1 Ịjọọnụ 2
2
Ikirisiti vị Ọnịpọda Ayị
1Ẹwụ nịnị ezi emi, maa chẹrẹ ịsa ẹnẹnịị tụ́ụ hi wu nịnị agụvị asị ụ mẹ̀ ịvị nịnị. Ama àa nyị ọza ana mẹ ịvị, áa nyị ọnịpọda ọnya ana yà ịdị Ohomorihi Ada ayị; ọza ọnọọ ọ vị Ijeesu Ikirisiti ana vị ọnịrẹyịzẹyịza nị. 2Ọnị ọ sị ẹngụ anị mẹ̀ ịsọvọ ana kụ́ ịvị ayị kwooze nị. Ẹ́ yị hyakụ vị ẹ́ẹyịnya kẹnẹ, ama ịvị avaba anẹhẹ. 3Yàa saasa ịrẹyị Ohomorihi, ọnị ọ vaa sị zụ̀ ka yáa yẹ Ohomorihi nị. 4Ọza ana áa ka ọnị ọ́ọ yẹ ẹ, dị ẹ̀ yị saasa ọda anị nị, onireche ọ vị nị, ọ́ yị nyị ịzẹyịza. 5Ama ọza ana àa saasa ịrẹyị Ohomorihi, ọnị gẹdẹ-gẹdẹ ịrẹyị Ohomorihi oyisì gụ tụ́ ịnị ayị anị nị. Ịsị ẹ zụ sị zụ̀ ka ẹyịrị Ohomorihi ọ sị vị ọnya yị: 6Ọza ana àa ka ọnịrị Ohomorihi ọ sị vị ọnya, áa vọrọ ka ọ̀ọ zị ụsẹ anka Ijeesu mẹ̀ zị ụsẹ.
Ọda Ọwọọwa
7 #
Ịjọ 13.34
Ẹwụ nịnị anda ayị, ọda ọnị maa chẹrẹ tụ́ụ hi wu nịnị ini oze anị aanị, ẹ́ yị vị ọwọọwa ọ vị. Ọda ịyẹẹyẹ ana a vịdị aa yịị kà a wụ nịnị hụrị ụmọrụmọ yọ nị. Ọda ịyẹẹyẹ ọnọọ ọ vị ịrẹyị ọnị ụ vịdị sị wụ́ nịnị nị. 8Ama áa nyị ịsa ọwọọwa ọnị maa chẹrẹ ẹ tụ́ụ hi wu nịnị ana yà ịnị ọda ọnọọ. Ijeesu ọnị ụvọta ộ sị zụ ka ịzẹyịza ọwọọwa yọ, ọnịrị ẹwụ nịnị bẹẹ; agụvị ka ịrahụ aa tá, ẹtohweyi obooro o si nyima aa vẹ. 9Ọza ana àa ka ọnị yà ini ẹtohweyi, dị aa yịị kụ́ ayị ọnọhụva anị nị, ịnị ịrahụ ọ yị yà vi ve tu ọyaanị nị. 10Ama ọza ene èe sì ịrẹyị ọnọhụva anị, ọnị ọ yà ini ẹtohweyi nị; ẹ́ yị nyị ịsị ẹ zụ mẹ ka ọ̀ mẹ ọnọhụva anị ka ọ̀ mẹ ịvị. 11Ọza ana àa kụ́ ayị ọnọhụva anị, vị ana yà ịnị ịrahụ, dị ọ raa zị ụsẹ ịnị ịrahụ nị; O yi re ịzị aa nọ agụvị ka ịrahụ ọnọọ o si o gu eyi. 12Ẹwụ nịnị ezweyi emi, maa chẹrẹ iwe tụ́ụ hi wu nịnị, agụvị ka Ohomorihi ọ raà vagu wu ịnị ịvị awụ nịnị agụvị Ijeesu Ikirisiti. 13Ẹwụ nịnị Ada, maa chẹrẹ iwe ọnọnịị tụ́ụ hi wu nịnị agụvị ka wa sị yẹ ọza ọnọọ ana yà ịzọọ dị a va yẹ ka aa mẹ ẹhẹ. Mị raa chẹrẹ iwee tụ́ụ hi ẹwụ nịnị ezwọọmụha agụvị ka wa sị echu huna nịnị. 14Maa chẹrẹ iwee tụ́ụ hi ẹwụ nịnị ezweyi agụvị ka waa yẹ Ohomorihi Ada ayị. Maa chẹrẹ iwee tụ́ụ hi ẹwụ nịnị ada ayị agụvị ka waa yẹ ọza ana yà ịzọọ dị a va yẹ ka aa mẹ ẹhẹ. Maa chẹrẹ iwee tụ́ụ hi ẹwụ nịnị ezwọọmụha agụvị ka wáa nyị ụkata nịnị; ịrẹyị Ohomorihi yà ịnị ayị awụ nịnị, wa sị Echu huna nịnị. 15Asị ụ sị eyi tụ́ ịnị ịsa ẹhẹ ọnịrị ịsa ene hi ini ẹhẹ. Ọza ana àa sị eyi tụ́ ịnị ịsa ẹhẹ, o yi kuku zụ sì ịrẹyị Ohomorihi Ada ayị. 16Avaba ịsa ene hi ịnị ẹhẹ yị: Ịsa edivi ọnị ọchẹngụ azaā sì, ịsa ana azaā sị eyiī tụ́ ịnị anị, dị eyi ẹnịnị ẹ̀ yị hụụnị anị, ọnịrị ịsa ẹhẹ ọnọnị ọnị ọza sịị̄ mẹ eyi. Avaba ịsa ẹnẹnị ẹ́ yị vị ịdị Ohomorihi Ada ayị ẹ hụrẹ vẹ, ẹ́ẹhẹ ẹ vị nị. 17Yẹ ka ẹhẹ vị ana aa ta; avaba ịsa ene hi ịnị anị ana aza sị eyi tụ́ ịnị anị, ẹnị vị ene ree du. Ama ọza ana àa mẹ̀ ịsa oni Ohomorihi sì, ọnị ọ vaa jẹẹ pooro zịna-zịna nị.
Ọnịvị Ikirisiti
18Ẹwụ nịnị ezi emi, ụmẹ ọdịrẹma yị. Tamayị ka â vịdị kà a wụ nịnị ka ọnịvị Ikirisiti vaa vẹ. Yée re ka ọnịvị Ikirisiti ẹ zị vẹ da, ana sị zụ̀ ka ụmẹ ọdịrẹma o si tù. 19Aza ẹnẹẹ vị ana hụụ ịdị ayị agụvị ka ẹyịrị wa ẹ́ yị vị ọnya. Ẹyịrị wa ọ̀ọ yaanị vị ọnya, ẹnịnị vị ana yaanị yà pe yị. Ama ẹ́ẹ hụụ ịdị ayị agụvị dị ọzọza è ree ka ẹyịrị wa ẹ́ yị vị ọnya. 20Àa vị ẹwụ nịnị yọ, Ụhwẹ Ọnịnị yà ịnị ayị awụ nịnị; avaba awụ nịnị ọ́ọ yẹ ịzẹyịza. 21Ẹ́ yị vị agụvị ka wẹ yị yẹ ịzẹyịza nịnị m maa sịị chẹrẹ ịsaa tụ́ụ hi wu nịnị, ama agụvị ka waa yẹ ịzẹyịza nịnị yọ nị. Wa rẹ yẹ nịnị ka ịrẹyị ịzẹyịza ọ ma nyị ireche. 22Ẹnẹ vị onireche? Ọza ana àa kà a ka ẹ́ yị vị Ijeesu ọ vị Ikirisiti, ọnị ọ vị onireche nị. Ọza ẹnẹ ẹ̀ yị dọ Ohomorihi Ada ayị ọnịrị Ozi anị, ọza ọnọọ ọ vị ọnịvị Ikirisiti nị. 23Ọza ẹnẹ ẹ̀ yị dọ Ozi Ohomorihi, vị ẹ̀ yị rẹ dọ Ohomorihi Ada ayị avọọ nị. Ama ọza ana àa sị Ozi Ohomorihi dọ, vị ọ rẹ dọ Ohomorihi Ada ayị avọọ nị. 24Agụvị avọọ, navọ enube ọnị u vịdị sị wụ nịnị hụrị ụmọrụmọ ọ̀ yà ịnị ayị awụ nịnị. Enube ọnọọ ọ̀ọ yà ịnị ayị awụ nịnị, ẹwụrị Ozi Ohomorihi beri Ohomorihi Ada ayị vaa vaabẹ nịnị pooro. 25Tamayị ka Ikirisiti ọnị ụvọta ọ raà kà a ka ẹ́ yi zụ nyị ka ọnị ẹ́yị vaa mẹ ka wa yara ịdị Ohomorihi nịnị pooro zịna-zịna. 26Ịsa ẹnẹnị mị kà wụ nịnị nị agụvị aza ene ee sì ka eni è vene wu nịnị. 27Ama àa vị ẹwụ nịnị yọ, Ikirisiti ọ raà sị Ụhwẹ Ọnịnị yị wụ ana yà ịnị ayị awụ nịnị. Agụvị avọọ, ẹ́ yị nyị ka ọza ẹnẹsa ọ̀ọ zụ̀ wụ nịnị oze. Ụhwẹ Ọnịnị anị ọnọọ aa sị oze zụ̀ wụ nịnị ịnị avaba ịsa nị. Ịzẹyịza aa sịị zụ̀ wụ nịnị nị, o me cheeche vụrụ-vụrụ. Agụvị avọọ, anka ọ mẹ zụ̀ wụ nịnị ịsa, ẹwụrị ọ ò dudu rị vabẹ nịnị. 28Ẹwụ nịnị ezi emi, mị ka ẹwụrị Ijeesu ọ̀ rị vabẹ nịnị, agụvị ịhị ọ̀ọ vavẹ, ya nyị ọtụtụrụma, asị ụhị dụ yị varẹma hụụ ịdị anị, ọ̀ọ vẹ. 29Wáa yẹ nịnị ka Ijeesu Ikirisiti vị ọnịrẹyịzẹyịza; agụvị avọọ wa rẹ yẹ ka ọza ana àa mẹ̀ ịsa ana vọrọ, ozi Ohomorihi ọ vị nị.
Цяпер абрана:
1 Ịjọọnụ 2: EBTP
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Ebira First Bible © Bible Society of Nigeria, 2014.
1 Ịjọọnụ 2
2
Ikirisiti vị Ọnịpọda Ayị
1Ẹwụ nịnị ezi emi, maa chẹrẹ ịsa ẹnẹnịị tụ́ụ hi wu nịnị agụvị asị ụ mẹ̀ ịvị nịnị. Ama àa nyị ọza ana mẹ ịvị, áa nyị ọnịpọda ọnya ana yà ịdị Ohomorihi Ada ayị; ọza ọnọọ ọ vị Ijeesu Ikirisiti ana vị ọnịrẹyịzẹyịza nị. 2Ọnị ọ sị ẹngụ anị mẹ̀ ịsọvọ ana kụ́ ịvị ayị kwooze nị. Ẹ́ yị hyakụ vị ẹ́ẹyịnya kẹnẹ, ama ịvị avaba anẹhẹ. 3Yàa saasa ịrẹyị Ohomorihi, ọnị ọ vaa sị zụ̀ ka yáa yẹ Ohomorihi nị. 4Ọza ana áa ka ọnị ọ́ọ yẹ ẹ, dị ẹ̀ yị saasa ọda anị nị, onireche ọ vị nị, ọ́ yị nyị ịzẹyịza. 5Ama ọza ana àa saasa ịrẹyị Ohomorihi, ọnị gẹdẹ-gẹdẹ ịrẹyị Ohomorihi oyisì gụ tụ́ ịnị ayị anị nị. Ịsị ẹ zụ sị zụ̀ ka ẹyịrị Ohomorihi ọ sị vị ọnya yị: 6Ọza ana àa ka ọnịrị Ohomorihi ọ sị vị ọnya, áa vọrọ ka ọ̀ọ zị ụsẹ anka Ijeesu mẹ̀ zị ụsẹ.
Ọda Ọwọọwa
7 #
Ịjọ 13.34
Ẹwụ nịnị anda ayị, ọda ọnị maa chẹrẹ tụ́ụ hi wu nịnị ini oze anị aanị, ẹ́ yị vị ọwọọwa ọ vị. Ọda ịyẹẹyẹ ana a vịdị aa yịị kà a wụ nịnị hụrị ụmọrụmọ yọ nị. Ọda ịyẹẹyẹ ọnọọ ọ vị ịrẹyị ọnị ụ vịdị sị wụ́ nịnị nị. 8Ama áa nyị ịsa ọwọọwa ọnị maa chẹrẹ ẹ tụ́ụ hi wu nịnị ana yà ịnị ọda ọnọọ. Ijeesu ọnị ụvọta ộ sị zụ ka ịzẹyịza ọwọọwa yọ, ọnịrị ẹwụ nịnị bẹẹ; agụvị ka ịrahụ aa tá, ẹtohweyi obooro o si nyima aa vẹ. 9Ọza ana àa ka ọnị yà ini ẹtohweyi, dị aa yịị kụ́ ayị ọnọhụva anị nị, ịnị ịrahụ ọ yị yà vi ve tu ọyaanị nị. 10Ama ọza ene èe sì ịrẹyị ọnọhụva anị, ọnị ọ yà ini ẹtohweyi nị; ẹ́ yị nyị ịsị ẹ zụ mẹ ka ọ̀ mẹ ọnọhụva anị ka ọ̀ mẹ ịvị. 11Ọza ana àa kụ́ ayị ọnọhụva anị, vị ana yà ịnị ịrahụ, dị ọ raa zị ụsẹ ịnị ịrahụ nị; O yi re ịzị aa nọ agụvị ka ịrahụ ọnọọ o si o gu eyi. 12Ẹwụ nịnị ezweyi emi, maa chẹrẹ iwe tụ́ụ hi wu nịnị, agụvị ka Ohomorihi ọ raà vagu wu ịnị ịvị awụ nịnị agụvị Ijeesu Ikirisiti. 13Ẹwụ nịnị Ada, maa chẹrẹ iwe ọnọnịị tụ́ụ hi wu nịnị agụvị ka wa sị yẹ ọza ọnọọ ana yà ịzọọ dị a va yẹ ka aa mẹ ẹhẹ. Mị raa chẹrẹ iwee tụ́ụ hi ẹwụ nịnị ezwọọmụha agụvị ka wa sị echu huna nịnị. 14Maa chẹrẹ iwee tụ́ụ hi ẹwụ nịnị ezweyi agụvị ka waa yẹ Ohomorihi Ada ayị. Maa chẹrẹ iwee tụ́ụ hi ẹwụ nịnị ada ayị agụvị ka waa yẹ ọza ana yà ịzọọ dị a va yẹ ka aa mẹ ẹhẹ. Maa chẹrẹ iwee tụ́ụ hi ẹwụ nịnị ezwọọmụha agụvị ka wáa nyị ụkata nịnị; ịrẹyị Ohomorihi yà ịnị ayị awụ nịnị, wa sị Echu huna nịnị. 15Asị ụ sị eyi tụ́ ịnị ịsa ẹhẹ ọnịrị ịsa ene hi ini ẹhẹ. Ọza ana àa sị eyi tụ́ ịnị ịsa ẹhẹ, o yi kuku zụ sì ịrẹyị Ohomorihi Ada ayị. 16Avaba ịsa ene hi ịnị ẹhẹ yị: Ịsa edivi ọnị ọchẹngụ azaā sì, ịsa ana azaā sị eyiī tụ́ ịnị anị, dị eyi ẹnịnị ẹ̀ yị hụụnị anị, ọnịrị ịsa ẹhẹ ọnọnị ọnị ọza sịị̄ mẹ eyi. Avaba ịsa ẹnẹnị ẹ́ yị vị ịdị Ohomorihi Ada ayị ẹ hụrẹ vẹ, ẹ́ẹhẹ ẹ vị nị. 17Yẹ ka ẹhẹ vị ana aa ta; avaba ịsa ene hi ịnị anị ana aza sị eyi tụ́ ịnị anị, ẹnị vị ene ree du. Ama ọza ana àa mẹ̀ ịsa oni Ohomorihi sì, ọnị ọ vaa jẹẹ pooro zịna-zịna nị.
Ọnịvị Ikirisiti
18Ẹwụ nịnị ezi emi, ụmẹ ọdịrẹma yị. Tamayị ka â vịdị kà a wụ nịnị ka ọnịvị Ikirisiti vaa vẹ. Yée re ka ọnịvị Ikirisiti ẹ zị vẹ da, ana sị zụ̀ ka ụmẹ ọdịrẹma o si tù. 19Aza ẹnẹẹ vị ana hụụ ịdị ayị agụvị ka ẹyịrị wa ẹ́ yị vị ọnya. Ẹyịrị wa ọ̀ọ yaanị vị ọnya, ẹnịnị vị ana yaanị yà pe yị. Ama ẹ́ẹ hụụ ịdị ayị agụvị dị ọzọza è ree ka ẹyịrị wa ẹ́ yị vị ọnya. 20Àa vị ẹwụ nịnị yọ, Ụhwẹ Ọnịnị yà ịnị ayị awụ nịnị; avaba awụ nịnị ọ́ọ yẹ ịzẹyịza. 21Ẹ́ yị vị agụvị ka wẹ yị yẹ ịzẹyịza nịnị m maa sịị chẹrẹ ịsaa tụ́ụ hi wu nịnị, ama agụvị ka waa yẹ ịzẹyịza nịnị yọ nị. Wa rẹ yẹ nịnị ka ịrẹyị ịzẹyịza ọ ma nyị ireche. 22Ẹnẹ vị onireche? Ọza ana àa kà a ka ẹ́ yị vị Ijeesu ọ vị Ikirisiti, ọnị ọ vị onireche nị. Ọza ẹnẹ ẹ̀ yị dọ Ohomorihi Ada ayị ọnịrị Ozi anị, ọza ọnọọ ọ vị ọnịvị Ikirisiti nị. 23Ọza ẹnẹ ẹ̀ yị dọ Ozi Ohomorihi, vị ẹ̀ yị rẹ dọ Ohomorihi Ada ayị avọọ nị. Ama ọza ana àa sị Ozi Ohomorihi dọ, vị ọ rẹ dọ Ohomorihi Ada ayị avọọ nị. 24Agụvị avọọ, navọ enube ọnị u vịdị sị wụ nịnị hụrị ụmọrụmọ ọ̀ yà ịnị ayị awụ nịnị. Enube ọnọọ ọ̀ọ yà ịnị ayị awụ nịnị, ẹwụrị Ozi Ohomorihi beri Ohomorihi Ada ayị vaa vaabẹ nịnị pooro. 25Tamayị ka Ikirisiti ọnị ụvọta ọ raà kà a ka ẹ́ yi zụ nyị ka ọnị ẹ́yị vaa mẹ ka wa yara ịdị Ohomorihi nịnị pooro zịna-zịna. 26Ịsa ẹnẹnị mị kà wụ nịnị nị agụvị aza ene ee sì ka eni è vene wu nịnị. 27Ama àa vị ẹwụ nịnị yọ, Ikirisiti ọ raà sị Ụhwẹ Ọnịnị yị wụ ana yà ịnị ayị awụ nịnị. Agụvị avọọ, ẹ́ yị nyị ka ọza ẹnẹsa ọ̀ọ zụ̀ wụ nịnị oze. Ụhwẹ Ọnịnị anị ọnọọ aa sị oze zụ̀ wụ nịnị ịnị avaba ịsa nị. Ịzẹyịza aa sịị zụ̀ wụ nịnị nị, o me cheeche vụrụ-vụrụ. Agụvị avọọ, anka ọ mẹ zụ̀ wụ nịnị ịsa, ẹwụrị ọ ò dudu rị vabẹ nịnị. 28Ẹwụ nịnị ezi emi, mị ka ẹwụrị Ijeesu ọ̀ rị vabẹ nịnị, agụvị ịhị ọ̀ọ vavẹ, ya nyị ọtụtụrụma, asị ụhị dụ yị varẹma hụụ ịdị anị, ọ̀ọ vẹ. 29Wáa yẹ nịnị ka Ijeesu Ikirisiti vị ọnịrẹyịzẹyịza; agụvị avọọ wa rẹ yẹ ka ọza ana àa mẹ̀ ịsa ana vọrọ, ozi Ohomorihi ọ vị nị.
Цяпер абрана:
:
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Ebira First Bible © Bible Society of Nigeria, 2014.