غُرْتَاکِ 15
15
مُوسَى عٜ إِسْرَاءِيلَعٜنْ نغِمَنِ جَوْمِرَاوٛ
1مُوسَى عٜ إِسْرَاءِيلَعٜنْ نغِمَنِ جَوْمِرَاوٛ يِمْرٜ ندٜعٜ: مِيِمَنَنْ جَوْمِرَاوٛ، نغَمْ عٛ ࢡَنغِيطٛ مَسِنْ؞ عٛرُڢِ ݠُشِّ عٜ وَعِّيࢡٜ طِ ندٜرْ مَايٛ#لِمْلٜ 21:17؛ عٜسَايَ 43:21؛ جَبُورَ 105:43؛ وَحَيُ يُحَنَّ 15:3؞؞
2جَوْمِرَاوٛ وٛنِ سٜمْبٜ عَمْ عٜ دَلِيلَ يِمْرٜ عَمْ! عٛحِسْنِ يَمْ، کَنغْکٛ وٛنِ اَللَّه عَمْ، مِتٜدِّنَنْ مٛ! عٛ اَللَّه بَابَ عَمْ، مِمَنغْتَنْ مٛ#جَبُورَ 118:14؛ عٜسَايَ 12:2؞!
3جَوْمِرَاوٛ وٛنِ کٛنٛووٛ، عِنْدٜ مَاکٛ جَوْمِرَاوٛ!
4عٛرُڢِ مٛوتَاجِ ݠُشِّ ڢِرْعَوْنَ عٜ جَمَعَارٜ کٛنُ مَاکٛ ندٜرْ مَايٛ، عُمْرٛوࢡٜ مَاکٛ سُࢡَاࢡٜ نجٛلِّ ندٜرْ مَالِيَ!
5ندِيَمْجِ لُغُّطِ مٛطِ ࢡٜ، ࢡٜنجِݠِّ ندٜرْ لُغّٜىٰنغَ بَنَ کَاعٜ!
6ࢩَامٛ مَ، يَا جَوْمِرَاوٛ، مَرِ تٜدُّنغَلْ عٜ بَاوْطٜ! ࢩَامٛ مَ، يَا جَوْمِرَاوٛ، سَمْݠِتِ کٛنّٜعٜنْ مَ!
7بٜى طُوطْکِ مَنغُ مَ عَطٛنْ دٛعَّ کٛنّٜعٜنْ مَ؞ تٛ تِکّٜرٜ مَ سَاتِ، ندٜ حَلْکَنْ ࢡٜ بَنَ غٜىٰنٜ!
8ندِيَمْجِ نجٛوْنْدِنْدِرِ نغَمْ دَلِيلَ ݠٛوڢْطٜ کِنٜ مَ، عِلَمْجِ ندَرِ بَنَ مَحٛلْ، ندِيَمْجِ لُغُّطِ ࢨُوغٜ شَاتِ ندٜرْ رٜىٰدُ مَايٛ!
9کٛنّٜعٜنْ مٜىٰطٜنْ مبِعْنٛ: مِنْ تَاسْنَنْ ࢡٜ، مِنْ نَنغَنْ ࢡٜ، مِنْ شٜنْدَنْ کٜࢡَلْ جَالٛرْغَلْ عَمِنْ، حَا ࢡُرَ کٛ مِنْ نغِطِ حَا مَࢡّٜ، مِنْ لٛسَنْ کَاڢَحِ عَمِنْ، جُنغٛ عَمِنْ نَتِّنَنْ ࢡٜ!
10عَمَّا عَنْ، جَوْمِرَاوٛ، عَڢٛوڢِ بٜى ݠٛوڢْطٜ مَ، مَايٛ مٛطِ ࢡٜ، ࢡٜمُتِ ندٜرْ ندِيَمْجِ مَوْطِ بَنَ نجَمْندِ!
11يَا جَوْمِرَاوٛ، مٛيْ نَنْدِ بٜى مَ شَکَ طٛوَنْتٜىٰࢡٜ؟ مٛيْ نَنْدِ بٜى مَ؟ سٜنَارٜ مَ ندٜ حَيْطِنِيندٜ! عَ کُلْنِيطٛ، کٜعِيطٛ تٜدِّنٜىٰغٛ، بَاوْطٛ وَطُغٛ کَايٜىٰڢِيجِ!
12عَڢٛرْتِ ࢩَامٛ مَ، لٜسْدِ مٛطِ تَاسْنُࢡٜ مِنْ؞
13عَرِمْطِنِ عُمَّاتٛورٜ مَ! بٜى مبٛوطٜىٰنغَ مَ عَطٛوِ ندٜ؞ عَطٛوِ ندٜ بٜى بَاوْطٜ مَ حَا جٛوطٛرْدٜ مَ سٜنِيندٜ؞
14يِمْࢡٜ عُمَّاتٛوجٜ غٛطّٜ ندِوْنِ ندٜ ࢡٜنَنِ حَبَرُ ندُعُ؞ کُلٛلْ نَنغِ جٛوطِيࢡٜ حَا ڢِلِسْتِ؞
15عَرْدِيࢡٜ عٜدٛومْ کُلْتٛرِ، دِوْنغٛلْ نَنغِ سٜمْبِطْࢡٜ مٛعَبْ، ࢡٜرْطٜ جٛوطِيࢡٜ کَنَانَ ڢُو تَعِ!
16کُلٛلْ مَنغٛلْ عُکِّ دٛوْ مَࢡّٜ؞ نغَمْ مَنغُ بَاوْطٜ مَ ࢡٜندَرِ سِرِوْ بَنَ کَاعٜ، سَاعِ عُمَّاتٛورٜ مَ عٜىٰرِ، يَا جَوْمِرَاوٛ، حَا عُمَّاتٛورٜ لَاتِيندٜ مَرَلْ مَ عٜىٰرِ؞
17عَطٛنْ يَحْرَ ࢡٜ دٛوْ حٛوسٜىٰرٜ لَاتٛتٛوندٜ مَرَلْ مَ نغَمْ جٛعِّنْغٛ ࢡٜ تٛنْ، يَا جَوْمِرَاوٛ؞ طُمْ نٛکُّورٜ ندٜ مبَطَّ جٛوندٜ مَ، يَا اَللَّه جَوْمِرَاوٛ، طُمْ سُودُ مَ سٜنِيندُ ندُ عَتَاسْکِتِنِ؞
18جَوْمِرَاوٛ، عَنْ وٛنِ لَامِيطٛ حَا عَبَدَ عَبَدِنْ!
19ندٜ ݠُشِّ عٜ مٛوتَاجِ ݠُشِّ عٜ وَعِّيࢡٜ ݠُشِّ ڢِرْعَوْنَ نَسْتِ مَايٛ، جَوْمِرَاوٛ وَرْتِرِ ندِيَمْجِ مَاغٛ دٛوْ مَࢡّٜ؞ عَمَّا إِسْرَاءِيلَعٜنْ عٜىٰرِ شَکَ مَايٛ دٛوْ جٛورْطُمْ؞
20مَرِيَمَ، اَلنَّبِيجٛ دٜبّٛ، دٜىٰرْطِرَاوٛ هَـٰرُونَ، حٛوعِ مبَغُّ، طٛنْ ڢِيَ؞ رٜوْࢡٜ إِسْرَاءِيلَعٜنْ ڢُو تٛکِّمٛ بٜى بَاوْطِ عٜ غَمَرْلٜ؞ 21مَرِيَمَ عَرْدِ ࢡٜ، ࢡَنغْتِ يِمْرٜ ندٜعٜ:
«نغِمَنٜ جَوْمِرَاوٛ، نغَمْ عٛ ࢡَنغِيطٛ مَسِنْ!
عٛرُڢِ ݠُشِّ عٜ وَعِّيࢡٜ طِ ندٜرْ مَايٛ!»
ندِيَمْ کَاطَّمْ حَا مَارَ
22مُوسَى عُمِّنِ إِسْرَاءِيلَعٜنْ حَا مَايٛ مَالِيَ، ࢡٜندِلِّ لَدّٜ سُرَ؞ ࢩَلْطٜ تَتِ ࢡٜنجٜحِ ندٜرْ لَدّٜ، ࢡٜتَوَايْ ندِيَمْ؞ 23ندٜ ࢡٜنجٛتِّ مَارَ، ࢡٜمبَاوَايْ يَرُغٛ ندِيَمْ تٛنْ، نغَمْ طَمْ کَاطَّمْ؞ نغَمْ مَاجُمْ ࢡٜعٜوْنِ نٛکُّورٜ مَنْ مَارَ#15:23 مَارَ يِطِ وِعْغٛ کَاطٜىٰنغَ؞؞ 24يِمْࢡٜ عُمَّاتٛورٜ نغُرْنغُرْتِ دٛوْ مُوسَى، مبِعِمٛ: «طُمٜ نجَرٜتٜنْ؟» 25مُوسَى وٛوکَنِ جَوْمِرَاوٛ؞ جَوْمِرَاوٛ حٛلِّمٛ لٜغَّلْ؞ مُوسَى سَکِّنِ نغَلْ ندٜرْ ندِيَمْ، طَمْ لَاتِ مبٜلْطَمْ؞
تٛنْ جَوْمِرَاوٛ حٛکِّ إِسْرَاءِيلَعٜنْ ڢَرِلَّاجِ عٜ طَبِيَاجِ، تٛنْ بٛو عٛڢٛونْدِ ࢡٜ؞ 26عٛوِعِ ࢡٜ: «مِنْ وٛنِ جَوْمِرَاوٛ، اَللَّه مٛوطٛنْ؞ ڢَکَتْ تٛ عٛنْ طٛوْتَنَکٜ يَمْ بٜى وَطُغٛ کٛ ڢٛتَّنِ يَمْ، تٛ عٛنْ نَنِ عُمْرٛوجٜ عَمْ عٜ عٛنْ طٛوْتَنَکٜ ڢَرِلَّاجِ عَمْ ڢُو، ندٜنْ کَمْ مِعُکَّنْتَا عٛنْ ࢩَوُجِ طِ مِعُکَّنِ مِصْرَعٜنْ؞ نغَمْ مِنْ وٛنِ جَوْمِرَاوٛ، کُرْغٛووٛ عٛنْ؞»
27ࢡَاوٛطٛنْ إِسْرَاءِيلَعٜنْ نجٛتِّ عٜلِمْ؞ تٛنْ، ࢡٜتَوِ شٜىٰࢡٛوجٜ سَݠّٛ عٜ طِطِ عٜ دِبِنٛوجٜ شَݠَّنْطٜ جٛوٜىٰطِطِ؞ ࢡٜشَنغِنِ تٛنْ بَنغٜ ندِيَمْ؞
Цяпер абрана:
غُرْتَاکِ 15: داَ
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Fulfulde Bible Ajamiya © Bible Society of Cameroon, 2016.