ဇံၫ 27
27
27
ဆၧၥံၫအထၭခိၪလယွ့ လၧဝံးတဲအၫအဂး.
1-2ယဟိဝၩအလူလၩ့ဘၪဒီၭယၧၩတၭ,စံၭဝ့ၫဒၪ, ၦ ၡၩအဖိၪခွၫဧ့,ဒုၭအီၪထၪ့ဂၪ့ဆၧယၧၩ့ဆၧ လၧတဲအၫ 3အကၠီၩ့,- တၭစံၭ, တဲအၫ, ဒိၩ့လၧအအီၪလၧဆၧလ့ၩ နုၬလၧမၫဆမံၭဖၧၩ့,ၦဆၨၩလဖၪအၡၩဖနံၬဖိၪလၧခး လၧမၫဆမံၭနဲၩ့အၪဘံၪ့အဂး, လဖျိၪ့ဧ့,ကဆါယဟိ ဝၩစံၭဘဲၫယီၩ,တဲအၫဧ့,နစံၭ, ယဎံၫယလၩလၧၫ့ထၪ့ 4ဎွ့ၩထၪ့လီၫ.- နနဲၩ့ထံၭၥံၪအီၪလၧမၫဆမံၭဖၧၩ့, နၡၩ မၩထၪ့ဆၧၥံၪ မၩလၧၫ့ထၪ့ဎွ့ၩထၪ့နဎံၫနလၩလီၫ. 5အဝ့ၫၥံၪမၩနၥံၪ့ပၪထီးအလူၬ လၧၥံၪ့ၡိၫလၧစံနၧၫ,ဒဲ မၩန့ၥံၪ့ၡိၫအ့ရ့ၭ လၧလ့ၭဘနၧၫ့တၭ, မၩယါထုၪ့လ 6ဖၪလၧနဂးလီၫ.- လၧဘၫၡၫ့အၥံၪ့ထိၭဖၫနီၪ, အဝ့ၫၥံၪ မၩတငၨၭလဖၪလၧနဂးတၭ, ၦအၭၡၧၫဖိၪၥံၪလဒီၪ့ မၩထၪ့နလးဆၧၫ့နၩ့လဖၪလၧကဆၫ့မဲၪနီၪ, လၧအဂဲၫ 7ဆိၬထၪ့ခွံၬလၧကျိၩ့ဆံၭတံၫ့လဖၪအဖၧၩ့လီၫ.- ဆၧ ဘွၩဖျ့ၫလံၬကံၭ ဒဲဆၧဆၭကံၪဂဲၫလၧခးအံဇံၭနီၪ, မွဲ ဆၧလၧနပၠၪထၪ့ လၧနယါလၪအဂးလီၫ. ဆၧလၫ,ဒဲ ဆၧလုၭဖုၭလၧအဂဲၫလၧအံၫလဲၡၫအကျိၩ့ၥံၪနီၪ မွဲဆၧ 8မၩဘံၭနၧၩလီၫ.- ၦအီၪဝ့ၫလၧဇဲဒၧၫ့,ဒဲအၫဝၭမွဲနက ဘၩ့ဖိၪလီၫ. နၡၩကိၪ့ဆၧၥ့ၪလၧအအီၪဝ့ၫ လၧနဖၧၩ့ 9နီၪ,မွဲနၡၩရိၬၥန့ၫဖိၪ,တဲအၫဧ့ၬ- ဂံလဘၭအၡၩၥုၪ့ က့ၭၥၭၡါ,ဒဲၦမၩဆၧၥ့ၪလၧအဖၧၩ့နီၪ, မွဲနၡၩၥံၪထ့ၫ ကဘၩ့လီၫ. မၫဆမံၭအကဘၩ့ထီးအလူၬ, ဒဲအက ဘၩ့ဖိၪအီၪဝ့ၫလၧနဖၧၩ့, ဘဲၫၥိၭအမိမၩန့ နဆၧဖနံၬ 10လီၫ.- ၦပၧၡၫဖိၪ,ဒဲၦလုဒံၫဖိၪ, ဒဲၦဖုၫတၫဖိၪအီၪဝ့ၫ လၧနၥုၭမုအကျၩ, နၡၩဒုၭၥုၭလီၫ. တၭအဝ့ၫၥံၪဘျၭ ထၪ့ဆၧပဒၩ့ဒဲခိၪလူၬၥုၭလၧနဖၧၩ့, မၩလၩမၩဖၩ့နၧၩ 11လီၫ.- ၦအၫဝၭဖိၪဒဲနၥုၭမုထီးအလူၬအီၪဝ့ၫလၧနခိၪ ဒၧၩ့ဝၬဖီၩ့ဝ့ၫ, ဒဲၦၥုၭဖိၪဆီၪ့အီၪဝ့ၫ လၧနတၨၭထီၫအ ဖၧၩ့လီၫ.အဝ့ၫၥံၪဘျၭထၪ့အဆၧပဒၩ့ လၧနခိၪဒၧၩ့ အလီၩ့ဝၬဖီၩ့ဝ့ၫး မၩလၧၫ့ထၪ့ဎွ့ၩထၪ့နဎံၫနလၩလီၫ. 12တၫၡံၭမွဲနၡၩဖနံၬဖိၪ လၧဆၧဖိၪဆၧလံၩ ကိၭမံၩ့ဒ့ၭ အီၪဝ့ၫအၪအၪလ့ၬအကၠီၩ့လီၫ. အဝ့ၫၥံၪအၪ့ဆၫခွံၬ 13စ့ၩ,ဒဲထၭ, ဒဲၡၬ, ဒဲၡၬၥၧၫ့နီၪလၧနဖၠၫဖၧၩ့လီၫ.- ယၫ ဝၫ့,တုဘလၭ,ဒဲမ့ၫၡ့ၭနီၪမွဲနၡၩဖနံၬဖိၪလီၫ. အဝ့ၫၥံၪ အၪ့ဆၫခွံၬၦၡၩၥံၪ, ဒဲထွ့ၫထီးဘၩ့လၧဖၠၫဖၧၩ့လီၫ. 14တိၫဂၫမၫအၡၩဂံၪ့ဖိၪအၪ့ဆၫခွံၬကၥ့ၪ, ဒဲၦထူၬကၥ့ၪ 15ဒဲကၥ့ၪလၫလၧနဖၠၫဖၧၩ့လီၫ.- ၦဒံဒၫ့ဖိၪမွဲနၡၩဖနံၬဖိၪ လီၫ.ခးအၪဘံၪ့လၧမၫဆမံၭနဲၩ့ မၩဖနံၬလၧနစူၪဖၧၩ့ လီၫ.အဝ့ၫၥံၪဂဲၫဆိၬအၪ့လဲၩဆၧနိၩ့လဖၪ, ဒဲကဆၫ့ 16မဲၪ,ဒဲၥံၪ့အယၪၥၧၫ့လီၫ.- စံရအၫမွဲနၡၩဖနံၬဖိၪလၧ နတဲၩ့ဆၧအၪမံၩ့အကၠီၩ့လီၫ. အဝ့ၫၥံၪအၪ့ဆၫခွံၬထၫ့ မျါဝီၩ,ဒဲဆၧလုၭဖုၭ,ဒဲဆၧဆၭကံၪ, ဒဲဆၧဘွၩဖျ့ၫလံၬ 17ကံၭ,ဒဲလိးနိၩ့,ဒဲထၫ့မျါဝီၩလုၭ,လၧနဖၠၫဖၧၩ့လီၫ.- ယု ဒၫဒဲအံၫစရ့လၭအၡၩခးဖိၪ,မွဲနၡၩဖနံၬဖိၪလီၫ. အဝ့ၫ ၥံၪအၪ့ဆၫခွံၬမံၫ့နံၭအဘုၪကၠိၩ့ ဒဲကိၪဆၧၫ့, ဒဲန့ၫစၩ့, 18ဒဲၥိၪ,ဒဲၥံၪ့စရံအထူၭလၧနဖၠၫဖၧၩ့လီၫ.- ဒမၭစကၧၭ မွဲနၡၩဖနံၬဖိၪလၧနတဲၩ့ဆၧအၪမံၩ့အကၠီၩ့, လၧနဆၧ ဖိၪဆၧလံၩကိၭမံၩ့ဒ့ၭ အီၪအၪအၪလ့ၬ အကၠီၩ့လီၫ. အဝ့ၫၥံၪအၪ့ဆၫခွံၬ ဟ့ၭလဘိၭအစဘံၭထံၫ,ဒဲၥိၪအ 19ဆီၪ့ဘွၩလီၫ.- ဒၫ့ဒဲယၫဝၫ့ဂဲၫဆိၬလူၪလဖၪ,လၧနဖၠၫ ဖၧၩ့လီၫ.ယၭၥဒဲၩ့ယုၩ့ယဲ,ဒဲကဒါရၫအဖံၭ,ဒဲလၫ့ယ့ၫ 20အီၪဝ့ၫလၧနဖၠၫဖၧၩ့လီၫ.- ဒံဒၫ့မွဲနၡၩဖနံၬဖိၪတၭ, ဂဲၫ ဆိၬဆၧကီၩ့ဆၧၥိၭ လၧအလူဒိၪဎွ့ၩဒိၪလၧလဲၪ့ၥုၭအ 21ဂးလီၫ.- အရ့ဘၠၫ,ဒဲက့ဒၫအၦဒိၪဖၭဒိၪထီးအလူၬနီၪ, မွဲနၡၩဖနံၬမၩလၧနၥိၭတၭး အဝ့ၫၥံၪမၩဖနံၬလၧၥိၪဖိၪ, 22ဒဲၥိၪဖၫလၧဘ့ၪဒဲနၧၩလီၫ.- ၡံဘၫ,ဒဲရၫမၫနီၪမွဲနၡၩ ဖနံၬဖိၪလီၫ. တၭအဝ့ၫၥံၪအၪ့ဆၫဆၧနၧၫ့မၧၫ့အၪမံၩ့, ဒဲထၫ့မျါအၪမံၩ့,ဒဲထီၫ့ၥံၪလွ့ၫၥံၪ, လၧနဖၠၫဖၧၩ့လီၫ. 23ဟၫရၫ့ဒဲခၫ့နံၫ,ဒဲအံဒံၫ့ဒဲၡံဘၫ, ဒဲအၭၡၧၫ,ဒဲခံလမၭ 24အၡၩမၩဖနံၬနီၪ,မွဲနၡၩမၩဖနံၬဖိၪလီၫ.- အဝ့ၫၥံၪအၪ့ ဆၫဆၧကီၩ့ဆၧၥိၭအလၧၫ့အဎွ့ၩ, ဒဲဖၬဘဲၩ့အလၫ, ဒဲဆၧဆၭကံၪ, ဒဲတလၫၥံၪ့ၡိၫအ့ရ့ၭအတလၫၥံၪ့စၧၩ့ ထၬအၥၭလၧဖျံၩ, အီၪလၧဆၧကီၩ့ဆၧၥိၭ အဂ့ၩအ 25ဘွၩနီၪ,လၧနဖၠၫဖၧၩ့လီၫ.- တၫၡံၭအကဘၩ့နီၪမွဲဆၧ လၧအဆိၬနဖနံၬလဖၪလီၫ. နလၧၫ့ထၪ့ဎွ့ၩထၪ့တၭ, အီၪဝ့ၫလၧဆၧအလၩအဖၩ့ဒိၪမၬ လၧမၫဆမံၭဖၧၩ့ လီၫ.
26နၡၩခုးတငၨၭလဖၪ ၥိၫ့ယူၭနၧၩ လၧထံၫဖၭဒိၪအ ဖၧၩ့,လံၩမုထၪ့နီၪမၩခါခွံၬနၧၩ လၧမၫဆမံၭအၥၭခံ 27ဖၧၩ့လီၫ.- နဆၧထူၭဆၧလၧၫ့,ဒဲနဖၠၫလဖၪ,ဒဲနဆၧဖ နံၬၥံၪ,ဒဲနၡၩကဘၩ့ဖိၪ, ဒဲနၡၩရိၬၥန့ၫ, ဒဲနၡၩၥံၪထ့ၫ ကဘၩ့,ဒဲၦအၪ့ခၩဆၧလၧနဖနံၬလဖၪ, ဒဲနၡၩၥုၭဖိၪ ထီးအလူၬအီၪဝ့ၫလၧနဖၧၩ့, ဒဲကယဲနၡၩၥုၭဖိၪၥံၪလၧ အအီၪလၧနကျၩမိလၩ့ထ့ၬ လၧမၫဆမံၭဖၧၩ့, လၧန 28ထီၩ့လၧဆၧဂၭဂီၩ့အမုလနံၩအဖၧၩ့နီၪလီၫ.- ဆၧအ လးအီၪလၧခီၫ့ဝၬဖီၩ့နၧၩလဖၪမိဝၭၡိၩ့ၡိၬ လၧနၡၩ ရိၬၥန့ၫအကိၭၡၭထၪ့အကၠီၩ့လီၫ.
29ကယဲၦလၧအခုးတငၨၭထီးအလူၬ, ဒဲၦကဘၩ့ဖိၪ ၥံၪ,ဒဲမၫဆမံၭအၡၩရိၬၥန့ၫထီးအလူၬ, မိစဲၪ့လၩ့ခွံၬ 30လၧအကဘၩ့ဖၧၩ့တၭ,မိဆၧၫ့ထုၪ့လၧခီၫ့,- မိဒုၭနါ ဂၧၫ့အလူထၫ့ဒၩနၧၩ, မိဂၪ့နၭနၭလ့ၬ, မိဎွံၪထၪ့ဂၪ့ခိၪ မုၬလၧအခိၪဎွံၪအဖၫ့ခိၪတၭ, မိလွၫလၩ့အၥၭလၧဖံၫ့ 31ချၪအဖၧၩ့လီၫ.- အဝ့ၫၥံၪမိလိၩ့အခိၪဆံၫ့ဆၫ့ပျၩ့လၧ နကၠီၩ့တၭ, မိခဲးထူၬအၥၭလၧရၧၬအဆၧယၬတၭ,မိ ဂၪ့လၧနကၠီၩ့လၧအၥၭဆၫတၭ, ဂၪ့နၭနၭလ့ၬလီၫ. 32ဂၪ့ဆၧယၧၩ့ဆၧအဘိၩ့ဘၭတၭ, မိမၩဆၧဂၪ့အုၩဂၪ့ ထိၬနီၪ,ဂၪ့ဆၧလၧနကၠီၩ့တၭ,စံၭ, ဒိၩ့မၩအၥၭဘဲၫတဲ အၫအၥိၭ လၧအဘၪဆၧဂၭဂီၩ့ဝ့ၫ လၧမၫဆမံၭအၥၭ 33ကျၩနီၪ,မွဲဒိၩ့ပလၫနီၪလဲၪ.- ထီးနဆၧဖနံၬစဲၪ့ထၪ့လၧ မၫဆမံၭဖၧၩ့နီၪ, နဒုၭမံၫ့ၥုၪ့မံၫ့ၥၭၦအၪဆၨၩ, နဒုၭ ထူၭထၪ့လၧၫ့ထၪ့ဂၪ့ခိၪ, အစဎွၩလဖၪ လၧနဆၧထူၭ 34ဆၧလၧၫ့အအၪအဒိၪ, ဒဲနဆၧဖနံၬလဖၪလီၫ.- ထီး နအ့ၪဂၭဂီၩ့ခွံၬ လၧမၫဆမံၭဖၧၩ့လၧထံၫယိၬအဖၧၩ့ နီၪတၭ,ဆၧဖနံၬလဖၪ ဒဲနဆၧအီၪလၧနဖၧၩ့ထီးအ 35လူၬနီၪမိဂၭဂီၩ့ဝ့ၫလီၫ.- ၦခးဖိၪလၧကျိၩ့လဖၪအလီၩ့ နီၪမိထီၫမံၫထီၫမၪလၧနကၠီၩ့ထီးအလူၬ, ဒဲအဝ့ၫၥံၪအ စဎွၩလဖၪမိၥၭမဲၪဆၧနၭလ့ၬတၭ,အဆီၪ့ဎး, အမ့ၬ 36လၩ့ၡါဝ့ၫလီၫ.- ၦဖနံၬဖိၪလၧၦဆၨၩလဖၪအကျၩမိ ဒုၪဒွ့ၪနၧၩ,နမိကဲၪထၪ့ဆၧၥၭမဲၪဖၭဒိၪအလးတၭ, န လအီၪလၧၩ့ဘၪလၩ့ဆိၩလၩ့ကၠၠၪလီၫ.
Цяпер абрана:
ဇံၫ 27: pwokyn2
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Pwo Kayin Bible © Bible Society of Myanmar, 1883.