ဂၪ့ဆၧ 5
5
5
ဆၧယၫ့ၥၭအဆၧဘၩဆိၪဖၪလယွ့.
1ယဟိဝၩဧ့, ဆၧလၧအဘၪပၧၩနီၪ, နၪ့ထၪ့ထဲၩ့ဆံၭ. ယိလၩ့ခွါလၩ့ပၧၩတၭ, ယိဆီၫ့မီၪ့ဆၧဒုၪဒွ့ၪပၧၩဆံၭ.
2ပဆၧန့ၥၫနီၪထီၩ့ လၧၦလခီၫဘၩ့မုးဖိၪအစူၪဖၧၩ့, ဒဲပဂံၪ့ပဎၫ့ထီၩ့လၧၦဆၨၩဂူၫဂၩၥံၪအစူၪဖၧၩ့လီၫ.
3ပမွဲပဖိၪဎွ့ၪတၭ, ပဖါအီၪအ့ၬ, ပမိမၩအၥၭဘဲၫၦ မုၪမဲၫအၥိၭနီၪလီၫ.
4ပအီၩပထံၫလၧစ့ၩအဂးတၭ, ဆၧအၪ့ဆၫန့ပၧၩလၧ ၥံၪ့မုလီၫ.
5ဆၧမၩအၧၩ့ပၧၩအီၪလၧနိၪယိၭဘီၩ့ လၧပခိၬအဖၫ့ ခိၪ,ပမၩဆၧတၭအီၪပွံၭဘၪအ့ၬ.
6ပဖ့ၪယူၭပစူၪလၧၦအံဇံၭဖိၪ, ဒဲလၧၦအစံရအၫဖိၪ ဘဲၫၥိၭပမိအၪ့ကိၪဘျဲၩအၪ့အၥိၭလီၫ.
7ပဖါလဖၪ မၩမၪဆၧတၭ,လအီၪလၧၩ့ဘၪနီၪ, ပ ဘၪအဝ့ၫၥံၪအဆၧဒဲၩဘၭလီၫ.
8ဆၧအဎီးအၡၩ ပၧၩ့ဘၪယူၭပၧၩလီၫ.ဆၧဖီၩ့ဖျ့ၭ ပၧၩလၧအဝ့ၫၥံၪအစူၪဖၧၩ့အီၪနးဂၩအ့ၬ.
9လၧမံၩ့လၬကျၩအနၭအကၠီၩ့နီၪ, ပန့ဘၪပဆၧအၪ့ လၧဆၧၥၭမဲၪပမိၥံၫအဖၧၩ့လီၫ.
10ပဖံၭၥၧၫ့ဝ့ၫ ဘဲၫဎွံၩ့အၥိၭနီၪ လၧဆၧၥၭဝံလၩ့ဒိၩ ဘၪပၧၩနၭနၭလ့ၬအကၠီၩ့လီၫ.
11အဝ့ၫၥံၪဖီၪ့ဆီၪ့ၦမုၪနၩ့ၥံၪလၧဇံအိၫ့အဖၧၩ့, ဒဲၦမုၪ နၩ့ၥံၪလၧယုဒၫအဒိၩ့လဖၪအဖၧၩ့လီၫ.
12စၧၩ့ၥံၫၦဒိၪလဖၪလၧအစူၪး ယူၭယၪ့ၦၥုၪ့က့ၭၥၭ ၡါအမ့ၬအ့ၬ.
13ဖီၪ့ထၬၦဖိၪၥၪခွၫဘဲၫၥိၭအမိဂူၬဆုၪ့ဂူၬတၭ, ဖိၪၥၪ လဖၪလၩ့ထံၩဖါလၧၥံၪ့မုအဖၫ့လၬလီၫ.
14ၦၥုၪ့က့ၭၥၭၡါအီၪလၧၩ့လၧတရၫ့ဖၧၩ့အ့ၬ, ၦဖိၪၥၪ ခွၫဒုၭအီၪလၩ့မါပံၭအဆၧၥံၫကျံၩလီၫ.
15ပၥုၪ့ထိၬၥၭထိၬအီၪပထုၬယူၭ, ပဂဲထုၪ့လံနီၪကဲၪ ထၪ့ဆၧၥၭအုၭလီၫ.
16ၥရဖူၩလၩ့ထ့ၬခွံၬလၧအခိၪဎွံၪလီၫ. မွဲပမၩမၪဆၧ တၭ,ပဘၪဆၧအၡၪ့လီၫ.
17ပၥၭလၩ့ဘဲၩလၧဆၧနီၪအကၠီၩ့, ပမ့ၬခံၭလၩ့လၧ ဆၧလဖၪနီၪအကၠီၩ့လီၫ.
18မွဲလၧခိၪလီၩ့ဇံအိၫ့အီၪယူဝ့ၫအကၠီၩ့တၭ, ထွံၪမံၩ့ လ့ၩဆၧလၧအလီၩ့လီၫ.
19ယဟိဝၩဧ့,နအီၪလၩ့ဆိၩလၩ့ကၠၪ, နလးဆီၩ့ဆီ အီၪဝ့ၫအဆိၩဆိၩအကၠၪကၠၪလီၫ.
20နၥၭနၪ့ပၧၩလၩ့ဆိၩလၩ့ကၠၪနီၪမွဲဘၪလဲၪ. နစဲၪ့ဒၪ ပၧၩအနံၩလဖၪအၪအၪလ့ၬမွဲဘၪလဲၪ.
21ဒုၭဂဲၫထဲၩ့ပၧၩလၧနအီၪဆံၭ, ယဟိဝၩဧ့, တၭပမိ ဘၪဆၧဂဲၫထဲၩ့ထဲၩ့ဝ့ၫလီၫ. မၩၥၫ့ထၪ့ထဲၩ့ပမုနံၩလ ဖၪဘဲၫလၧဖျိၩ့အၥိၭနီၪဆံၭ.
22မွဲတၡါနမိခွံၬၡိၭခွံၬပၧၩလူၬထူၬဆံၫ့ဘၩ့, နမိၥၭထၪ့ ဘၪပၧၩဆီၪ့ဆီၪ့လ့ၬလီၫ.
Цяпер абрана:
ဂၪ့ဆၧ 5: pwokyn2
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Pwo Kayin Bible © Bible Society of Myanmar, 1883.