1 Ịjọọnụ 5
5
Ị mẹmẹ zụ huna ịsa edivi ẹhẹ
1Ọza tụra ọza ana àa dọ ka Ijeesu ọ vị Ikirisiti nị, ozi Ohomorihi ọza ọnọọ vị nị. Wèe sì ịrẹyị ada ọza, u re vee sì ịrẹyị ọza ọnọọ. 2Aanị ị mẹmẹ zụ yẹ ka yee sì ịrẹyị ezi Ohomorihi ana vọ nị, yèe sì ịrẹyị Ohomorihi, dị yaa saasa ọda anị nị. 3#Ịjọ 14.15Yèe sì ịrẹyị Ohomorihi, ị rẹ vaa saasa ọda anị. Ọda Ohomorihi ẹ́ yị katẹngụ, 4agụvị ka avaba ezi Ohomorihi ẹ zụ nyị ehuna ịsa edivi ịnị ẹhẹ ọnọnị. Ẹdọwụ ọnị nyị ịnị Ijeesu, ị sị nyị ehuna ịsa edivi ịnị ẹhẹ nị. 5Ẹnẹ zụ́ nyị ehuna ịsa edivi ẹhẹ ọnọnị? Ọza ana dọ ka Ijeesu vị Ozi Ohomorihi kẹnẹ yọ nị.
Sị ẹ sị zụ̀ ka Ijeesu vị Ozi Ohomorihi?
6Ijeesu Ikirisiti ọ vẹ ẹhẹ dị a sị enyi mẹ̀ ọyịhwọzenyi yọ nị, dị o re che anya anị sẹ ẹtẹ nị. Ẹ́ yị vị enyi kẹnẹ ọ sị vẹ, ama enyi beri anya. Ụhwẹ Ọnịnị ọ dọ ivenu tụ́ ọ nị, wáa yẹ ka Ụhwẹ Ọnịnị o mē cheeche. 7Onivenu vị ẹẹta ana dọ irenu ịrẹyị ọnọọ. 8Onivenu ẹyịta ẹnẹẹ ẹ vị Ụhwẹ Ọnịnị ọnịrị enyi beri anya nị. Ẹnị ẹyịta vị ana dọ ivenu ịsa ọnyọọnya. 9Ọza ọ̀ọ dọ ivenu tụ́ ịnị ịrẹyị ọnya, ịị̄ dọ ọ. Yẹ ka Ohomorihi ọ̀ọ dọ ivenu tụ́ ịnị ịrẹyị, ọnị ọ jẹẹ hu nị. Ohomorihi ọnị ụvọta ọ dọ ivenu tụ́ ịnị ịrẹyị ẹnẹnị ana a kà ịnị oze Ozi anị nị. 10Agụvị avọọ, ọza ana àa sị ayị tụra Ozi Ohomorihi, vaa yẹ ịnị ayị anị ka ịzẹyịza ívenu ọnọnị vị nị. Ama ọza ẹnẹ ẹ̀ yị sị ayị tụra Ohomorihi, ọ sị Ohomorihi za onireche da, agụvị ka ọ́ yị dọ ịrẹyị ọnị Ohomorihi kà ini oze Ozi anị wụ́. 11#Ịjọ 3.36Ivenu oni Ohomorihi dọ yị: Ohomorihi ộ mẹ̀ ka ya yàra ịdị anị pooro zịna-zịna. Agụvị Ozi anị ị vavọọ nyẹngụ sị yára nị. 12Ọza ịnị ọnịrị Ozi Ohomorihi ọ̀ọ vabẹ, ọnị ọ vavọọ vaa yàra nị. Ama ọza ọnị ọnịrị Ozi Ohomorihi ọ̀ yị vabẹ, ọ́ yị zụ vavọọ yára.
Ẹhẹ Arịmata
13Maa chẹrẹ ịsa ẹnẹnịị tụ́ụ hi wu nịnị, agụvị ẹwụ nịnị ana sị ayị tụra Ozi Ohomorihi, ọ̀ zụ yẹ ka wa sị yára nịnị ịdị Ohomorihi pooro zịna-zịna. 14Yáa nyị ọtụtụrụma ọ́vịdị Ohomorihi, agụvị ka ịsa tụra ịsa oni yèe họ̀ use hụụnị ụvọ anị anka o me sì ọọ̄ sị ụtọọ pe yi. 15Yáa yẹ ka ọọ̄ sị ụtọọ pe yi, agụvị avọọ ya rẹ yẹ ka ịsị yèe họ̀ use hụụnị ụvọ anị, ọ raà sị yị da. 16Ọza ene èe re ka ọhụva anị ana vị ọdọwụ aa mẹ ịvị ẹnẹ ẹ̀ yị vị ịvị isu, ọ da ịpẹ yị Ohomorihi ka ọ sị ẹhẹ ọwọọwa yọ; ọnị ọ vị ka ọza ọnị ịvị anị ọ̀ yị vị ịvị isu. Áa nyị ịvị ana vị ịvị isu. Mẹ yị kà a ka wa mẹ̀ aduwa ini oze ọnọọ nịnị. 17Avaba ịsa edivi vị ịvị, ama áa nyị ịvị ẹnẹ ẹ̀ yị vị ịvị isu. 18Yáa yẹ ka ezi Ohomorihi ọ mā kụkụ aa yịị mẹ ịvị, ama oō sere ẹngụ anị, dị Echu ọ́ yị nyẹngụ kanyị ọ. 19Ẹyị áa yẹ ka ẹyị vị ezi Ohomorihi, avaba anẹhẹ ana vọ vị ana yà ịnị ụvọ Echu. 20Yáa yẹ ka Ozi Ohomorihi ộ vẹ ẹhẹ, dị ọ sị ịrẹyọyẹ yị ka ya zụ yẹ Ohomorihi ọnịzẹyịza nị. Ẹyịrị Ohomorihi ọ sị vị ọnya ne beri Ijeesu Ikirisiti Ozi anị. Ọnị ọ vị Ohomorihi ọnịzẹyịza nị, ọnị ọ rẹẹ̄ mẹ ka ọza ọ̀ yàra pooro zịna-zịna nị. 21Ẹwụ nịnị ezi emi, si eyi pe ẹngụ awụ nịnị, asị ụ na hẹkẹ ori nịnị o!
Цяпер абрана:
1 Ịjọọnụ 5: EBTP
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Ebira First Bible © Bible Society of Nigeria, 2014.
1 Ịjọọnụ 5
5
Ị mẹmẹ zụ huna ịsa edivi ẹhẹ
1Ọza tụra ọza ana àa dọ ka Ijeesu ọ vị Ikirisiti nị, ozi Ohomorihi ọza ọnọọ vị nị. Wèe sì ịrẹyị ada ọza, u re vee sì ịrẹyị ọza ọnọọ. 2Aanị ị mẹmẹ zụ yẹ ka yee sì ịrẹyị ezi Ohomorihi ana vọ nị, yèe sì ịrẹyị Ohomorihi, dị yaa saasa ọda anị nị. 3#Ịjọ 14.15Yèe sì ịrẹyị Ohomorihi, ị rẹ vaa saasa ọda anị. Ọda Ohomorihi ẹ́ yị katẹngụ, 4agụvị ka avaba ezi Ohomorihi ẹ zụ nyị ehuna ịsa edivi ịnị ẹhẹ ọnọnị. Ẹdọwụ ọnị nyị ịnị Ijeesu, ị sị nyị ehuna ịsa edivi ịnị ẹhẹ nị. 5Ẹnẹ zụ́ nyị ehuna ịsa edivi ẹhẹ ọnọnị? Ọza ana dọ ka Ijeesu vị Ozi Ohomorihi kẹnẹ yọ nị.
Sị ẹ sị zụ̀ ka Ijeesu vị Ozi Ohomorihi?
6Ijeesu Ikirisiti ọ vẹ ẹhẹ dị a sị enyi mẹ̀ ọyịhwọzenyi yọ nị, dị o re che anya anị sẹ ẹtẹ nị. Ẹ́ yị vị enyi kẹnẹ ọ sị vẹ, ama enyi beri anya. Ụhwẹ Ọnịnị ọ dọ ivenu tụ́ ọ nị, wáa yẹ ka Ụhwẹ Ọnịnị o mē cheeche. 7Onivenu vị ẹẹta ana dọ irenu ịrẹyị ọnọọ. 8Onivenu ẹyịta ẹnẹẹ ẹ vị Ụhwẹ Ọnịnị ọnịrị enyi beri anya nị. Ẹnị ẹyịta vị ana dọ ivenu ịsa ọnyọọnya. 9Ọza ọ̀ọ dọ ivenu tụ́ ịnị ịrẹyị ọnya, ịị̄ dọ ọ. Yẹ ka Ohomorihi ọ̀ọ dọ ivenu tụ́ ịnị ịrẹyị, ọnị ọ jẹẹ hu nị. Ohomorihi ọnị ụvọta ọ dọ ivenu tụ́ ịnị ịrẹyị ẹnẹnị ana a kà ịnị oze Ozi anị nị. 10Agụvị avọọ, ọza ana àa sị ayị tụra Ozi Ohomorihi, vaa yẹ ịnị ayị anị ka ịzẹyịza ívenu ọnọnị vị nị. Ama ọza ẹnẹ ẹ̀ yị sị ayị tụra Ohomorihi, ọ sị Ohomorihi za onireche da, agụvị ka ọ́ yị dọ ịrẹyị ọnị Ohomorihi kà ini oze Ozi anị wụ́. 11#Ịjọ 3.36Ivenu oni Ohomorihi dọ yị: Ohomorihi ộ mẹ̀ ka ya yàra ịdị anị pooro zịna-zịna. Agụvị Ozi anị ị vavọọ nyẹngụ sị yára nị. 12Ọza ịnị ọnịrị Ozi Ohomorihi ọ̀ọ vabẹ, ọnị ọ vavọọ vaa yàra nị. Ama ọza ọnị ọnịrị Ozi Ohomorihi ọ̀ yị vabẹ, ọ́ yị zụ vavọọ yára.
Ẹhẹ Arịmata
13Maa chẹrẹ ịsa ẹnẹnịị tụ́ụ hi wu nịnị, agụvị ẹwụ nịnị ana sị ayị tụra Ozi Ohomorihi, ọ̀ zụ yẹ ka wa sị yára nịnị ịdị Ohomorihi pooro zịna-zịna. 14Yáa nyị ọtụtụrụma ọ́vịdị Ohomorihi, agụvị ka ịsa tụra ịsa oni yèe họ̀ use hụụnị ụvọ anị anka o me sì ọọ̄ sị ụtọọ pe yi. 15Yáa yẹ ka ọọ̄ sị ụtọọ pe yi, agụvị avọọ ya rẹ yẹ ka ịsị yèe họ̀ use hụụnị ụvọ anị, ọ raà sị yị da. 16Ọza ene èe re ka ọhụva anị ana vị ọdọwụ aa mẹ ịvị ẹnẹ ẹ̀ yị vị ịvị isu, ọ da ịpẹ yị Ohomorihi ka ọ sị ẹhẹ ọwọọwa yọ; ọnị ọ vị ka ọza ọnị ịvị anị ọ̀ yị vị ịvị isu. Áa nyị ịvị ana vị ịvị isu. Mẹ yị kà a ka wa mẹ̀ aduwa ini oze ọnọọ nịnị. 17Avaba ịsa edivi vị ịvị, ama áa nyị ịvị ẹnẹ ẹ̀ yị vị ịvị isu. 18Yáa yẹ ka ezi Ohomorihi ọ mā kụkụ aa yịị mẹ ịvị, ama oō sere ẹngụ anị, dị Echu ọ́ yị nyẹngụ kanyị ọ. 19Ẹyị áa yẹ ka ẹyị vị ezi Ohomorihi, avaba anẹhẹ ana vọ vị ana yà ịnị ụvọ Echu. 20Yáa yẹ ka Ozi Ohomorihi ộ vẹ ẹhẹ, dị ọ sị ịrẹyọyẹ yị ka ya zụ yẹ Ohomorihi ọnịzẹyịza nị. Ẹyịrị Ohomorihi ọ sị vị ọnya ne beri Ijeesu Ikirisiti Ozi anị. Ọnị ọ vị Ohomorihi ọnịzẹyịza nị, ọnị ọ rẹẹ̄ mẹ ka ọza ọ̀ yàra pooro zịna-zịna nị. 21Ẹwụ nịnị ezi emi, si eyi pe ẹngụ awụ nịnị, asị ụ na hẹkẹ ori nịnị o!
Цяпер абрана:
:
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Ebira First Bible © Bible Society of Nigeria, 2014.