Yorhaq 2
2
Gaqnaq Pu-anr Oermr Bar-eu
1Smq nan byanlar ngae, Gaqliqlaer mirkhanq-anr jav-eu Gaqnaq pu-anr oermr bar-eu jav-eu mae. Yeqsur-euq aqma khawf khoergar jawrluf-eu mae. 2Yeqsur hawr-eu aqyawf-euq zaqlanr deuq-anr khawf oermr bar-eu gar kurtaq-euq mae. 3Aqgaf dzaruir dawrjir-euq mirnae, Yeqsur-euq aqma, Yeqsur-anr aernaeq-eu, “Aqyawfmaf aqgaf dzaruir maqpar jav-eu ngar-a.”
4Yeqsur, aqyawf-anr aernaeq-eu, “Zaqmiq aqbur-or! Nawr, ngaq-anr aqjeq taf-eu le? Ngaq-euq aryamq maq tsaqlar-aq siq.”
5Yeqsur-euq aqma, aqjax mr-eu deuq-anr aernaeq-eu, “Aqyawf kharaer-eu lof-aer nawmaf mrcaw de-eq.”
6Yurdav tsawrhaq zanr jav-eu lof-aer irshawr khaqlo ciqcur kof siq jav-eu mae. Tiq siq-euq lafkhoer ircuf 20, 30 keuv derler-eu mae.
7Yeqsur, aqjax mr-eu khoerdeuq-anr aernaeq-eu, “Ciqcur teudeuq-anr ircuf khawfbyan-awq.”
Aqyawfmaf ciqcur maeqkhaeq-anr keuvni khawfbyan-euq mae. 8Khoerngae, Yeqsur paraer-eu, “Nymq-mr povjawr-aq, kuq-awr oermr bar-eu gar aqyuif geuf-eu ghaq-anr ciqnaeq-ir-awq.” Aqyawfmaf kuq-awr ciqnaeq-ir-euq mae. 9Oermr bar-eu gar aqyuif geuf-eu ghaq, ircuf, aqgaf dzaruir pyeuflar-euq khoer-anr dawrhaw-euq mae. Aqyawf aqgaf dzaruir khoer aqgar nae za-euq laer maq siqnya-a. (Aerkhawf, ircuf khawfanr-euq aqjax mr-eu khoerdeuq siqnya-eu mae.) Khoerngae, aqyawf, yoshuif ghaq-anr kur-awr, 10aqyawf, yoshuif-anr aernaeq-eu, “Aqsur ghaq maqkaq, aqgaf dzaruir yawkuir jeqhu ciqdav naeq-awr, daqyan deuq dawrdaev laf-iq ngae hawr-eu maqkuir-eu ciqdav naeq-eu mae. Aerkhawf, nawr-aq, aqgaf dzaruir yawkuir nymq-mr keuvni jeqhmq taq-euq nga lawrnae!”
11Gaqliqlaer mirkhanq-anr jav-eu Gaqnaq pu-anr Yeqsur bisiq bimawr-eu jeq mrbae bae-euq lafkhoer, aqyawf-euq yawshaef khanqsaer aqcawq-anr bimawr-euq mae. Khoerngae, aqyawf-euq zaqlanr deuq, aqyawf-anr janlar-euq mae.
12Khoernar-aq, Yeqsur, aqyawf-euq aqma, aqyawf-euq maernmr deuq hawr-eu aqyawf-euq zaqlanr deuq naeq-aer Gaqbeqneqoq-anr ir-euq mae. Aerkhawf, khoergar ghawqmya nan maqjawr-aq.
Uqduq Tanqnymr Nymrma Lavshawr-euq
Mt 21:12-13; Mk 11:15-17; Lk 19:45-46
13Yurdav tsawrhaq-euq Baqsaqkaq yawbui bui-eu aryamq paelar-awr, Yeqsur, Yeqlursaqlaeq-anr le-euq mae. 14Khoerngae, Yeqsur uqduq tanqnymr nymrma-euq lafkhoer, mawrner, yawr hawr-eu khaqkhoeq anq-eu tsawrhaq-anr ya’mawr-awr, pyur parnaeq-eu tsawrhaq deuq pyur parnaeq parnaeq-aer jawr-eu gar khawf ya’mawr-euq mae. 15Yeqsur, arcav yur-awr, cavpyaef pyaef-euq mae. Khoernar-aq, uqduq tanqnymr nymrma-euq lafkhoer nae aqyawfmaf dawqtawv luf-anr, mawrner hawr-eu yawrdeuq naeq-aer taedov-euq mae. Pyur parnaeq-eu deuq-euq pyur khawf ngawqkhar-awr, aqyawf maf-euq hawqje ngawqdzae-euq mae. 16Aqyawf, khaqkhoeq anqluf-eu deuq-anr khawf aernaeq-eu, “Khaqkhoeq teudeuq bafdov ghae-awq, ngaqDa-euq nymr-anr laev dzufduq taqbi pyeuflar.”
17Khoerngae, aqyawf-euq zaqlanr deuq boftaq-euq dawq heudawq-anr noeqmawr lar-euq mae,
“Miqyaer-or! Ngar, nawq-euq nymr-anr nuima keuv duidui-eu mirnae, ngaq-anr ur gawrlar luf-eu nya.” (Jc 69:9)
18Khoermirnae, Yurdav tsawrhaq-euq aqyuif aqtsu deuq, Yeqsur-anr narhaq-eu, “Nawr heudeuq janr-euq heu, nga’maf-anr aqgeu jeq bisiq bimawr-eu laer janr-eu le?”
19Yeqsur, aqyawf maf-anr aerkhof naeq-eu, “Nawmaf, uqduq tanqnymr nymrma heu pyavdzae-awq, ngar smq nan-euq lafkhoer tsovpar ma.”
20Khoerngae, Yurdav tsawrhaq narhaq-eu, “Uqduq tanqnymr nymrma heunymr 46 khof byanni tsov-euq mae. Nawr smq nan-euq lafkhoer taef-aer tsovpar nya-eu le lor?”
21Aerkhawf, Yeqsur aer-eu uqduq tanqnymr nymrma khoer-aq, aqyawf-euq mawrdo-anr aermawf-eu mae. 22Khoermirnae, Yeqsur shir-awr ghofdaeflar ngae, aqyawf nae aqyawf maf-anr aertaq-euq dawq heudawq-anr zaqlanr deuq noeqdov lar-euq mae. Khoerngae jawr, aqyawfmaf, Yaerbof-anr khawf, Yeqsur nae ngaeq-euq dawq-anr khawf jan-euq mae.
Yeqsur, Tsawrhaq-anr Siqnya-eu Mae
23Yeqsur, Yeqlursaqlaeq-anr jawr-awr Baqsaqkaq yawbui builuf ngae, tsawrhaq ghawqmya’ni aqyawf nae mr-euq bisiq bimawr-eu jeq-anr ya’mawr-awr, aqyawf-euq tsawrmyanr-anr janlar-euq mae. 24Aerkhawf, Yeqsur-aq, aqyawf-euq mawrdo tsawrhaq khoerdeuq-anr maq a’naeq-aq. Aqjeq mirnae aernar-aq, aqyawf, tsawrhaq dawqtawv luf-anr siqnya-eu mae. 25Aqcawq, aqyawf-anr tsawrhaq-euq garkawv sarkir kamqnaeq-eu laer maqya ghaeni, Yeqsur, tsawrhaq-euq lafkhoer aqjeq anr-eu la laer siqnya-eu mae.
Цяпер абрана:
Yorhaq 2: AKA
Пазнака
Падзяліцца
Капіяваць
Want to have your highlights saved across all your devices? Sign up or sign in
2018 ©
Bibles International ®
The Bible Society of Baptist Mid-Missions
Yorhaq 2
2
Gaqnaq Pu-anr Oermr Bar-eu
1Smq nan byanlar ngae, Gaqliqlaer mirkhanq-anr jav-eu Gaqnaq pu-anr oermr bar-eu jav-eu mae. Yeqsur-euq aqma khawf khoergar jawrluf-eu mae. 2Yeqsur hawr-eu aqyawf-euq zaqlanr deuq-anr khawf oermr bar-eu gar kurtaq-euq mae. 3Aqgaf dzaruir dawrjir-euq mirnae, Yeqsur-euq aqma, Yeqsur-anr aernaeq-eu, “Aqyawfmaf aqgaf dzaruir maqpar jav-eu ngar-a.”
4Yeqsur, aqyawf-anr aernaeq-eu, “Zaqmiq aqbur-or! Nawr, ngaq-anr aqjeq taf-eu le? Ngaq-euq aryamq maq tsaqlar-aq siq.”
5Yeqsur-euq aqma, aqjax mr-eu deuq-anr aernaeq-eu, “Aqyawf kharaer-eu lof-aer nawmaf mrcaw de-eq.”
6Yurdav tsawrhaq zanr jav-eu lof-aer irshawr khaqlo ciqcur kof siq jav-eu mae. Tiq siq-euq lafkhoer ircuf 20, 30 keuv derler-eu mae.
7Yeqsur, aqjax mr-eu khoerdeuq-anr aernaeq-eu, “Ciqcur teudeuq-anr ircuf khawfbyan-awq.”
Aqyawfmaf ciqcur maeqkhaeq-anr keuvni khawfbyan-euq mae. 8Khoerngae, Yeqsur paraer-eu, “Nymq-mr povjawr-aq, kuq-awr oermr bar-eu gar aqyuif geuf-eu ghaq-anr ciqnaeq-ir-awq.” Aqyawfmaf kuq-awr ciqnaeq-ir-euq mae. 9Oermr bar-eu gar aqyuif geuf-eu ghaq, ircuf, aqgaf dzaruir pyeuflar-euq khoer-anr dawrhaw-euq mae. Aqyawf aqgaf dzaruir khoer aqgar nae za-euq laer maq siqnya-a. (Aerkhawf, ircuf khawfanr-euq aqjax mr-eu khoerdeuq siqnya-eu mae.) Khoerngae, aqyawf, yoshuif ghaq-anr kur-awr, 10aqyawf, yoshuif-anr aernaeq-eu, “Aqsur ghaq maqkaq, aqgaf dzaruir yawkuir jeqhu ciqdav naeq-awr, daqyan deuq dawrdaev laf-iq ngae hawr-eu maqkuir-eu ciqdav naeq-eu mae. Aerkhawf, nawr-aq, aqgaf dzaruir yawkuir nymq-mr keuvni jeqhmq taq-euq nga lawrnae!”
11Gaqliqlaer mirkhanq-anr jav-eu Gaqnaq pu-anr Yeqsur bisiq bimawr-eu jeq mrbae bae-euq lafkhoer, aqyawf-euq yawshaef khanqsaer aqcawq-anr bimawr-euq mae. Khoerngae, aqyawf-euq zaqlanr deuq, aqyawf-anr janlar-euq mae.
12Khoernar-aq, Yeqsur, aqyawf-euq aqma, aqyawf-euq maernmr deuq hawr-eu aqyawf-euq zaqlanr deuq naeq-aer Gaqbeqneqoq-anr ir-euq mae. Aerkhawf, khoergar ghawqmya nan maqjawr-aq.
Uqduq Tanqnymr Nymrma Lavshawr-euq
Mt 21:12-13; Mk 11:15-17; Lk 19:45-46
13Yurdav tsawrhaq-euq Baqsaqkaq yawbui bui-eu aryamq paelar-awr, Yeqsur, Yeqlursaqlaeq-anr le-euq mae. 14Khoerngae, Yeqsur uqduq tanqnymr nymrma-euq lafkhoer, mawrner, yawr hawr-eu khaqkhoeq anq-eu tsawrhaq-anr ya’mawr-awr, pyur parnaeq-eu tsawrhaq deuq pyur parnaeq parnaeq-aer jawr-eu gar khawf ya’mawr-euq mae. 15Yeqsur, arcav yur-awr, cavpyaef pyaef-euq mae. Khoernar-aq, uqduq tanqnymr nymrma-euq lafkhoer nae aqyawfmaf dawqtawv luf-anr, mawrner hawr-eu yawrdeuq naeq-aer taedov-euq mae. Pyur parnaeq-eu deuq-euq pyur khawf ngawqkhar-awr, aqyawf maf-euq hawqje ngawqdzae-euq mae. 16Aqyawf, khaqkhoeq anqluf-eu deuq-anr khawf aernaeq-eu, “Khaqkhoeq teudeuq bafdov ghae-awq, ngaqDa-euq nymr-anr laev dzufduq taqbi pyeuflar.”
17Khoerngae, aqyawf-euq zaqlanr deuq boftaq-euq dawq heudawq-anr noeqmawr lar-euq mae,
“Miqyaer-or! Ngar, nawq-euq nymr-anr nuima keuv duidui-eu mirnae, ngaq-anr ur gawrlar luf-eu nya.” (Jc 69:9)
18Khoermirnae, Yurdav tsawrhaq-euq aqyuif aqtsu deuq, Yeqsur-anr narhaq-eu, “Nawr heudeuq janr-euq heu, nga’maf-anr aqgeu jeq bisiq bimawr-eu laer janr-eu le?”
19Yeqsur, aqyawf maf-anr aerkhof naeq-eu, “Nawmaf, uqduq tanqnymr nymrma heu pyavdzae-awq, ngar smq nan-euq lafkhoer tsovpar ma.”
20Khoerngae, Yurdav tsawrhaq narhaq-eu, “Uqduq tanqnymr nymrma heunymr 46 khof byanni tsov-euq mae. Nawr smq nan-euq lafkhoer taef-aer tsovpar nya-eu le lor?”
21Aerkhawf, Yeqsur aer-eu uqduq tanqnymr nymrma khoer-aq, aqyawf-euq mawrdo-anr aermawf-eu mae. 22Khoermirnae, Yeqsur shir-awr ghofdaeflar ngae, aqyawf nae aqyawf maf-anr aertaq-euq dawq heudawq-anr zaqlanr deuq noeqdov lar-euq mae. Khoerngae jawr, aqyawfmaf, Yaerbof-anr khawf, Yeqsur nae ngaeq-euq dawq-anr khawf jan-euq mae.
Yeqsur, Tsawrhaq-anr Siqnya-eu Mae
23Yeqsur, Yeqlursaqlaeq-anr jawr-awr Baqsaqkaq yawbui builuf ngae, tsawrhaq ghawqmya’ni aqyawf nae mr-euq bisiq bimawr-eu jeq-anr ya’mawr-awr, aqyawf-euq tsawrmyanr-anr janlar-euq mae. 24Aerkhawf, Yeqsur-aq, aqyawf-euq mawrdo tsawrhaq khoerdeuq-anr maq a’naeq-aq. Aqjeq mirnae aernar-aq, aqyawf, tsawrhaq dawqtawv luf-anr siqnya-eu mae. 25Aqcawq, aqyawf-anr tsawrhaq-euq garkawv sarkir kamqnaeq-eu laer maqya ghaeni, Yeqsur, tsawrhaq-euq lafkhoer aqjeq anr-eu la laer siqnya-eu mae.
Цяпер абрана:
:
Пазнака
Падзяліцца
Капіяваць
Want to have your highlights saved across all your devices? Sign up or sign in
2018 ©
Bibles International ®
The Bible Society of Baptist Mid-Missions