ЭФЭСЯНАЎ 2:17-22

і, прыйшоўшы, «абвяшчаў мір вам, далёкім, і блізкім», бо празь Яго і тыя і другія маем доступ да Айца, у адным Духу. Дык вось, вы ўжо ня чужынцы і ня прыхадні, а суграмадзяне сьвятым і свае Богу, уцьверджаныя на аснове апосталаў і прарокаў, маючы Самога Ісуса Хрыста каменем вугла, на якім увесь будынак, моцна складаны, вырастае ў сьвяты храм у Госпадзе, на якім і вы будуецеся ў селішча Божае Духам.