Калі ж вас Дух водзіць, дык вы не пад законам.
Дзеі плоці вядомыя; вось яны: пералюбства, блуд, нечыстата, непатрэбства,
ідаласлужэньне, чарадзейства, варожасьць, свары, зайздрасьць, гнеў, звады, раздоры (спакусы), ерасі,
нянавісьць, забойствы, п'янства, закалоты і іншае такое; папярэджваю вас, як і раней папярэджваў, што тыя, хто робіць так, Царства Божага не ўспадкуюць.
А плод Духа: любоў, радасьць, згода, доўгая цярплівасьць, добрасьць, міласэрнасьць, вера,
лагоднасьць, устрымлівасьць. На такіх няма закона.
А тыя, якія Хрыстовыя, укрыжавалі цела з пажадлівасьцю і пахацінствамі.
Калі мы жывём Духам, дык згодна з Духам і рабіць павінны.
Ня будзем пустаславіцца, адно аднаго дражніць, адно аднаму зайздросьціць.
Bible App
Bible App for Kids
