1 Anịtẹsaronika 3
3
1 #
Ụkọ 17.15
Ịjị yẹ̀ yị kụkụ zụ zaa, dị ị kụkụ ka à navọ yị tụ́ Atẹnị, 2dị ya tụ́ Itimoti hi wu nịnị nị. Itimoti vị ọyịnyara ayị, ẹnẹ ẹyịrịị aa mẹ̀ ụkọrọ Ohomorihi, dị yaa kà enube ọyịza Ikirisiti. Yâ tụ́ ọọ ka ọ̀ va mẹ ka wa jẹẹ geri-geri, dị ọ̀ tụ́ wụ nịnị ọtụtụrụma ka wa yịị sị ayịị tụra Ikirisiti nịnị, 3agụvị asị ana nyị ọza ana vara ayị ịnị awụ nịnị agụvị ụya ọnị ụ waa rị nịnị aanị. Ẹwụ nịnị nyẹmba ọ́ọ yẹ ka ụyọrị yà ịnị ịsa oni Ohomorihi sì ka ò tù yi. 4Ị mẹ̀ vịdị yà ịdị awụ nịnị, yée jintu kà a wụ nịnị ka ẹ yị zụ nyị ka ayị vaa sị ụyaa rị yị. Wáa yẹ nịnị ka avọọ gẹdẹ-gẹdẹ, ọ mẹ̀ yị va yà aanị nị. 5Mẹ yị kụkụ zụ za ayị; agụvị avọọ mị tụ́ vẹ nị. Mée sì ka ò ve re, ụ mẹmẹ aa yịị sị ayịị tụra Ikirisiti nịnị. Angwa ee hí mi ka Echu ọ sị wụ nịnị zama re, dị ọ mẹ wụ nịnị nyeeyi, dị ụkọrọ ayị na sị vị osusu kẹnẹ.
Ayị Ịpọọrụ ọ sị nẹtẹ
6 #
Ụkọ 18.5
Itimoti ọ va zị hụụ ịdị awụ nịnị ve tù yi. Enube ọnị ọ za va kà a yị, óo zoza ka vị ụ yị sị ayị tụra Ikirisiti nịnị, du u ree yii sì ịrẹyị ọza nịnị nị. Ọ kà waa tamayị ayị nịnị pooro, ọnịrị ka eyi ayị aa tụra wụ nịnị ẹtẹẹtẹrẹ, anka éyi ẹwụ nịnị ọnị mẹ̀ raa tụra ẹyị. 7Ẹwụ nịnị ẹyịnyara amị, ịnị avaba ụyọrị ọnịrị akanya ayị, ayị ayị ộ nẹtẹ agụvị awụ nịnị, agụvị ka wa sị sị ayị tụra Ikirisiti nịnị. 8Yáa yẹ ka yáa yàra ịzẹyịza, agụvị ka wa jị jẹẹ pe Ananyị yị geri-geri nịnị. 9Yẹ yị nyị ẹngụ kụ́ Ohomorihi avọ booro aanị agụvị awụ nịnị. Yaa kụ́ ọọ avọ agụvị inohine ọnị ị nyị ọ́vịdị Ohomorihi agụvị awụ nịnị. 10Ọọdụ ọnịrị ịrahụ, yaa sị avaba ayị ayịị mẹ̀ aduwa ka ya rẹ sị eyi gẹrị ẹwụ nịnị, dị ya zụ gụ wụ nịnị ụvọ ini oze ẹdọwụ awụ nịnị, dụ wa zụ gụ nịnị nị. 11Ohomorihi Ada ayị ọnị ụvọta beri Ijeesu Ananyị yị ọ̀ navọ ọ̀ mẹ oze yị, di ye zụ ve hee wu nịnị! 12Ananyị yị ọ̀ navọ wee sì ịrẹyị ẹngụụ hu avọọ, di u we ree sì ịrẹyị azaa hu avọọ, anka ẹ́yị mè ree sì ịrẹyị ẹwụ nịnị. 13Ini oze avọọ, dị ụ wa vị ọnịnị nịnị ọ́vịdị Ohomorihi Ada ayị ịnị ụmẹ oni Ijeesu Ananyị yị vaa sị vaa vẹ beri avaba aza anị!
Цяпер абрана:
1 Anịtẹsaronika 3: EBTP
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Ebira First Bible © Bible Society of Nigeria, 2014.
1 Anịtẹsaronika 3
3
1 #
Ụkọ 17.15
Ịjị yẹ̀ yị kụkụ zụ zaa, dị ị kụkụ ka à navọ yị tụ́ Atẹnị, 2dị ya tụ́ Itimoti hi wu nịnị nị. Itimoti vị ọyịnyara ayị, ẹnẹ ẹyịrịị aa mẹ̀ ụkọrọ Ohomorihi, dị yaa kà enube ọyịza Ikirisiti. Yâ tụ́ ọọ ka ọ̀ va mẹ ka wa jẹẹ geri-geri, dị ọ̀ tụ́ wụ nịnị ọtụtụrụma ka wa yịị sị ayịị tụra Ikirisiti nịnị, 3agụvị asị ana nyị ọza ana vara ayị ịnị awụ nịnị agụvị ụya ọnị ụ waa rị nịnị aanị. Ẹwụ nịnị nyẹmba ọ́ọ yẹ ka ụyọrị yà ịnị ịsa oni Ohomorihi sì ka ò tù yi. 4Ị mẹ̀ vịdị yà ịdị awụ nịnị, yée jintu kà a wụ nịnị ka ẹ yị zụ nyị ka ayị vaa sị ụyaa rị yị. Wáa yẹ nịnị ka avọọ gẹdẹ-gẹdẹ, ọ mẹ̀ yị va yà aanị nị. 5Mẹ yị kụkụ zụ za ayị; agụvị avọọ mị tụ́ vẹ nị. Mée sì ka ò ve re, ụ mẹmẹ aa yịị sị ayịị tụra Ikirisiti nịnị. Angwa ee hí mi ka Echu ọ sị wụ nịnị zama re, dị ọ mẹ wụ nịnị nyeeyi, dị ụkọrọ ayị na sị vị osusu kẹnẹ.
Ayị Ịpọọrụ ọ sị nẹtẹ
6 #
Ụkọ 18.5
Itimoti ọ va zị hụụ ịdị awụ nịnị ve tù yi. Enube ọnị ọ za va kà a yị, óo zoza ka vị ụ yị sị ayị tụra Ikirisiti nịnị, du u ree yii sì ịrẹyị ọza nịnị nị. Ọ kà waa tamayị ayị nịnị pooro, ọnịrị ka eyi ayị aa tụra wụ nịnị ẹtẹẹtẹrẹ, anka éyi ẹwụ nịnị ọnị mẹ̀ raa tụra ẹyị. 7Ẹwụ nịnị ẹyịnyara amị, ịnị avaba ụyọrị ọnịrị akanya ayị, ayị ayị ộ nẹtẹ agụvị awụ nịnị, agụvị ka wa sị sị ayị tụra Ikirisiti nịnị. 8Yáa yẹ ka yáa yàra ịzẹyịza, agụvị ka wa jị jẹẹ pe Ananyị yị geri-geri nịnị. 9Yẹ yị nyị ẹngụ kụ́ Ohomorihi avọ booro aanị agụvị awụ nịnị. Yaa kụ́ ọọ avọ agụvị inohine ọnị ị nyị ọ́vịdị Ohomorihi agụvị awụ nịnị. 10Ọọdụ ọnịrị ịrahụ, yaa sị avaba ayị ayịị mẹ̀ aduwa ka ya rẹ sị eyi gẹrị ẹwụ nịnị, dị ya zụ gụ wụ nịnị ụvọ ini oze ẹdọwụ awụ nịnị, dụ wa zụ gụ nịnị nị. 11Ohomorihi Ada ayị ọnị ụvọta beri Ijeesu Ananyị yị ọ̀ navọ ọ̀ mẹ oze yị, di ye zụ ve hee wu nịnị! 12Ananyị yị ọ̀ navọ wee sì ịrẹyị ẹngụụ hu avọọ, di u we ree sì ịrẹyị azaa hu avọọ, anka ẹ́yị mè ree sì ịrẹyị ẹwụ nịnị. 13Ini oze avọọ, dị ụ wa vị ọnịnị nịnị ọ́vịdị Ohomorihi Ada ayị ịnị ụmẹ oni Ijeesu Ananyị yị vaa sị vaa vẹ beri avaba aza anị!
Цяпер абрана:
:
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Ebira First Bible © Bible Society of Nigeria, 2014.