Ohubala 26
26
Ohubala abaandu hwohubiri
1 #
Hub 1:1-46. Oluumbe lubi luno nilwawa, Omwaami yaboolera Musa neende Eliasaari omwaana wa Arooni ati, 2“Bala abaandu mu buli madaala, mu baandu bano boosi aba Yisiraeli, abasaacha boosi ab'emyaaka amahumi kabiri eky'obuhuluundu abanyala ohuhola okw'amaye.” 3Musa neende Eleasaari omulaamisi baalomaloma nabo mu syaalo sikwalaafu sya Moabbu aambi neende Yorodaani mu Yeriko, nibaboola bati, 4Bala abaandu, ohutulira hu myaaka amahumi kabiri eky'obuhuluundu neende ohuchia aakulu koti lu Omwaami alagiire Musa. Abaandu ba Yisiraeli, abatula mu syaalo sy'e Misiri bali:
5Enono ya Rubbeeni (Rubbeeni yali omwaana muhuluundu wa Yakobbo) yalimo amadaala kano: Hanoki, Palu, 6Hesirooni, neende Karimi. 7Enono ch'Abarubbeeni choosa abasaacha elifu amahumi kane neende chidatu, neende emia chitaanu-na-chibiri neende amahumi kadatu (43,730). 8Abeechuhulu ba Palu bali, Eliabbu 9neende abaana bae Nemueli, Datani, neende Abbiramu. (Bano Abadatani neende Abbiramu abadoolwa neende omukaanda kwoosi okw'Abaisiraeli. Balekeeresa Musa neende Arooni mani nibeeyambaania hu baloondi ba Koora nibajeemera Omwaami. 10Eloba lyeekuhao lyabamira, nibafwa neende Koora neende abaloondi bae omuliro nikwasihirisa abasaacha emia chibiri neende amahumi kataanu (250); beehola esyohuboneraho eyiri abaandu badoong'ao. 11Nae abaana ba Koora haba sibafwa daawe.)
12Enono ya Simeoni yalimo amadaala kano: Nemueli, Yamini, Yakini, 13Seera, neende Sauli. 14Enono chino chatulamo abasaacha elifu amahumi kabiri neende chibiri, neende emia chibiri (22,200).
15Enono ya Gaadi yalimo amadaala kano: Sefoni, Hagi, Suni, 16Osini, Eeri, 17Aroodi, neende Areli. 18Amadaala kano katulamo abasaacha elifu amahumi kane neende emia chitaanu (40,500). 19Abaana ba Yuda bali, Eri, neende Onaani; nae Eri neende Onaani bafwiira mu syaalo sya Kanani. 20Nae abaana ba Yuda ohuchiira hu madaala kaabwe bali bati: aba Sela, edaala ly'Abaseela; aba Peresi, edaala ly'Abaperisia; aba Sera, edaala ly'Abaseera. 21Nae abaana ba Peresi bali nibo: aba Hesirooni, edaala lya Hesirooni; aba Hamuli, edaala ly'Abahamuli. 22Kano niko akali amadaala ka Yuda ohweema hu buungi bwaabwe, bali elifu amahumi kataanu-na-kabiri neende chisaasaba, neende emia chitaanu (76,500).
23Enono ya Yisakari yalimo amadaala kano: Toola, Puwa, 24Yasubbu, neende Simirooni. 25Enono chino chalimo abasaacha elifu amahumi kasaasaba neende chine, neende emia chidatu (64,300).
26Sebbuluuni lwali luti: enono chia Seredi, Eloni, neende Yahaleeli. 27Enono chino chalimo abasaacha elifu amahumi kasaasaba neende emia chitaanu (60,500).
28Enono cha Yosefu, owali laatang'ene w'abaana babiri, Manaase neende Efuraimu.
29Abaana ba Masase bali bano: aba Makiri, edaala ly'Abamakiri; haandi Makiri niye owali laatang'ene Gileadi; aba Gileadi, edaala ly'Abagileadi. 30Bano nibo abali abaana ba Gileadi: aba Yeseeri, edaala ly'Abaiseeri; aba Heleki, edaala ly'Abaheleki; 31nae aba Asirieli, edaala ly'Abasirieli; neende aba Sekemu, edaala ly'Abasekemu; 32neende aba Semida, edaala ly'Abasemiida; neende aba Hefeeri, edaala ly'Abahefeeri. 33Bulaanu, Selofehaadi omwaana wa Hefeeri, haba siyaliho neende omwaana musyaani daawe, ohutusaho abahaana boong'ene bano: Mahila, Nowa, Hogila, Milika neende Tirisa.
34Kano niko amadaala ka Manaase; mani obuungi bwaabwe bwali buyera abasaacha elifu amahumi kataanu neende chibiri, neende emia chitaanu-na-chibiri (52,700).
35Bano nibo abali abaana ba Efuraimu ohweema hu madaala kaabwe: aba Suteela, edaala ly'Abasuteela; aba Bbekeri, edaala ly'Ababbekeeri; aba Tahani, edaala ly'Abatahaani. 36Nae bano nibo abali abaana ba Suteela: aba Eraani, edaala ly'Abaeraani. 37Kano niko akali amadaala ak'abaana ba Efuraimu ohweema hu buungi bwaabwe, abasaacha elifu amahumi kadatu neende chibiri, neende emia chitaanu (32,500). Bano nibo abaana ba Yosefu ohweema hu madaala kaabwe.
38Bano nibo abali abaana ba Bbenjamini ohweema hu madaala kaabwe: aba Bbelaite, edaala ly'Ababbela; aba Asibbeeli, edaala ly'Abasibbeeli; aba Ahiramo, edaala ly'Abaahiramu; 39aba Sefufaamu, edaala ly'Abasefufaamu; aba Hufaamu, edaala ly'Abahufaamu. 40Nae Aridi neende Namani: aba Aridi, edaala ly'Abaaridi; aba Namani, edaala ly'Abanamani.
41Bano nibo abaana ba Bbenjamini ohweema hu madaala kaabwe; mani obuungi bwaabwe bwali bwoola, abasaacha elifu amahumi kane neende chitaanu, neende emia chisaasaba (45,600).
42Bano nibo abali abaana ba Daani ohweema hu madaala kaabwe: aba Suhamu, edaala ly'Abasuhamu. Kano niko akali amadaala k'abaana ba Daani ohweema hu madaala kaabwe. 43Amadaala k'Abasuhamu koosi, ohweema hu buungi bwaabwe, bali abasaacha, elifu amahumi kasaasaba neende chine, neende emia chine (64,400).
44Abaana ba Aseri ohweema hu madaala kaabwe bali bano: aba Yimina, edaala ly'Abaimuna; aba Yisifi, edaala ly'Abaisifi; aba Bberia, edaala ly'Ababberia. 45Nae abaana ba Bberia bali bati: aba Hebberi, edaala ly'Abahebbeeri; aba Malikieli, edaala ly'Abamalikieli. 46Nae eliita ly'omuhaana w'Aseri lyali Seera. 47Kano niko amadaala k'abaana ba Aseri ohweema hu buungi bwaabwe bwali, abasaacha elifu amahumi kataanu neende chidatu neende emia chine (53,400).
48Abaana ba Nafutaali ohweema hu madaala kaabwe bali bano: aba Yaseeli, edaala ly'Abayaseeli; aba Guni, edaala ly'Abaguuni; 49aba Yeseri, edaala ly'Abayeseeri; aba Silemu, edaala ly'Abasilemu. 50Kano niko amadaala ka Nafutaali ohweema hu nyuumba chaabwe; nae obuungi bwaabwe bwali bwoola abasaacha elifu amahumi kane neende chitaanu, neende emia chine (45,400).
51Buno nibwo obwali obuungi bw'abaandu ba Yisiraeli, abasaacha elifu emia chisaasaba neende ndala, emia chitaanu-na-chibiri neende amahumi kadatu (601,730).
52 #
Hub 34:13; Yos 14:1,2. Omwaami yaboolera Musa ati, 53“Kabania eloba lino mu nono chino, ohweema hu buungi bwaabwe. 54Enono hoongo niyo yoochia ohuberesa obusiha buhoongo, nae hu enono ndiidi ochia ohuluberesa obusiha budiidi; buli nono yichia ohukabwa obusiha bwaabwo ohweema hu buungi bwaabwe. 55Nae eloba lichia ohukabanwa neende ohuubba eha; ohweema hu meeta k'enono cha bakuuka yaabwe babacha ohusihira. 56Obusiha bwaabwe buchia ohukabanisibwa neende ohuubba eha akatikaati w'oluhoongo neende oludiidi.”
57Bano nibo abali Abaleefi nibabalwa ohweema hu madaala kaabwe: edaala lya Gerisoni, edaala ly'Abagerisooni; aba Kohati, edaala ly'Abakohati; aba Merari, edaala ly'Abameraari. 58Kano niko amadaala kali aka Leefi: edaala ly'Abaliibbu, edaala ly'Abahebburooni, edaala ly'Abamahili, edaala ly'Abamusi, edaala ly'Abakoora. Nae Kohati yali laatang'ene Amuramu. 59Eliita ly'omuhasi wa Amuramu lyali, “Yokebbedi”, omuhaana wa Leefi, oweebulirwa Leefi mu Misiri; mani niye oweebulira Amiramu Arooni neende Musa neende Miriamu mboocho yaabwe. 60#Hub 3:2.Nae eyiri Arooni, beebula, Nadabbu, Abbihu, Eliasaari neende Yitamaari. 61#Lef 10:1,2; Hub 3:4.Nae Nadabbu neende Abbihu baafwa nibayaana omuliro kutaali omwoolerefu eyiri Omwaami. 62Bano babalirwaho abaandu elifu amahumi kabiri-na-chidatu (23,000), buli w'esisaacha ohutula hu mwoosi mulala neende ohuniina aakulu; olwohuba bano haba sibali nibabalirwa alala neende abaandu ba Yisiraeli, olwohuba yahubula esiindu sy'obusihirano esyohubaberesa mu baandu ba Yisiraeli.
63Bano mani nibo abo ababalwa neende Musa neende Eliasaari omulaamisi, owabala abaandu ba Yisiraeli nibali mu sipaapi sya Moabbu aambi neende Yorodaani mu Yeriko. 64Nae mu bano boosi haba simwalimo omusaacha yeesi owali niyabalibwa neende Musa, neende Arooni omulaamisi, owabala abaandu ba Yisiraeli nibali mu siparara sya Sinai. 65#Hub 14:26-35.Olwohuba Omwaami yali naabalomaloomeho ati, “Abo bachia ohufwiira mu siparara.” Haba siyali niyalehwaho omuundu yeesi kata mulala, ohutusaho Kalebbu omwaana wa Yefune neende Yosua omwaana wa Nuuni.
©Bible Society of Kenya, 2019
©Bible Society of Uganda, 2019