1 Anịtẹsaronika 5
5
Tenyi ẹngụ zi ụmẹ ana Ananyị yị va sịị vaa vẹ!
1Ẹwụ nịnị ẹyịnyara amị, ẹ́ yị nyị ka maa naa chẹrẹ tụ́ụ hi wu nịnị ini oze ẹkụhị ọnịrị ụmẹ ẹnị ịsa ẹnẹẹ vaa sị mẹ. 2#Imt 24.43; Irk 12.39; 2 Ipi 3.10Ẹwụ ụvọta ọ́ọ yẹ ẹtẹẹtẹrẹ ka ẹkụhị ana Ananyị yị vaa sị vaa vẹ vị ana sị mẹẹ anka ẹkụhị oni oyi sịị nọ aha ịrahụ avọọ. 3Ịjị aza àa kà a ka ẹ́ yị nyị ịrẹyị vụrụ-vụrụ, dị ịrẹyị vana ngụ tù wa kẹnẹ anka ọnẹẹ ọnị ịrẹẹ aa zị avọọ. Dị ẹnịnị ẹ́ yị zụ há. 4Ama ẹwụ nịnị anda ayị, ẹwụ nịnị ẹ́ yị yà ịnị ịrahụ. Ẹ yị nyị ka ẹkụhị ọnọọ ò ve tù wu nịnị asigiri anka oyi avọọ. 5Agụvị ka avaba awụ nịnị ọ sị hụụnị ịrahụ, aza ẹtohweyi ụ kụkụ vị nịnị nị. 6Agụvị avọọ, asị rẹ và ẹngụ hi ẹtẹ anka aza ana vọ. Ama à vẹ yee zí, dị ya sị ụvọ za ẹngụ ayị. 7Ịrahụ aza sịị̄ sụ̀ ara nị, ịrahụ aza re siī hú eche ahaahara nị. 8#Ayị 59.17; Ẹhw 6.13-17Ama ẹyị ana vị aza ẹtohweyi, À vẹ yaa sị ayịị tụra Ohomorihi pooro, di yee sì ịrẹyị ọza; ọnọọ vị ana sị mẹẹ awuru enyusẹ-enyusẹ ene e siī kú ịrachị avọọ. A vẹ ya sị eyi tụ́ ịnị ẹdọha ayị, ọnị vị ana sị mẹẹ amu enyusẹ-enyusẹ avọọ. 9Ohomorihi ọ yị nyị yị ka ọnị ọ̀ va kụ́ ayị hi yi. Ama ee sì ka ya va nyị ẹdọha ọnị Ijeesu sịị̄ yị ọza. 10Ijeesu ọnọọ ô sú yị ka, yèe sú yàa yára, ẹyịrị ọnị ò dudu zụ ra vabẹ. 11Agụvị avọọ, waa sị ayohunẹnẹẹ yị ẹngụ nịnị, dị ụ waa gụ ẹngụụ ụvọ nịnị, anka ụ màa yịị mẹ nịnị aanị.
Iwọjị ọnịrị ụkụ ọdịrẹma
12Ẹwụ nịnị ẹyịnyara amị, aarịhịnị, waa sị ụbanyị yị aza ana aa mẹ̀ ụkọrọ ịnị akakana awụ nịnị ẹnị ana vịra hu wu nịnị ini oze Ananyị yị, dị e re yee pe wu nịnịị juwe. 13Re ka waa sị ụbanyị yị wa nịnị ẹtẹẹtẹrẹ, di u we sì ịrẹyị ẹnịnị agụvị ụkọrọ ẹnẹ ẹyaa mẹ. Asị ụ zyaazị nịnị. 14Ẹwụ nịnị ẹyịnyara amị, aarịhịnị, aza ana aa mẹ̀ ebira jugu-jugu, re ka waa tụ́ wa ọhụva nịnị. Aza ana angwa ee hí, waa tụ́ wa ọtụtụrụma. Wa rẹẹ gụ ọkụmị nịnị ụvọ. Re ka waa nyị isuuru hi avaba aza. 15Re ka ẹ́ yị nyị ọza ana sị odivi si atọ odivi yị ọzọnyị-ọzọnyị. Waa mẹ̀ ịsa ene zoza ịnị akakana awụ nịnị, dị ụ wa rẹẹ mẹ̀ ẹ hi avaba ọza nịnị. 16Waa jẹ nịnị pooro. 17Waa mẹ̀ aduwa nịnị pooro. 18Ịsa tụra ịsa ana àaa mẹ, waa kụ́ Ohomorihi avọọ pooro. Ẹ́wụrị Ijeesu Ikirisiti mẹ̀ sị vị ọnya nịnị aanị, ịsị Ohomorihi sì ka wa kụkụụ mẹ nịnị ọ vị ọnọọ nị. 19Asị ụ dọ Ụhwẹ Ọnịnị oro nịnị. 20Asị ụ sị eyi wụ̀ ịrẹyị ẹnẹnị. 21Waa zama avaba ịsaa re nịnị, dị ụ wa sị ụvọ za ene zoza nịnị ẹtẹẹtẹrẹ. 22Sị ụvọ hụụnị irima avaba ịsa odivi nịnị. 23Ohomorihi anaā sịị ẹngwọọrọọ yị, ọ̀ mẹ ka ayị awụ nịnị ọ nị saka-saka. Ohomorihi ọ̀ navọ ivehu awụ nịnị ọnịrị ariro awụ nịnị ne beri ọchẹngụ awụ nịnị ẹ̀ vị ọnịnị; dị asị ụ nyị ohuvọ nịnị vụrụ-vụrụ ịnị ẹkụhị ọnị Ijeesu Ananyị yị vaa sị vaa vẹ. 24Ohomorihi ọ nyị wụ nịnị nị. Ọ vavọọ vaa mẹẹ agụvị ka a zụ sị ayị tụraa. 25Ẹwụ nịnị ẹyịnyara amị, ẹwụ nịnị ọ̀ rẹẹ mẹ̀ aduwaa yị ẹyị. 26Kụ́ avaba anda ayị nịnị ini oze ana sị zụ ka wee sì ịrẹyị ẹngụ nịnị. 27Maa sị ụkata Ohomorihi hú nịnị ụvọ ka wa kà iwe ọnọnị yị avaba anda ayị nịnị. 28Ẹyịza ọọhẹ Ananyị yị, Ijeesu Ikirisiti ọ̀ ya pe wụ nịnị.
Цяпер абрана:
1 Anịtẹsaronika 5: EBTP
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Ebira First Bible © Bible Society of Nigeria, 2014.
1 Anịtẹsaronika 5
5
Tenyi ẹngụ zi ụmẹ ana Ananyị yị va sịị vaa vẹ!
1Ẹwụ nịnị ẹyịnyara amị, ẹ́ yị nyị ka maa naa chẹrẹ tụ́ụ hi wu nịnị ini oze ẹkụhị ọnịrị ụmẹ ẹnị ịsa ẹnẹẹ vaa sị mẹ. 2#Imt 24.43; Irk 12.39; 2 Ipi 3.10Ẹwụ ụvọta ọ́ọ yẹ ẹtẹẹtẹrẹ ka ẹkụhị ana Ananyị yị vaa sị vaa vẹ vị ana sị mẹẹ anka ẹkụhị oni oyi sịị nọ aha ịrahụ avọọ. 3Ịjị aza àa kà a ka ẹ́ yị nyị ịrẹyị vụrụ-vụrụ, dị ịrẹyị vana ngụ tù wa kẹnẹ anka ọnẹẹ ọnị ịrẹẹ aa zị avọọ. Dị ẹnịnị ẹ́ yị zụ há. 4Ama ẹwụ nịnị anda ayị, ẹwụ nịnị ẹ́ yị yà ịnị ịrahụ. Ẹ yị nyị ka ẹkụhị ọnọọ ò ve tù wu nịnị asigiri anka oyi avọọ. 5Agụvị ka avaba awụ nịnị ọ sị hụụnị ịrahụ, aza ẹtohweyi ụ kụkụ vị nịnị nị. 6Agụvị avọọ, asị rẹ và ẹngụ hi ẹtẹ anka aza ana vọ. Ama à vẹ yee zí, dị ya sị ụvọ za ẹngụ ayị. 7Ịrahụ aza sịị̄ sụ̀ ara nị, ịrahụ aza re siī hú eche ahaahara nị. 8#Ayị 59.17; Ẹhw 6.13-17Ama ẹyị ana vị aza ẹtohweyi, À vẹ yaa sị ayịị tụra Ohomorihi pooro, di yee sì ịrẹyị ọza; ọnọọ vị ana sị mẹẹ awuru enyusẹ-enyusẹ ene e siī kú ịrachị avọọ. A vẹ ya sị eyi tụ́ ịnị ẹdọha ayị, ọnị vị ana sị mẹẹ amu enyusẹ-enyusẹ avọọ. 9Ohomorihi ọ yị nyị yị ka ọnị ọ̀ va kụ́ ayị hi yi. Ama ee sì ka ya va nyị ẹdọha ọnị Ijeesu sịị̄ yị ọza. 10Ijeesu ọnọọ ô sú yị ka, yèe sú yàa yára, ẹyịrị ọnị ò dudu zụ ra vabẹ. 11Agụvị avọọ, waa sị ayohunẹnẹẹ yị ẹngụ nịnị, dị ụ waa gụ ẹngụụ ụvọ nịnị, anka ụ màa yịị mẹ nịnị aanị.
Iwọjị ọnịrị ụkụ ọdịrẹma
12Ẹwụ nịnị ẹyịnyara amị, aarịhịnị, waa sị ụbanyị yị aza ana aa mẹ̀ ụkọrọ ịnị akakana awụ nịnị ẹnị ana vịra hu wu nịnị ini oze Ananyị yị, dị e re yee pe wu nịnịị juwe. 13Re ka waa sị ụbanyị yị wa nịnị ẹtẹẹtẹrẹ, di u we sì ịrẹyị ẹnịnị agụvị ụkọrọ ẹnẹ ẹyaa mẹ. Asị ụ zyaazị nịnị. 14Ẹwụ nịnị ẹyịnyara amị, aarịhịnị, aza ana aa mẹ̀ ebira jugu-jugu, re ka waa tụ́ wa ọhụva nịnị. Aza ana angwa ee hí, waa tụ́ wa ọtụtụrụma. Wa rẹẹ gụ ọkụmị nịnị ụvọ. Re ka waa nyị isuuru hi avaba aza. 15Re ka ẹ́ yị nyị ọza ana sị odivi si atọ odivi yị ọzọnyị-ọzọnyị. Waa mẹ̀ ịsa ene zoza ịnị akakana awụ nịnị, dị ụ wa rẹẹ mẹ̀ ẹ hi avaba ọza nịnị. 16Waa jẹ nịnị pooro. 17Waa mẹ̀ aduwa nịnị pooro. 18Ịsa tụra ịsa ana àaa mẹ, waa kụ́ Ohomorihi avọọ pooro. Ẹ́wụrị Ijeesu Ikirisiti mẹ̀ sị vị ọnya nịnị aanị, ịsị Ohomorihi sì ka wa kụkụụ mẹ nịnị ọ vị ọnọọ nị. 19Asị ụ dọ Ụhwẹ Ọnịnị oro nịnị. 20Asị ụ sị eyi wụ̀ ịrẹyị ẹnẹnị. 21Waa zama avaba ịsaa re nịnị, dị ụ wa sị ụvọ za ene zoza nịnị ẹtẹẹtẹrẹ. 22Sị ụvọ hụụnị irima avaba ịsa odivi nịnị. 23Ohomorihi anaā sịị ẹngwọọrọọ yị, ọ̀ mẹ ka ayị awụ nịnị ọ nị saka-saka. Ohomorihi ọ̀ navọ ivehu awụ nịnị ọnịrị ariro awụ nịnị ne beri ọchẹngụ awụ nịnị ẹ̀ vị ọnịnị; dị asị ụ nyị ohuvọ nịnị vụrụ-vụrụ ịnị ẹkụhị ọnị Ijeesu Ananyị yị vaa sị vaa vẹ. 24Ohomorihi ọ nyị wụ nịnị nị. Ọ vavọọ vaa mẹẹ agụvị ka a zụ sị ayị tụraa. 25Ẹwụ nịnị ẹyịnyara amị, ẹwụ nịnị ọ̀ rẹẹ mẹ̀ aduwaa yị ẹyị. 26Kụ́ avaba anda ayị nịnị ini oze ana sị zụ ka wee sì ịrẹyị ẹngụ nịnị. 27Maa sị ụkata Ohomorihi hú nịnị ụvọ ka wa kà iwe ọnọnị yị avaba anda ayị nịnị. 28Ẹyịza ọọhẹ Ananyị yị, Ijeesu Ikirisiti ọ̀ ya pe wụ nịnị.
Цяпер абрана:
:
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Ebira First Bible © Bible Society of Nigeria, 2014.