Yorhaq 9
9
Daefle Ngae Nae Myavbaef Baef-eu Tiq Ghaq
1Yeqsur maeqhu paw ir ghaeluf ngae, daefle ngae nae myavbaef baef-eu zaqyo aqli tiq ghaq-anr ya’mawr-euq mae. 2Aqyawf-euq zaqlanr deuq, Yeqsur-anr narhaq-eu, “Laqbir-or! Teughaq daefle ngae nae myavbaef baef-eu teu, aqsur ghaq iqbax mr-euq baqda’nae nga? Aqyawf-a lor? Maqngeur nar-aq, aqyawf-euq aqma aqda-a laq?”
3Yeqsur heulof-aer aerkhof naeq-euq mae, “Aqyawf maqngeur nar-aq, aqyawf-euq aqma aqda iqbax mr-euq mirnae maqngeur-a. Aerkhawf, Miqyaer gar mr-eu jeq, aqyawf-euq daefzir-anr nae bi mawrlar-eu laer khoerlof-aer bi daefle-euq nga. 4Nan’ghanr paw, ngar, ngaq-anr khaerghae lef-euq ghaq-euq gardeuq ya’mr-eu mae. Mq cifle nar-aq, tsawrhaq tiqghaq-iq gar maq mrnya-a. 5Ngar, mirtsaq-euq khoertav kharjawr-eu khoerkeuvni, ngar-aq, mirtsaq-euq yawshaef ma.”
6Yeqsur khoerdeuq ngaeqghaq ngae, mirtsa duqkhaq khashaeq-awr, duqkhaq hawr-eu mirtsaq nae shaqjaev lavpyeuf-euq mae. Khoernar-aq, shaqjaev khoer nae myavbaef khoerghaq-euq myavnuiv-anr laefnaeq-euq mae. 7Khoernar-aq, Yeqsur, aqyawf-anr aernaeq-eu, “Sirloq lan-anr pufshawr-ir-awq” (Sirloq laer aer-eu-aq, ‘Khaerghae-euq’ laer aermawf-eu mae.) Khoermirnae, aqyawf ir-awr pufshawr ngae, myavnuiv mawrnya lar-awr ghoflar-euq mae.
8Khoerngae, aqyawf naeq-aer nymrkaq taf-eu deuq hawr-eu aqyawf myavbaefbaef ngae mawrhaw-euq deuq aer-eu, “Tsawrhaq heughaq-aq, dzeurlaf ngae nuir-awr hawqshar shardzaq-eu khoerghaq maqngeur-a lor?”
9Tiqpavnav deuq aer-eu, “Khoerghaq ngar-a.”
Aerkhawf, yawqdeuqyawq aer-eu, “Khoerghaq-anr durler-eu tiq ghaq nga.”
Aqyawf aer-eu, “Ngar-aq, khoerghaq ma.”
10Khoerngae, aqyawfmaf, khoerghaq-anr narhaq-eu, “Nawq-euq myavnuiv aqjox-aer ghae-awr mawrnya lar-euq le?” 11Aqyawf aerkhof naeq-eu, “Yeqsur laer kur-eu tsawrhaq tiq ghaq shaqjaev janr-awr, ngaq-euq myavnuiv-anr toeqlaef naeqlaf-awr ngaq-anr aer-eu, ‘Sirloq lan-anr ir-awr pufshawr-ir-awq.’ Khoermirnae, ngar ir-awr pufshawr-ir ngae, ngar mawrnya lar-euq mir-a.”
12Khoerngae, aqyawfmaf, aqyawf-anr narhaq-eu, “Khoerghaq aqgeugar jawr-eu la?” Aqyawf aer-eu, “Ngar maqsiq.”
Myavnuiv Mawrlar-euq Garkawv Narhaq-euq
13Tsawrhaq khoerdeuq, myavbaef baefhaw-euq khoerghaq-anr Paqliqsaer deuq jawr-eu gar sheuqghae-euq mae. 14Yeqsur mirtsaq-euq shaqjaev janr-awr, aqyawf-euq myavnuiv-anr bi mawrnya lar-euq khoernan-aq, landaw jawrnan tsaq-eu mae. 15Khoerngae, Paqliqsaer deuq khawf, aqyawf-euq myavnuiv aqjox-aer mawrnya lar-euq garkawv par narhaq-eu mae. Aqyawf, aqyawf maf-anr aernaeq-eu, “Aqyawf, ngaq-euq myavnuiv-anr shaqjaev toeqlaef naeqlaf-awr, ngar pufshawr-ir ngae mawrnya lar-euq mir-a.”
16Khoermirnae, Paqliqsaer tiqpavnav deuq aer-eu, “Tsawrhaq heughaq-aq, Miqyaer jawr-eu gar nae oe-euq maqngeur luf-a. Aqjeq mirnae aernar-aq, aqyawf landaw jawrnan maqtawq-eu beu.”
Yawqdeuqyawq aer-eu, “Iqbaxzaq tiq ghaq heulof-aer ghae-eu bisiq bimawr-eu jeq aqjox-aer janrnya-eu?”
Khoerngae, aqyawf maf-euq yawkaq armur pav-ir-euq mae. 17Khoermirnae, aqyawfmaf, myavbaef baefhaw-euq khoerghaq-anr par narhaq-eu, “Aqyawf, nawq-euq myavnuiv-anr bi mawrnya lar-euq-aq, aqyawf aqjox-aer ghae-eu tsawrhaq la laer nawr aerhaw sher-eq.”
Aqyawf aer-eu, “Aqyawf-aq, Miqyaer gharduq ngaeqdan-eu tsawrhaq tiq ghaq mae.”
18Yurdav tsawrhaq, myavnuiv mawrnya lar-euq khoerghaq-euq aqma aqda maq kurlaf-euq khoerkeuvni, khoerghaq yawbae myavbaef baef-awr, nymq-mr mawrnya lar-euq gar maqjan-a. 19Aqyawfmaf, aqyawf-euq aqma aqda-anr narhaq-eu, “Teughaq, nawnyaf-euq zaqyo ma lor? Aqyawf daefle ngae nae myavbaef mae laer nawnyaf aermar-iq, nymq-mr aqyawf aqjox-aer mawrnya lar-euq la?”
20Aqyawf-euq aqma aqda, aqyawf maf-anr heulof-aer aerkhof naeq-euq mae, “Heughaq, nga’nyaf-euq zaqyo ma. Daefle ngae nae myavbaef baef-eu mae laer nga’nyaf siqnya ma. 21Aerkhawf, nymq-mr aqyawf aqjeq-euq baqda’nae mawrnya lar-euq garkawv nga’nyaf maq siqnya nya. Aqsur ghaq nae aqyawf-euq myavnuiv-anr bi mawrnya lar-euq khawf nga’nyaf maq siqnya nya. Aqyawf tsawrkhof khawvlar-euq mae, nawmaf, aqyawf-anr narhaq-awq. Aqyawf-euq garkawv aqyawf ja’maeq naeqlafnya taef-a.”
22Aqyawf-euq aqma aqda, Yurdav tsawrhaq-anr guv-eu mirnae khoerlof-aer aer-eu mae. Aqjeq mirnae aernar-aq, Yeqsur-anr Kali mae laer khar aerdov-eu tsawrhaq aqsur ghaq maqkaq, zanrdawq khawqnymr-anr nae taedov ma laer Yurdav tsawrhaq bawqdzaqtsaev taq-euq mae. 23Khoermirnae, aqyawf-euq aqma aqda aer-eu, “Aqyawf tsawrkhof khawvlar-euq mae, nawmaf, aqyawf-anr narhaq-awq.”
24Khoernar-aq, aqyawfmaf, myavbaef baefhaw-euq khoerghaq-anr parkur-awr aqyawf-anr aernaeq-eu, “Yawshaef khanqsaer Miqyaer-anr damq-awq, tsawrhaq khoerghaq-aq, iqbaxzaq mae laer nga’maf siqnya ma.”
25Khoerngae, aqyawf aerkhof naeq-eu, “Aqyawf iqbaxzaq ngeur-eu maqngeur-eu, ngar maqsiq. Ngar siqnya-eu tiqjeq-aq, ngar myavbaef baefhaw-euq khawf, nymq-mr ngar mawrnya lar-euq ma.”
26Khoerngae, aqyawfmaf, aqyawf-anr paraer-eu, “Aqyawf, nawq-anr aqjeq janrnaeq laf-euq la? Aqyawf, nawq-euq myavnuiv-anr aqjox-aer bi mawrnya lar-euq la?”
27Aqyawf, aqyawf maf-anr aerkhof naeq-eu, “Ngar, nawmaf-anr aernaeq dzeur-euq khawf, nawmaf maq narhaq-eu gar nae, aqjeq mirnae tiq pov par gaqmawf-eu nya? Nawmaf khawf aqyawf-euq zaqlanr geufmawf-eu nya lor?”
28Khoerngae, aqyawfmaf, aqyawf-anr heulof-aer daeq-eu mae, “Nawr nga lawr nae, aqyawf-euq zaqlanr. Aerkhawf, nga’maf-aq, Morseq-euq zaqlanr le. 29Miqyaer, Morseq naeq-aer dawq ngaeqcawq-euq mae laer nga’maf siqnya ma. Aerkhawf, tsawrhaq heughaq-aq, aqgeugar nae oe-euq laer nga’maf maq siqnya nya.”
30Khoerghaq, aqyawf, aqyawf maf-anr heulof-aer aerkhof naeq-euq mae, “Nawmaf, aqyawf aqgeugar nae oe-euq la laer maq siqnya-eu mirnae, ngaq-anr zanq duidui ler mir-a. Aqjeq mirnae aernar-aq, aqyawf, ngaq-euq myavnuiv bi mawrnya lar-euq mae. 31Miqyaer, iqbaxzaq-euq dawq maq narhaq-a. Aerkhawf, aqsur ghaq maqkaq, Miqyaer-anr uqduq tanq-eu tsawrhaq pyeuf-awr, Miqyaer nuima tsaq-eu jeq mr nar-aq, aqyawf, tsawrhaq khoerghaq-euq dawq-anr narhaq-eu mae laer nga’maf siqnya-eu ma. 32Mqmir bae ngae nae iqnan keuvni, daefle ngae nae myavbaef baef-eu tsawrhaq-anr bi mawrnya lar-euq garkawv tiqghaq-iq maq gaqhaw-aq. 33Tsawrhaq heughaq, Miqyaer jawr-eu gar nae oe-euq maqngeur lawnmr-aq, aqyawf tiqjeq-iq maqmr nya-ar.”
34Khoernar-aq, aqyawfmaf, aqyawf-anr aerkhof naeq-eu, “Nawr iqbax-euq lafkhoer daefpanq daeflanr le-euq khawf, nga’maf-anr parmaeq lar-eu le lor?” Khoernar-aq, aqyawfmaf, aqyawf-anr taedov ghae-euq mae.
Saflar Paw Myavbaef Baef-eu Tsawrhaq
35Aqyawfmaf khoerghaq-anr taedov-euq garkawv Yeqsur yagaq-euq mae. Arnan, aqyawf-anr povmawr-awr, Yeqsur, aqyawf-anr narhaq-eu, “Nawr, Miqyaer-euq Zaqyo-anr jan ma lor?”
36Aqyawf aerkhof-eu lafkhoer aer-eu, “Sanqpaq-or! Ngar, aqyawf-anr jannya’ni, khoerghaq aqsur ghaq la?”
37Yeqsur, aqyawf-anr aernaeq-eu, “Nawr, aqyawf-anr ya’mawr-euq uqtaf, nymq-mr nawq naeq-aer dawq ngaeqcawq luf-eu ghaq-aq aqyawf mae.”
38Khoerngae, aqyawf aer-eu, “Sanqpaq-or! Ngar jan ma.” Khoernar-aq, aqyawf, Yeqsur-anr uqduq tanq-euq mae.
39Khoerngae, Yeqsur aer-eu, “Myavnuiv maq mawrnya-eu tsawrhaq myavnuiv mawrnya lar-awr, myavnuiv mawrnya-eu tsawrhaq-aq, myavbaef baef-ir ni, ngar yarkhaq dar-eu laer mirtsaq-euq khoertav oe-euq ma.”
40Khoerngae, aqyawf naeq-aer khoergar jawr-eu Paqliqsaer tiqpavnav deuq dawq khoerdeuq-anr yagaq-awr aer-eu, “Nga’maf khawf myavbaef-a lor?”
41Yeqsur, aqyawf maf-anr aernaeq-eu, “Nawmaf myavbaefbaef lawnmr-aq, iqbax maqanr-a. Aerkhawf, nymq-mr, ‘Nga’maf mawrnya ma’ laer nawmaf aer-eu mirnae, nawmaf iqbax anr-a siq.”
Цяпер абрана:
Yorhaq 9: AKA
Пазнака
Падзяліцца
Капіяваць
Want to have your highlights saved across all your devices? Sign up or sign in
2018 ©
Bibles International ®
The Bible Society of Baptist Mid-Missions
Yorhaq 9
9
Daefle Ngae Nae Myavbaef Baef-eu Tiq Ghaq
1Yeqsur maeqhu paw ir ghaeluf ngae, daefle ngae nae myavbaef baef-eu zaqyo aqli tiq ghaq-anr ya’mawr-euq mae. 2Aqyawf-euq zaqlanr deuq, Yeqsur-anr narhaq-eu, “Laqbir-or! Teughaq daefle ngae nae myavbaef baef-eu teu, aqsur ghaq iqbax mr-euq baqda’nae nga? Aqyawf-a lor? Maqngeur nar-aq, aqyawf-euq aqma aqda-a laq?”
3Yeqsur heulof-aer aerkhof naeq-euq mae, “Aqyawf maqngeur nar-aq, aqyawf-euq aqma aqda iqbax mr-euq mirnae maqngeur-a. Aerkhawf, Miqyaer gar mr-eu jeq, aqyawf-euq daefzir-anr nae bi mawrlar-eu laer khoerlof-aer bi daefle-euq nga. 4Nan’ghanr paw, ngar, ngaq-anr khaerghae lef-euq ghaq-euq gardeuq ya’mr-eu mae. Mq cifle nar-aq, tsawrhaq tiqghaq-iq gar maq mrnya-a. 5Ngar, mirtsaq-euq khoertav kharjawr-eu khoerkeuvni, ngar-aq, mirtsaq-euq yawshaef ma.”
6Yeqsur khoerdeuq ngaeqghaq ngae, mirtsa duqkhaq khashaeq-awr, duqkhaq hawr-eu mirtsaq nae shaqjaev lavpyeuf-euq mae. Khoernar-aq, shaqjaev khoer nae myavbaef khoerghaq-euq myavnuiv-anr laefnaeq-euq mae. 7Khoernar-aq, Yeqsur, aqyawf-anr aernaeq-eu, “Sirloq lan-anr pufshawr-ir-awq” (Sirloq laer aer-eu-aq, ‘Khaerghae-euq’ laer aermawf-eu mae.) Khoermirnae, aqyawf ir-awr pufshawr ngae, myavnuiv mawrnya lar-awr ghoflar-euq mae.
8Khoerngae, aqyawf naeq-aer nymrkaq taf-eu deuq hawr-eu aqyawf myavbaefbaef ngae mawrhaw-euq deuq aer-eu, “Tsawrhaq heughaq-aq, dzeurlaf ngae nuir-awr hawqshar shardzaq-eu khoerghaq maqngeur-a lor?”
9Tiqpavnav deuq aer-eu, “Khoerghaq ngar-a.”
Aerkhawf, yawqdeuqyawq aer-eu, “Khoerghaq-anr durler-eu tiq ghaq nga.”
Aqyawf aer-eu, “Ngar-aq, khoerghaq ma.”
10Khoerngae, aqyawfmaf, khoerghaq-anr narhaq-eu, “Nawq-euq myavnuiv aqjox-aer ghae-awr mawrnya lar-euq le?” 11Aqyawf aerkhof naeq-eu, “Yeqsur laer kur-eu tsawrhaq tiq ghaq shaqjaev janr-awr, ngaq-euq myavnuiv-anr toeqlaef naeqlaf-awr ngaq-anr aer-eu, ‘Sirloq lan-anr ir-awr pufshawr-ir-awq.’ Khoermirnae, ngar ir-awr pufshawr-ir ngae, ngar mawrnya lar-euq mir-a.”
12Khoerngae, aqyawfmaf, aqyawf-anr narhaq-eu, “Khoerghaq aqgeugar jawr-eu la?” Aqyawf aer-eu, “Ngar maqsiq.”
Myavnuiv Mawrlar-euq Garkawv Narhaq-euq
13Tsawrhaq khoerdeuq, myavbaef baefhaw-euq khoerghaq-anr Paqliqsaer deuq jawr-eu gar sheuqghae-euq mae. 14Yeqsur mirtsaq-euq shaqjaev janr-awr, aqyawf-euq myavnuiv-anr bi mawrnya lar-euq khoernan-aq, landaw jawrnan tsaq-eu mae. 15Khoerngae, Paqliqsaer deuq khawf, aqyawf-euq myavnuiv aqjox-aer mawrnya lar-euq garkawv par narhaq-eu mae. Aqyawf, aqyawf maf-anr aernaeq-eu, “Aqyawf, ngaq-euq myavnuiv-anr shaqjaev toeqlaef naeqlaf-awr, ngar pufshawr-ir ngae mawrnya lar-euq mir-a.”
16Khoermirnae, Paqliqsaer tiqpavnav deuq aer-eu, “Tsawrhaq heughaq-aq, Miqyaer jawr-eu gar nae oe-euq maqngeur luf-a. Aqjeq mirnae aernar-aq, aqyawf landaw jawrnan maqtawq-eu beu.”
Yawqdeuqyawq aer-eu, “Iqbaxzaq tiq ghaq heulof-aer ghae-eu bisiq bimawr-eu jeq aqjox-aer janrnya-eu?”
Khoerngae, aqyawf maf-euq yawkaq armur pav-ir-euq mae. 17Khoermirnae, aqyawfmaf, myavbaef baefhaw-euq khoerghaq-anr par narhaq-eu, “Aqyawf, nawq-euq myavnuiv-anr bi mawrnya lar-euq-aq, aqyawf aqjox-aer ghae-eu tsawrhaq la laer nawr aerhaw sher-eq.”
Aqyawf aer-eu, “Aqyawf-aq, Miqyaer gharduq ngaeqdan-eu tsawrhaq tiq ghaq mae.”
18Yurdav tsawrhaq, myavnuiv mawrnya lar-euq khoerghaq-euq aqma aqda maq kurlaf-euq khoerkeuvni, khoerghaq yawbae myavbaef baef-awr, nymq-mr mawrnya lar-euq gar maqjan-a. 19Aqyawfmaf, aqyawf-euq aqma aqda-anr narhaq-eu, “Teughaq, nawnyaf-euq zaqyo ma lor? Aqyawf daefle ngae nae myavbaef mae laer nawnyaf aermar-iq, nymq-mr aqyawf aqjox-aer mawrnya lar-euq la?”
20Aqyawf-euq aqma aqda, aqyawf maf-anr heulof-aer aerkhof naeq-euq mae, “Heughaq, nga’nyaf-euq zaqyo ma. Daefle ngae nae myavbaef baef-eu mae laer nga’nyaf siqnya ma. 21Aerkhawf, nymq-mr aqyawf aqjeq-euq baqda’nae mawrnya lar-euq garkawv nga’nyaf maq siqnya nya. Aqsur ghaq nae aqyawf-euq myavnuiv-anr bi mawrnya lar-euq khawf nga’nyaf maq siqnya nya. Aqyawf tsawrkhof khawvlar-euq mae, nawmaf, aqyawf-anr narhaq-awq. Aqyawf-euq garkawv aqyawf ja’maeq naeqlafnya taef-a.”
22Aqyawf-euq aqma aqda, Yurdav tsawrhaq-anr guv-eu mirnae khoerlof-aer aer-eu mae. Aqjeq mirnae aernar-aq, Yeqsur-anr Kali mae laer khar aerdov-eu tsawrhaq aqsur ghaq maqkaq, zanrdawq khawqnymr-anr nae taedov ma laer Yurdav tsawrhaq bawqdzaqtsaev taq-euq mae. 23Khoermirnae, aqyawf-euq aqma aqda aer-eu, “Aqyawf tsawrkhof khawvlar-euq mae, nawmaf, aqyawf-anr narhaq-awq.”
24Khoernar-aq, aqyawfmaf, myavbaef baefhaw-euq khoerghaq-anr parkur-awr aqyawf-anr aernaeq-eu, “Yawshaef khanqsaer Miqyaer-anr damq-awq, tsawrhaq khoerghaq-aq, iqbaxzaq mae laer nga’maf siqnya ma.”
25Khoerngae, aqyawf aerkhof naeq-eu, “Aqyawf iqbaxzaq ngeur-eu maqngeur-eu, ngar maqsiq. Ngar siqnya-eu tiqjeq-aq, ngar myavbaef baefhaw-euq khawf, nymq-mr ngar mawrnya lar-euq ma.”
26Khoerngae, aqyawfmaf, aqyawf-anr paraer-eu, “Aqyawf, nawq-anr aqjeq janrnaeq laf-euq la? Aqyawf, nawq-euq myavnuiv-anr aqjox-aer bi mawrnya lar-euq la?”
27Aqyawf, aqyawf maf-anr aerkhof naeq-eu, “Ngar, nawmaf-anr aernaeq dzeur-euq khawf, nawmaf maq narhaq-eu gar nae, aqjeq mirnae tiq pov par gaqmawf-eu nya? Nawmaf khawf aqyawf-euq zaqlanr geufmawf-eu nya lor?”
28Khoerngae, aqyawfmaf, aqyawf-anr heulof-aer daeq-eu mae, “Nawr nga lawr nae, aqyawf-euq zaqlanr. Aerkhawf, nga’maf-aq, Morseq-euq zaqlanr le. 29Miqyaer, Morseq naeq-aer dawq ngaeqcawq-euq mae laer nga’maf siqnya ma. Aerkhawf, tsawrhaq heughaq-aq, aqgeugar nae oe-euq laer nga’maf maq siqnya nya.”
30Khoerghaq, aqyawf, aqyawf maf-anr heulof-aer aerkhof naeq-euq mae, “Nawmaf, aqyawf aqgeugar nae oe-euq la laer maq siqnya-eu mirnae, ngaq-anr zanq duidui ler mir-a. Aqjeq mirnae aernar-aq, aqyawf, ngaq-euq myavnuiv bi mawrnya lar-euq mae. 31Miqyaer, iqbaxzaq-euq dawq maq narhaq-a. Aerkhawf, aqsur ghaq maqkaq, Miqyaer-anr uqduq tanq-eu tsawrhaq pyeuf-awr, Miqyaer nuima tsaq-eu jeq mr nar-aq, aqyawf, tsawrhaq khoerghaq-euq dawq-anr narhaq-eu mae laer nga’maf siqnya-eu ma. 32Mqmir bae ngae nae iqnan keuvni, daefle ngae nae myavbaef baef-eu tsawrhaq-anr bi mawrnya lar-euq garkawv tiqghaq-iq maq gaqhaw-aq. 33Tsawrhaq heughaq, Miqyaer jawr-eu gar nae oe-euq maqngeur lawnmr-aq, aqyawf tiqjeq-iq maqmr nya-ar.”
34Khoernar-aq, aqyawfmaf, aqyawf-anr aerkhof naeq-eu, “Nawr iqbax-euq lafkhoer daefpanq daeflanr le-euq khawf, nga’maf-anr parmaeq lar-eu le lor?” Khoernar-aq, aqyawfmaf, aqyawf-anr taedov ghae-euq mae.
Saflar Paw Myavbaef Baef-eu Tsawrhaq
35Aqyawfmaf khoerghaq-anr taedov-euq garkawv Yeqsur yagaq-euq mae. Arnan, aqyawf-anr povmawr-awr, Yeqsur, aqyawf-anr narhaq-eu, “Nawr, Miqyaer-euq Zaqyo-anr jan ma lor?”
36Aqyawf aerkhof-eu lafkhoer aer-eu, “Sanqpaq-or! Ngar, aqyawf-anr jannya’ni, khoerghaq aqsur ghaq la?”
37Yeqsur, aqyawf-anr aernaeq-eu, “Nawr, aqyawf-anr ya’mawr-euq uqtaf, nymq-mr nawq naeq-aer dawq ngaeqcawq luf-eu ghaq-aq aqyawf mae.”
38Khoerngae, aqyawf aer-eu, “Sanqpaq-or! Ngar jan ma.” Khoernar-aq, aqyawf, Yeqsur-anr uqduq tanq-euq mae.
39Khoerngae, Yeqsur aer-eu, “Myavnuiv maq mawrnya-eu tsawrhaq myavnuiv mawrnya lar-awr, myavnuiv mawrnya-eu tsawrhaq-aq, myavbaef baef-ir ni, ngar yarkhaq dar-eu laer mirtsaq-euq khoertav oe-euq ma.”
40Khoerngae, aqyawf naeq-aer khoergar jawr-eu Paqliqsaer tiqpavnav deuq dawq khoerdeuq-anr yagaq-awr aer-eu, “Nga’maf khawf myavbaef-a lor?”
41Yeqsur, aqyawf maf-anr aernaeq-eu, “Nawmaf myavbaefbaef lawnmr-aq, iqbax maqanr-a. Aerkhawf, nymq-mr, ‘Nga’maf mawrnya ma’ laer nawmaf aer-eu mirnae, nawmaf iqbax anr-a siq.”
Цяпер абрана:
:
Пазнака
Падзяліцца
Капіяваць
Want to have your highlights saved across all your devices? Sign up or sign in
2018 ©
Bibles International ®
The Bible Society of Baptist Mid-Missions