Joshuwa 5
5
1Mazimambo yentse yaa Amori, yakung'ambu kwa Jorodhani chakumadokelo, namazimambo yentse yaa Kenani akhali yamphepete mwanyanja adabva kuti Chawuta adawumisila madzi wana wa Izraeli pa Jorodhani kufikila ayambuka, mitima yawo idachita mantha, akhalibe ne moyo nathangwe labzidachitiliwa a Izraeli.
Kugwatiwa khanda lachimuna kwaa Izraeli pa Giligali
2Panthawe imweyo Chawuta adati kwa Joshuwa, “Konza bzisu bzaminyala ugwate ntsonga zachimuna wanthu wa Izraeli wam'badwe wachiwili.” 3Nakutenepo Joshuwa adakonza bzisu bzaminyala achigwata makanda yachimuna wana wa Izraeli paakhali paphili la Gibheyati-haraloti. 4#Kuw 14:28–35Joshuwa adaagwata khanda lachimuna nathangwe lakuti, amuna wentse akhadziwa kumenya nkhondo adachoka ku Ijipiti, adafela munjila paakhazungayila muchipululu. 5Ne, wanthu wentse adabula mu Ijipiti adagwatiwa khanda lachimuna, koma wanthu wentse adabaliliwa munjila muchipululu paadachoka ku Ijipiti ndiwo akhalibe kugwatiwa khanda lachimuna. 6Wanthu wa Izraeli adafamba muchipululu kwamagole makumi manayi, kufikila amuna wentse akhamenya nkhondo adachoka mu Ijipiti amala kufa, thangwe lakuti alibe kutetekela Chawuta. Chawuta adalumbila kuti iwo aniwona lini dziko laadalumbila kuzapasa makholo yawo, dziko liniyelela wuchi nankaka. 7Nakutenepo wana wawo ndiwo waadayikha pambuto yawo, awo adazagwatiwa khanda yachimuna na Joshuwa, pakuti akhanati agwatiwa khanda paakhali pawulendo.
8Kugwatiwa khanda lachimuna kwawanthu wentse pakudamala, iwo adakhala pambuto zawo m'misasa kufikila bzilonda bzawo bzapola. 9Chawuta adati kwa Joshuwa, “Lelo ndakungulusa ndichichosa kunyazisiwa kwanu kwakukhala alanda mu Ijipiti.” Mbuto imweyi adayipasa dzina lakuti Giligali#5:9 Giligali. Muchi Hebheru bzinilewa kuchosa. mpaka lelo.
10 #
Kub 12:1–13
Wana wa Izraeli paakhadazika matenti pa Giligali mudambo pafupi na Jeriko, adasekelela phasika chakumawulo pantsiku yakhumi nanayi yamwezi wakuyamba. 11Mangwana yache padamala phasika, ntsiku imweyo adadya chakudya chamudziko limwelo, adadya mikate ikhalibe chakufutisa namapila yakukazinga. 12#Kub 16:35Mangwana yache mana idaleka kuwoneka, paadadya chakudya chamudziko m'mwemo, wanthu wa Izraeli alibe kuzadya pomwe mana, koma iwo adadya michelo yamudziko la Kenani mugole limwelo.
Joshuwa namunthu akhadaphata bhemba
13Joshuwa paakhali pafupi na Jeriko, adasumusa maso yake nkuwona mwamuna adayima patsogolo pake, adaphata bhemba m'manja lakupsolomola kale. Joshuwa adayenda kwayiye nkuti, “Ndiwe wathu panango waazondi wathu?”
14Iye adati, “Nee, ndabwela ninga nkulu wankhondo ya Chawuta.” Pamwepo Joshuwa adagona chafufumimba achipemphela, iye adati, “Mbuye wangu, munfuna kuti mulanda wanu achite tani?”
15Nkulu wankhondo ya Chawuta adati kwa Joshuwa, “Bvula shango zako pakuti mbuto yawudayima naminyendo yako iniyela.” Pamwepo Joshuwa adachita bzaadawuziwa.
Цяпер абрана:
Joshuwa 5: KUNDA
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Bhaibheri reChikunda © Bible Society of Zimbabwe
Joshuwa 5
5
1Mazimambo yentse yaa Amori, yakung'ambu kwa Jorodhani chakumadokelo, namazimambo yentse yaa Kenani akhali yamphepete mwanyanja adabva kuti Chawuta adawumisila madzi wana wa Izraeli pa Jorodhani kufikila ayambuka, mitima yawo idachita mantha, akhalibe ne moyo nathangwe labzidachitiliwa a Izraeli.
Kugwatiwa khanda lachimuna kwaa Izraeli pa Giligali
2Panthawe imweyo Chawuta adati kwa Joshuwa, “Konza bzisu bzaminyala ugwate ntsonga zachimuna wanthu wa Izraeli wam'badwe wachiwili.” 3Nakutenepo Joshuwa adakonza bzisu bzaminyala achigwata makanda yachimuna wana wa Izraeli paakhali paphili la Gibheyati-haraloti. 4#Kuw 14:28–35Joshuwa adaagwata khanda lachimuna nathangwe lakuti, amuna wentse akhadziwa kumenya nkhondo adachoka ku Ijipiti, adafela munjila paakhazungayila muchipululu. 5Ne, wanthu wentse adabula mu Ijipiti adagwatiwa khanda lachimuna, koma wanthu wentse adabaliliwa munjila muchipululu paadachoka ku Ijipiti ndiwo akhalibe kugwatiwa khanda lachimuna. 6Wanthu wa Izraeli adafamba muchipululu kwamagole makumi manayi, kufikila amuna wentse akhamenya nkhondo adachoka mu Ijipiti amala kufa, thangwe lakuti alibe kutetekela Chawuta. Chawuta adalumbila kuti iwo aniwona lini dziko laadalumbila kuzapasa makholo yawo, dziko liniyelela wuchi nankaka. 7Nakutenepo wana wawo ndiwo waadayikha pambuto yawo, awo adazagwatiwa khanda yachimuna na Joshuwa, pakuti akhanati agwatiwa khanda paakhali pawulendo.
8Kugwatiwa khanda lachimuna kwawanthu wentse pakudamala, iwo adakhala pambuto zawo m'misasa kufikila bzilonda bzawo bzapola. 9Chawuta adati kwa Joshuwa, “Lelo ndakungulusa ndichichosa kunyazisiwa kwanu kwakukhala alanda mu Ijipiti.” Mbuto imweyi adayipasa dzina lakuti Giligali#5:9 Giligali. Muchi Hebheru bzinilewa kuchosa. mpaka lelo.
10 #
Kub 12:1–13
Wana wa Izraeli paakhadazika matenti pa Giligali mudambo pafupi na Jeriko, adasekelela phasika chakumawulo pantsiku yakhumi nanayi yamwezi wakuyamba. 11Mangwana yache padamala phasika, ntsiku imweyo adadya chakudya chamudziko limwelo, adadya mikate ikhalibe chakufutisa namapila yakukazinga. 12#Kub 16:35Mangwana yache mana idaleka kuwoneka, paadadya chakudya chamudziko m'mwemo, wanthu wa Izraeli alibe kuzadya pomwe mana, koma iwo adadya michelo yamudziko la Kenani mugole limwelo.
Joshuwa namunthu akhadaphata bhemba
13Joshuwa paakhali pafupi na Jeriko, adasumusa maso yake nkuwona mwamuna adayima patsogolo pake, adaphata bhemba m'manja lakupsolomola kale. Joshuwa adayenda kwayiye nkuti, “Ndiwe wathu panango waazondi wathu?”
14Iye adati, “Nee, ndabwela ninga nkulu wankhondo ya Chawuta.” Pamwepo Joshuwa adagona chafufumimba achipemphela, iye adati, “Mbuye wangu, munfuna kuti mulanda wanu achite tani?”
15Nkulu wankhondo ya Chawuta adati kwa Joshuwa, “Bvula shango zako pakuti mbuto yawudayima naminyendo yako iniyela.” Pamwepo Joshuwa adachita bzaadawuziwa.
Bhaibheri reChikunda © Bible Society of Zimbabwe