Zabbu̱li̱ Kwanjuura
Kwanjuura
Zabbu̱li̱ kyokyo kitabbu kilimwo byembu ki̱ku̱mi̱ na maku̱mi̱ gataanu (150), kyegebeerwe kubba kyahandi̱i̱ki̱i̱rwe mukama Dau̱di̱ na bantu bandi nka mukama Sulumaani, Asafi̱ na Mu̱sa hab̯wa mwanya gwa myaka kuruga 1440 kudwa 586 (B.C.) Yesu̱ atakabyali̱i̱rwe.
Byembu bi̱byo nka ku̱byahandi̱i̱ki̱i̱rwe mu kiki kitabbu, bibaza hali ngesu na biteekerezu bya bantu b̯untu, kandi b̯undi byegesya hali ngesu na mbeera za bantu beihanga lyʼI̱saleeri̱. Mu mu̱li̱ngo gu̱gwo, halimwona byembu bi̱soroorwemwo nibili byakuhaariiza Ruhanga mu b̯wi̱re b̯wa kusemererwa, byaku̱mwesengereerya mu b̯wi̱re b̯wa b̯ujune, na byaku̱si̱i̱ma Mukama hab̯wa b̯urungi na ki̱ti̱i̱ni̱sa kyamwe. Zabbu̱li̱ zinene zilimwona bigambu bikuragura bikukwatagana na Yesu̱ Ku̱ri̱si̱to.
Nahab̯waki̱kyo, kiki kitabbu ki̱twegesya hali Ruhanga, nka yooyo ku̱yaahangi̱ri̱ nsi mu maani ganene hoi̱, nka kwali na b̯u̱sobozi̱ b̯wa kulema iguru na nsi, kandi nka kwaha bantu bayaahangi̱ri̱ bintu bibakwetaaga. Ruhanga, mu bigambu bya mu Zabbu̱li̱, tu̱mwetegereza kubba wambabazi̱ kandi waakisa, kandi afaaho hoi̱ bantu bayaahangi̱ri̱. B̯u̱twi̱za hali yo, twi̱zenge nituli na ku̱ni̱hi̱ra nti, akwi̱za kutuganyira bibii byetu̱, kandi natujuna hali maani gabiibi.
Kindi, hab̯wa kujulirwa mirundi nka nsanju (70) mu Ndagaanu Gihyaka, bi̱byo byembu na byakusaba byakyo bi̱teeri̱ kiki kitabbu kubba kyamaani mu Bbai̱bbu̱li̱. Mu kasu̱mi̱ kaka kiki kitabbu kili ki̱mwei̱ mu Bbai̱bbu̱li̱ ki̱cakaki̱i̱ri̱ kusomwa hoi̱.
Bicweka bi̱handu̱ mu kiki kitabbu nka ku̱bi̱honderegeeni̱
Kitabbu Kyakubanza Zabbu̱li̱ 1—41
Kitabbu Kya kabiri Zabbu̱li̱ 42—72
Kitabbu Kyakasatu Zabbu̱li̱ 73—89
Kitabbu Kyakanei Zabbu̱li̱ 90—106
Kitabbu Kyakataanu Zabbu̱li̱ 107—150
Цяпер абрана:
Zabbu̱li̱ Kwanjuura: LUGUNGU
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2025, Wycliffe Bible Translators, Inc. All rights reserved.
Zabbu̱li̱ Kwanjuura
Kwanjuura
Zabbu̱li̱ kyokyo kitabbu kilimwo byembu ki̱ku̱mi̱ na maku̱mi̱ gataanu (150), kyegebeerwe kubba kyahandi̱i̱ki̱i̱rwe mukama Dau̱di̱ na bantu bandi nka mukama Sulumaani, Asafi̱ na Mu̱sa hab̯wa mwanya gwa myaka kuruga 1440 kudwa 586 (B.C.) Yesu̱ atakabyali̱i̱rwe.
Byembu bi̱byo nka ku̱byahandi̱i̱ki̱i̱rwe mu kiki kitabbu, bibaza hali ngesu na biteekerezu bya bantu b̯untu, kandi b̯undi byegesya hali ngesu na mbeera za bantu beihanga lyʼI̱saleeri̱. Mu mu̱li̱ngo gu̱gwo, halimwona byembu bi̱soroorwemwo nibili byakuhaariiza Ruhanga mu b̯wi̱re b̯wa kusemererwa, byaku̱mwesengereerya mu b̯wi̱re b̯wa b̯ujune, na byaku̱si̱i̱ma Mukama hab̯wa b̯urungi na ki̱ti̱i̱ni̱sa kyamwe. Zabbu̱li̱ zinene zilimwona bigambu bikuragura bikukwatagana na Yesu̱ Ku̱ri̱si̱to.
Nahab̯waki̱kyo, kiki kitabbu ki̱twegesya hali Ruhanga, nka yooyo ku̱yaahangi̱ri̱ nsi mu maani ganene hoi̱, nka kwali na b̯u̱sobozi̱ b̯wa kulema iguru na nsi, kandi nka kwaha bantu bayaahangi̱ri̱ bintu bibakwetaaga. Ruhanga, mu bigambu bya mu Zabbu̱li̱, tu̱mwetegereza kubba wambabazi̱ kandi waakisa, kandi afaaho hoi̱ bantu bayaahangi̱ri̱. B̯u̱twi̱za hali yo, twi̱zenge nituli na ku̱ni̱hi̱ra nti, akwi̱za kutuganyira bibii byetu̱, kandi natujuna hali maani gabiibi.
Kindi, hab̯wa kujulirwa mirundi nka nsanju (70) mu Ndagaanu Gihyaka, bi̱byo byembu na byakusaba byakyo bi̱teeri̱ kiki kitabbu kubba kyamaani mu Bbai̱bbu̱li̱. Mu kasu̱mi̱ kaka kiki kitabbu kili ki̱mwei̱ mu Bbai̱bbu̱li̱ ki̱cakaki̱i̱ri̱ kusomwa hoi̱.
Bicweka bi̱handu̱ mu kiki kitabbu nka ku̱bi̱honderegeeni̱
Kitabbu Kyakubanza Zabbu̱li̱ 1—41
Kitabbu Kya kabiri Zabbu̱li̱ 42—72
Kitabbu Kyakasatu Zabbu̱li̱ 73—89
Kitabbu Kyakanei Zabbu̱li̱ 90—106
Kitabbu Kyakataanu Zabbu̱li̱ 107—150
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2025, Wycliffe Bible Translators, Inc. All rights reserved.