LEVITIKO 7
7
O LE MATAUPU VII.
O le tulafono i taulaga mo le sese.
1O le tulafono foi lenei i taulaga mo le sese; e sili ona paia ia. 2O le mea ua latou fasi ai le taulaga mu, latou te fasi ai foi le taulaga mo le sese, o lona toto foi na te sausauina i luga o le fata faitaulaga e soo ai. 3Na te avatua ona ga‘o uma, o le iu, 4ma le ga‘o alo, o fatuga‘o foi e lua ma ga‘o o i ai o loo i luga o lāgotua, o le ga‘o punipū ua i luga o le finagalo, atoa ma fatuga‘o, na te aveeseina ia. 5E susunuina ia mea e le faitaulaga i le fata faitaulaga e fai ma taulaga e fai le afi ia Ieova; o le taulaga mo le sese lea. 6O tane uma o i le au faitaulaga latou te aai ai; e ‘aina lava i le mea paia; e sili ona paia lea.
7E tusa le taulaga mo le agasala ma le taulaga mo le sese; e tasi lava le tulafono i nei mea e lua; o le faitaulaga na te faia le togiola e fai ai mana. 8O le faitaulaga foi na te avatua le taulaga mu a se tasi, o le faitaulaga lava lea na te fai māna le pa‘u o le taulaga mu ua ia avatua. 9O taulaga uma foi i mea e ‘ai ua tao i le umu, ma mea uma foi ua faia i le ulo ma le uamea salafa, o le faitaulaga ua ia avatua e faia lava ia mana. 10A o taulaga uma i mea e ‘ai ua palua ma le uu, atoa ma e mamago, e fai ia mā atalii uma o Arona, e fai mā lea ma lea.
11O le tulafono lenei i taulaga faafetai na te avatua ia Ieova. 12Afai na te avatua ma taulaga faaneenee, ona avatu ai lea faatasi ma le taulaga faaneenee ni potoi areto e le faafefeteina ua palua ma le uu, ma ni faapāpā e le faafefeteina, ua nini i le uu, ma ni potoi falaoa lelei ua palua ma le uu. 13Na te avatua o faapāpā areto ua faafefeteina faatasi ma lana taulaga; atoa ma le taulaga faaneenee o lana taulaga faafetai. 14Na te avatua se tasi mai le taulaga uma e fai ma taulaga sii ia Ieova, o le faitaulaga foi o le na te sausau le toto o le taulaga faafetai e fai mana. 15O le tino foi o le taulaga faaneenee o lana taulaga faafetai lea e ‘aina i lea lava aso na te avatu ai lana taulaga; aua na te faatotoeina se mea i le taeao. 16A e afai o se tautoga, po o se mea ua fai fua i le loto, o lea taulaga na te faia, e ‘aina i lea lava aso na te avatu ai lana taulaga; o mea o totoe i ai e ‘aina a taeao. 17A o mea o totoe o tufaaga o lana taulaga, o le aso tolu e susunuina ai i le afi. 18Afai foi e ‘aina i le aso tolu sina mea o le tino o le taulaga o lana taulaga faafetai, e le talia ia, e le ta‘ua foi ia te ia o le na avatua; e avea ma mea e inosia, e nofo sala foi le na te ‘aina. 19O le tufaaga foi e papai i se mea leaga e le ‘aina lea; e susunuina i le afi; a o le tino o le taulaga e a‘ina lea e i latou uma e mamā. 20A o le tagata na te ‘aina se tufaaga o le taulaga faafetai o le mea a Ieova, a o loo ia te ia se mea e leaga ai o ia, e vavaeeseina lea tagata ai lona nuu. 21O se tagata na te papai ane i se mea leaga, o se mea a se tagata e leaga ai, po o manu leaga, po o se isi mea leaga e leaga ai, ma ‘ai o ia i se tufaaga o le taulaga faafetai o le mea a Ieova, e vavaeeseina lea tagata i lona nuu.
22Ua fetalai mai foi Ieova ia Mose, ua faapea mai, 23Ina fai atu ia i le fanauga a Isaraelu, ia faapea atu, Aua ne‘i outou aai sina ga‘o o le povi, po o le mamoe, po o le ‘oti. 24O ga‘o o se manu e mate fua, ma ga‘o o le mea ua saeia, e fai a‘i se isi mea; a e tou te le aai ai lava. 25Auā ai se ‘ai i se ga‘o o se manu e avatua ai taulaga e fai i le afi ia Ieova, o se ‘ai ai e vavaeeseina lea tagata i lona nuu. 26O mea uma tou te nonofo ai aua tou te aai i toto o manu feleei, po o manu vaefa. 27Ai se tagata na te ‘aina ni toto e vavaeeseina lea tagata i lona nuu.
28Ua fetalai mai foi Ieova ia Mose, ua faapea mai, 29Ina fai atu ia i le fanauga a Isaraelu, ia faapea atu, Ai se na te avatua lana taulaga faafetai ia Ieova, ia au mai lana taulaga ia Ieova ai lana taulaga faafetai. 30E au mai e ona lava lima o taulaga e fai i le afi ia Ieova; o ga‘o faatasi ma le fatafata na te aumaia ina ia luluina le fatafata, o le taulaga lulu lea i luma o Ieova. 31E susunuina foi ga‘o o le faitaulaga i le fata faitaulaga; a o le fatafata e ia Arona ma ona atalii lea. 32O le ālagālima taumatau tou te avatua i le faitaulaga e fai ma taulaga sii o a outou taulaga faafetai. 33O se atalii o Arona na te avatua le toto o le taulaga faafetai atoa ma ga‘o e ia te ia le ālagālima taumatau, o lona tufaaga lea. 34Auā o le fatafata e luluina ma le ālagālima e sii, ua ou faia lea mo‘u i le fanauga a Isaraelu mai a latou taulaga faafetai, ma ou tuuina atu ia Arona le faitaulaga ma ona atalii, e fai ma tulafono e faavavau i le fanauga a Isaraelu. 35O le tufaaga lenei o le faauuga o Arona, ma le faauuga o ona atalii, i taulaga e fai i le afi ia Ieova, i le aso na ia faalatalataina mai ai i latou e fai ai le faiva o faitaulaga ia Ieova; 36na poloai mai ai Ieova ia aveina atu ia i latou e le fanauga a Isaraelu, i le aso na ia faauuina ai i latou, o le tulafono e faavavau i o latou tupulaga amuli.
37O le tulafono lena i le taulaga mu, o le taulaga i mea e ‘ai, ma le taulaga mo le agasala, ma le taulaga mo le sese, ma le taulaga o le tofiga, ma le taulaga faafetai; 38na poloai mai ai Ieova ia Mose i le mauga o Sinai, i le aso na ia fetalai mai ai i le fanauga a Isaraelu, e avatu ai a latou taulaga ia Ieova i le vao o Sinai.
Цяпер абрана:
LEVITIKO 7: SOV
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Samoan Edited Old Version © Bible Society of the South Pacific, 2017.
LEVITIKO 7
7
O LE MATAUPU VII.
O le tulafono i taulaga mo le sese.
1O le tulafono foi lenei i taulaga mo le sese; e sili ona paia ia. 2O le mea ua latou fasi ai le taulaga mu, latou te fasi ai foi le taulaga mo le sese, o lona toto foi na te sausauina i luga o le fata faitaulaga e soo ai. 3Na te avatua ona ga‘o uma, o le iu, 4ma le ga‘o alo, o fatuga‘o foi e lua ma ga‘o o i ai o loo i luga o lāgotua, o le ga‘o punipū ua i luga o le finagalo, atoa ma fatuga‘o, na te aveeseina ia. 5E susunuina ia mea e le faitaulaga i le fata faitaulaga e fai ma taulaga e fai le afi ia Ieova; o le taulaga mo le sese lea. 6O tane uma o i le au faitaulaga latou te aai ai; e ‘aina lava i le mea paia; e sili ona paia lea.
7E tusa le taulaga mo le agasala ma le taulaga mo le sese; e tasi lava le tulafono i nei mea e lua; o le faitaulaga na te faia le togiola e fai ai mana. 8O le faitaulaga foi na te avatua le taulaga mu a se tasi, o le faitaulaga lava lea na te fai māna le pa‘u o le taulaga mu ua ia avatua. 9O taulaga uma foi i mea e ‘ai ua tao i le umu, ma mea uma foi ua faia i le ulo ma le uamea salafa, o le faitaulaga ua ia avatua e faia lava ia mana. 10A o taulaga uma i mea e ‘ai ua palua ma le uu, atoa ma e mamago, e fai ia mā atalii uma o Arona, e fai mā lea ma lea.
11O le tulafono lenei i taulaga faafetai na te avatua ia Ieova. 12Afai na te avatua ma taulaga faaneenee, ona avatu ai lea faatasi ma le taulaga faaneenee ni potoi areto e le faafefeteina ua palua ma le uu, ma ni faapāpā e le faafefeteina, ua nini i le uu, ma ni potoi falaoa lelei ua palua ma le uu. 13Na te avatua o faapāpā areto ua faafefeteina faatasi ma lana taulaga; atoa ma le taulaga faaneenee o lana taulaga faafetai. 14Na te avatua se tasi mai le taulaga uma e fai ma taulaga sii ia Ieova, o le faitaulaga foi o le na te sausau le toto o le taulaga faafetai e fai mana. 15O le tino foi o le taulaga faaneenee o lana taulaga faafetai lea e ‘aina i lea lava aso na te avatu ai lana taulaga; aua na te faatotoeina se mea i le taeao. 16A e afai o se tautoga, po o se mea ua fai fua i le loto, o lea taulaga na te faia, e ‘aina i lea lava aso na te avatu ai lana taulaga; o mea o totoe i ai e ‘aina a taeao. 17A o mea o totoe o tufaaga o lana taulaga, o le aso tolu e susunuina ai i le afi. 18Afai foi e ‘aina i le aso tolu sina mea o le tino o le taulaga o lana taulaga faafetai, e le talia ia, e le ta‘ua foi ia te ia o le na avatua; e avea ma mea e inosia, e nofo sala foi le na te ‘aina. 19O le tufaaga foi e papai i se mea leaga e le ‘aina lea; e susunuina i le afi; a o le tino o le taulaga e a‘ina lea e i latou uma e mamā. 20A o le tagata na te ‘aina se tufaaga o le taulaga faafetai o le mea a Ieova, a o loo ia te ia se mea e leaga ai o ia, e vavaeeseina lea tagata ai lona nuu. 21O se tagata na te papai ane i se mea leaga, o se mea a se tagata e leaga ai, po o manu leaga, po o se isi mea leaga e leaga ai, ma ‘ai o ia i se tufaaga o le taulaga faafetai o le mea a Ieova, e vavaeeseina lea tagata i lona nuu.
22Ua fetalai mai foi Ieova ia Mose, ua faapea mai, 23Ina fai atu ia i le fanauga a Isaraelu, ia faapea atu, Aua ne‘i outou aai sina ga‘o o le povi, po o le mamoe, po o le ‘oti. 24O ga‘o o se manu e mate fua, ma ga‘o o le mea ua saeia, e fai a‘i se isi mea; a e tou te le aai ai lava. 25Auā ai se ‘ai i se ga‘o o se manu e avatua ai taulaga e fai i le afi ia Ieova, o se ‘ai ai e vavaeeseina lea tagata i lona nuu. 26O mea uma tou te nonofo ai aua tou te aai i toto o manu feleei, po o manu vaefa. 27Ai se tagata na te ‘aina ni toto e vavaeeseina lea tagata i lona nuu.
28Ua fetalai mai foi Ieova ia Mose, ua faapea mai, 29Ina fai atu ia i le fanauga a Isaraelu, ia faapea atu, Ai se na te avatua lana taulaga faafetai ia Ieova, ia au mai lana taulaga ia Ieova ai lana taulaga faafetai. 30E au mai e ona lava lima o taulaga e fai i le afi ia Ieova; o ga‘o faatasi ma le fatafata na te aumaia ina ia luluina le fatafata, o le taulaga lulu lea i luma o Ieova. 31E susunuina foi ga‘o o le faitaulaga i le fata faitaulaga; a o le fatafata e ia Arona ma ona atalii lea. 32O le ālagālima taumatau tou te avatua i le faitaulaga e fai ma taulaga sii o a outou taulaga faafetai. 33O se atalii o Arona na te avatua le toto o le taulaga faafetai atoa ma ga‘o e ia te ia le ālagālima taumatau, o lona tufaaga lea. 34Auā o le fatafata e luluina ma le ālagālima e sii, ua ou faia lea mo‘u i le fanauga a Isaraelu mai a latou taulaga faafetai, ma ou tuuina atu ia Arona le faitaulaga ma ona atalii, e fai ma tulafono e faavavau i le fanauga a Isaraelu. 35O le tufaaga lenei o le faauuga o Arona, ma le faauuga o ona atalii, i taulaga e fai i le afi ia Ieova, i le aso na ia faalatalataina mai ai i latou e fai ai le faiva o faitaulaga ia Ieova; 36na poloai mai ai Ieova ia aveina atu ia i latou e le fanauga a Isaraelu, i le aso na ia faauuina ai i latou, o le tulafono e faavavau i o latou tupulaga amuli.
37O le tulafono lena i le taulaga mu, o le taulaga i mea e ‘ai, ma le taulaga mo le agasala, ma le taulaga mo le sese, ma le taulaga o le tofiga, ma le taulaga faafetai; 38na poloai mai ai Ieova ia Mose i le mauga o Sinai, i le aso na ia fetalai mai ai i le fanauga a Isaraelu, e avatu ai a latou taulaga ia Ieova i le vao o Sinai.
Цяпер абрана:
:
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Samoan Edited Old Version © Bible Society of the South Pacific, 2017.