụ́ ẹba dị ọ raa nyị awụ nịnị arụhwọtọ nị, wa yị dọ yọ nịnị. 21Ụhị aa nyị mị ka yẹ yị vavọọ nyayịnẹ mẹ hi wu nịnị. Maa kà ịrẹyị anka ọnụra; ịsị ọza ọ̀ọ ka oni ee wo oto anị, ẹma re zụ wo oto anị. 22Àa vị ka ệ vị Anihiburu yọ, Anihiburu ẹmị rẹ vị nị. Ẹ̀ẹ ka ẹnị vị Anisirẹrị, ẹmị rẹ vị Anisirẹrị. Ẹ̀ẹ rẹ va ka ezi Abụrahamị ẹnị vị nị, avọọ ẹmị mẹ̀ rẹ vị nị. 23#Ụkọ 16.23Ezi ahụ Ikirisiti ẹ ẹ́ẹ́ va vị nị? Mị vaa kà ụra, ẹ ma hyakụ vị ozi ahụ ozoza huna wa nị. Ẹma mẹ̀ ụkọrọ hu wa nị; ẹma rẹ nọ ịnị ẹngwa hu wa nị. Mâ dọ ịjapa huna wa, ẹmị isu rẹ jị ọ avọ eyi nyee hu nị. 24#Ọda 25.3Ụpẹ ẹẹhị Aniju nịnị tụ́ mi ịjapa, ọ̀ jị ọnya ha ịnị ẹbẹẹva (39) nị. 25#Ụkọ 16.22; Ụkọ 14.19Aniroomi ê tụ́ mi tù ụpẹ ẹẹta, dị ẹ kụ̀ mị ịrẹta ụpẹ ọnya nị. Ụpẹ ẹẹta mị yà ịnị ẹpa ana và hi enyi nị. Mâ mẹ ọọdụ ọnịrị ịrahụ ọyịvụrụ ọnya ini òkū. 26#Ụkọ 9.23; Ụkọ 14.5Ịnị ụsẹ ọnị yaa zịịzị, ịjị ẹnyị enyi ka ọnị ọ̀ kụ́ yị, ịjị ẹnyị oyi dụ yị. Dị anda ayị ẹnịrị Anigiriki aa mẹ ayị hụrẹ ẹmị ịnẹ. Màa yà ịnị ẹkụra, màa yà ịnị avị, angwahi ọ vị nị. Oku vị ayịhụrịnẹ ọta onireche nịnị vị ayịhụrịnẹ. 27Mâ mẹ̀ ụkọrọ, ộ ngụ mị ẹngụ. Ụmẹ ọrụrụ-ọrụrụ mẹ yị sụ̀ ara ịrahụ. Ụngwẹ ộ kụ̀ mị, enyi ọ rẹ kụ̀ mị. Ụmẹ ọrụrụ-ọrụrụ me yi re ịsa rị, me yi re aha yà, me yi re ịta kú ẹngụ. 28À hyakụ kụ́ avaba ẹnẹ ẹ kwooze, ịrẹyị avaba anịragụ Ohomorihi vị ẹnya tụ́ ịnị ayị amị eyinị-eyinị. 29Àa nyị ọza ana ayị anị ọ̀ yị jẹẹ, vị ayị ẹmị ọnị ọ̀ yị rẹ jẹẹ avọọ nị. Ọza ọ̀ọ na mẹ ịvị, dị aa zị mị. 30Àa nyị ka mee wo oto, ahịmị amị m mee sii wo oto nị. 31Ohomorihi ana vị Ada Ijeesu Ananyị yị, ộ yẹ ka me yi cheeche. Ọnị ọ nyị avaba ụbanyị pooro zịna-zịna nị. 32#Ụkọ 9.23-25M mẹ̀ yà ẹkụra Ịdamasịkọsị, ọdọvịdị ẹkụra ọnọọ vị ana aa mẹ ụkọrọọ yị ohinọyị ana aā hị́ Arẹtasị, vị ana kụ́ oserẹtẹ hi oze ana jịnẹ hụụnị ẹkụra ka ẹ̀ za mị. 33Ama â sị mị tụ́ ini uji, dị a sị mị zị oze ana yà ịnị ọvọ chi hi ẹtẹ, di mi zwe hụrẹ wa ụvọ nị.
Цяпер абрана:
2 Anịkọrịntị 11: EBTP
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Ebira First Bible © Bible Society of Nigeria, 2014.
2 Anịkọrịntị 11
11
Ịpọọrụ ọnịrị onireche nịnị ana ka ẹnị vị ezirẹma Ijeesu
1Àa yẹ wa zụ sị ụtọ pe ụra ọnị maa vaa kà nịnị aanị! Navọ weyi batọ nịnị! 2Maa kụ̀ ụhị ịrẹsụ awụ nịnị anka Ohomorihi avọọ. Vị ụ sị mẹẹ nịnị anka ozwoorihi ẹnẹ ẹ̀ẹẹ̀ yị yẹ ọnọrụ ọnị mị raà kà a ka maa sịị gà ọza ịnyara kẹnẹ avọọ nị. Ọza ịnyara ọnọọ ọ vị Ikirisiti nị. Mee sì ka ma sị wụ nịnị naa yọ. 3#Oyn 3.1-5,13Angwa ee hí mi ka, asị a na vara wụ nịnị ayị, anka ẹwụ ọnọọ mẹ̀ sị ọbọ vene Iivi ịyẹẹyẹ avọọ. Dị ụ kụkụ sị va, dị ụ wẹ yị kụkụ sị avaba ayị yị Ikirisiti, ọnị ụ vịdị aa sị ịzẹyịzaa saasa nịnị. 4Ọza ana àa vẹ kẹnẹ va kà enube Ijeesu ọyịza ọsa wụ nịnị, dị wụsẹ sị ọọ dọ nịnị. Ama ẹyị ẹ̀ẹ yị kà ẹngụ enube ọyịza ọnọọ wụ nịnị da. Waa dọ ụhwẹ ọsa ana jị Ụhwẹ Ohomorihi ọnị ụ vịdị nyị nịnị nyee. Ụ raa dọ enube ọyịza ọsa ana jị enube ọyịza ọnị ụ vịdị dọ nịnị nyee. 5Me yi ro ka aza ọnị ụ waa hị́ ọga ezirẹma Ijeesu nịnị avọọ, ka â nyị ịsị e si huna mị ini oze ọnyọọnyị. 6Ẹyịyara, mẹ yị vavọọ yara kà ịrẹyị, ama mâ yẹ ịrẹyị. Aanị m mẹ̀ yịị kà a wụ nịnị pooro ịnị ịrẹyị tụra ịrẹyị nị. 7M mẹ̀ kà enube ọyịza Ohomorihi yị wụ nịnị, ẹ yị nyị ịsị mị dọ wụ nịnị. Mâ kà ẹngụ amị chi, ka wa zụ nyị ụbanyị nịnị. Ịsa odivi m máá mẹ avọọ nị? 8M màa mẹ ụkọrọọ wụ nịnị, anịragụ Ohomorihi ọsa ee sí mi ụta nị. Vị maa dọ wa ịsa agụvị awụ nịnị nị. 9#Ihwi 4.15-18M mẹ̀ yà ịdị awụ nịnị, mèee sì ịsa, mẹ yị kụ́ ọọ kata wụ nịnị ẹngụ. Anda ayị ana hụ rẹ Imasedoniya vẹ, ẹ́ yaa sị ịsị mèe sì yị mị nị. Mẹ yị kụ́ ọọ kata wụ nịnị ẹngụ ịnị ẹngụ ịnị ịsọnyị-ịsọnyị. Avọọ m mẹ̀ yị vaa mẹ pooro nị. 10Mâ sị ịzẹyịza Ikirisiti, ana yà ịnị ayị amị ta ivenu, ka ẹ yị nyị ọza ana va zụụ mẹ ka asị mị kụkụ rẹ̀ maanị wo oto ịnị ẹtẹ Akaya. 11Sị ẹ vẹ dị mị maanị aa kà? Agụvị ka me yi sì ịrẹyị awụ nịnị wáá yọ? Ohomorihi ộ yẹ ka mee sì ịrẹyị awụ nịnị. 12Ịsị mị mẹ aanị, m maa yịị mẹ nị. Me yi sì ka ẹnị ana aā hị́ ẹngụ ẹnịnị ezirẹma Ijeesu, è re oze wo oto ka ẹyịrị ẹnị vị ọnyọọnya. 13Ezirẹma Ijeesu ireche ẹ vị nị, dị eyee cheechee tụ́ ịnị ụkọrọ ẹnịnị nị. Dị ẹyaa mẹ apẹ ka ezirẹma Ijeesu ẹnị vị nị. 14O yi hi ọza irenu, agụvị ka Echu ụvọta ộ hyakụ nyẹngụ vara ẹngụ anị anggẹẹrị ẹtohweyi. 15Ezi ahụ anị ẹ̀ẹ rẹ vaa vara ẹngụ ẹnịnị ezi ahụ ịrẹyịzẹyịza, yẹ yị zụ kà ka ẹ sị mẹ baaba. Ịnị ụmẹ ọdịrẹma, ẹ rẹ vaa rị ọgụ ụkọrọ ẹnịnị.
Ị́pọọrụ mẹmẹ rị ụya anka Ezirẹma Ijeesu
16Mi ree tenyi ọọ kà; asị ọza ene ro o ka ọnụra mị vị nị. Wàa daka vavọọ ee ro o nịnị, vavọọ yị dọ mị nịnị anka ọnụra, dị me zụ si wo oto chee. 17Mẹ yị kà ịrẹyị ẹnẹnị anka Ananyị yị mẹ̀ yaanị sì ka ma kà a. Ịnị ịrẹyị oto ẹbanyị-ẹbanyị ọnọnị, m maa kà ịrẹyị anka ọnụra avọọ nị. 18Aza ọrụrụ-ọrụrụ màa sị ịsa ẹhẹ ọnọnịị wo oto aanị, ẹmị ree wo. 19Ịrẹyọyẹ ọnị ụ nyị nịnị, ọ mè ka wa dọ yị ọnụra nịnị nị. 20Ọza àaa za wụ nịnị ọrịhị, dị aa rị wụ nịnị ẹtẹ ahụ, di o ree bè wu nịnị nị, ọ̀ọ daka aa sị ẹngụ anịị tụ́ ẹba dị ọ raa nyị awụ nịnị arụhwọtọ nị, wa yị dọ yọ nịnị. 21Ụhị aa nyị mị ka yẹ yị vavọọ nyayịnẹ mẹ hi wu nịnị. Maa kà ịrẹyị anka ọnụra; ịsị ọza ọ̀ọ ka oni ee wo oto anị, ẹma re zụ wo oto anị. 22Àa vị ka ệ vị Anihiburu yọ, Anihiburu ẹmị rẹ vị nị. Ẹ̀ẹ ka ẹnị vị Anisirẹrị, ẹmị rẹ vị Anisirẹrị. Ẹ̀ẹ rẹ va ka ezi Abụrahamị ẹnị vị nị, avọọ ẹmị mẹ̀ rẹ vị nị. 23#Ụkọ 16.23Ezi ahụ Ikirisiti ẹ ẹ́ẹ́ va vị nị? Mị vaa kà ụra, ẹ ma hyakụ vị ozi ahụ ozoza huna wa nị. Ẹma mẹ̀ ụkọrọ hu wa nị; ẹma rẹ nọ ịnị ẹngwa hu wa nị. Mâ dọ ịjapa huna wa, ẹmị isu rẹ jị ọ avọ eyi nyee hu nị. 24#Ọda 25.3Ụpẹ ẹẹhị Aniju nịnị tụ́ mi ịjapa, ọ̀ jị ọnya ha ịnị ẹbẹẹva (39) nị. 25#Ụkọ 16.22; Ụkọ 14.19Aniroomi ê tụ́ mi tù ụpẹ ẹẹta, dị ẹ kụ̀ mị ịrẹta ụpẹ ọnya nị. Ụpẹ ẹẹta mị yà ịnị ẹpa ana và hi enyi nị. Mâ mẹ ọọdụ ọnịrị ịrahụ ọyịvụrụ ọnya ini òkū. 26#Ụkọ 9.23; Ụkọ 14.5Ịnị ụsẹ ọnị yaa zịịzị, ịjị ẹnyị enyi ka ọnị ọ̀ kụ́ yị, ịjị ẹnyị oyi dụ yị. Dị anda ayị ẹnịrị Anigiriki aa mẹ ayị hụrẹ ẹmị ịnẹ. Màa yà ịnị ẹkụra, màa yà ịnị avị, angwahi ọ vị nị. Oku vị ayịhụrịnẹ ọta onireche nịnị vị ayịhụrịnẹ. 27Mâ mẹ̀ ụkọrọ, ộ ngụ mị ẹngụ. Ụmẹ ọrụrụ-ọrụrụ mẹ yị sụ̀ ara ịrahụ. Ụngwẹ ộ kụ̀ mị, enyi ọ rẹ kụ̀ mị. Ụmẹ ọrụrụ-ọrụrụ me yi re ịsa rị, me yi re aha yà, me yi re ịta kú ẹngụ. 28À hyakụ kụ́ avaba ẹnẹ ẹ kwooze, ịrẹyị avaba anịragụ Ohomorihi vị ẹnya tụ́ ịnị ayị amị eyinị-eyinị. 29Àa nyị ọza ana ayị anị ọ̀ yị jẹẹ, vị ayị ẹmị ọnị ọ̀ yị rẹ jẹẹ avọọ nị. Ọza ọ̀ọ na mẹ ịvị, dị aa zị mị. 30Àa nyị ka mee wo oto, ahịmị amị m mee sii wo oto nị. 31Ohomorihi ana vị Ada Ijeesu Ananyị yị, ộ yẹ ka me yi cheeche. Ọnị ọ nyị avaba ụbanyị pooro zịna-zịna nị. 32#Ụkọ 9.23-25M mẹ̀ yà ẹkụra Ịdamasịkọsị, ọdọvịdị ẹkụra ọnọọ vị ana aa mẹ ụkọrọọ yị ohinọyị ana aā hị́ Arẹtasị, vị ana kụ́ oserẹtẹ hi oze ana jịnẹ hụụnị ẹkụra ka ẹ̀ za mị. 33Ama â sị mị tụ́ ini uji, dị a sị mị zị oze ana yà ịnị ọvọ chi hi ẹtẹ, di mi zwe hụrẹ wa ụvọ nị.
Цяпер абрана:
:
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Ebira First Bible © Bible Society of Nigeria, 2014.