Proverbios 31
31
Ti nkehe kjuako ti Rey Lemuel
1Tíhi ti nkehe kjuako ti chꞌin rey Lemuel, mé ti nkehe kuíhin chꞌan tsíchronka ti ìñé chꞌan:
2Xje̱eni, jaha kꞌuaxrjeníxian ti janhan
kixin Díos kjuáte̱he ti nkehe xrja̱noáha̱ chꞌan,
la ko jaha ti ixjan tjínka̱oan.
¿Xá nkehe íjnko kjuaxrexinkaon chrótja̱ha?
3Jehya chrókólóko̱xian ijnko chojnichjin,
kixin xi̱kaha kꞌuitjáñaxín itsjé ti sin rey.
4Lemuel, jehya jína chrókꞌui ixran vino la ko ixran sóa ti sin tꞌe̱to̱an
kixin chrókókoan sin;
5kixin ti itsꞌi sin la kjá tsꞌitjáñehen sin ti nkehe tjako ley
landá tjinki̱tsahya sin ti sin nóa.
6Ti ixran la chróchje̱hé chrókꞌui ti chojni ó tjejótꞌen,
la ko ti chojni nkochríxín tꞌává
7kixin ti ó itsꞌi sin la tsꞌitjáñehen sin kixin nóa sin,
la ko í tsoxraxinkakonhña sin ti kjuaxikaon.
8Tjínki̱tsa nixjayákohén ti sin noehña nixja
la ko kja̱xin ti sin nóa chóntahya nkexro tsjinki̱tsa.
9Taki̱tjehé irꞌua, la tjéyá nkexrín jína tsito̱exín iji̱é sin
la ko tjínki̱tsa ti sin nóa la ko ti sin chaxín chóntahya.
Ti chojnichjin jína
10Ijnko chojnichjin jína la imá ixra̱ tónoxín
kixin imá tjete sínkí sin ke ti ixro̱ imá náxrjón tsjehe.
11Ti xìi tjan la titekaon kixin jína ichꞌe tjan ixra̱,
la jína tjinki̱tsa tjan kixin tsochónta sin chichaon.
12Kaín ti ixra̱ ichꞌe tjan la ndoá,
kaín tíha la chaxín jína.
13Sátji tjan tꞌe̱na tjan ti ichjo̱én kolélo la ko ti ika lino
la chéhe̱ tjan chꞌénaxín itja tjan ti ika.
14Jehe tjan la ikjín sátjikꞌe̱na tjan ti nkehe tsicháxi̱n
mé xi̱kaha ti ntabarco tji̱xi̱n ikjín tji̱ka̱o nkehe tso̱xi.
15Nchítjen tꞌàya tjan
la nchechján tjan nkehe sinie ti xje̱en tjan
la ko tꞌe̱to̱an tjan nke ixra̱ sichꞌe ti sin chꞌexín ixra̱ ti ndo̱e tjan.
16Tjanchankí tjan nkekja̱ín sínkí ijnko nonte la ndá tꞌe̱na tjan
la ko ti chichaon tjacha tjan la tꞌe̱naxín tjan inta uva la tje̱nka̱xin tjan.
17Jehe tjan la imá ichꞌe tjan ixra̱
la tꞌóxrjéhya ti itja tjan.
18Chéhe̱ tjan kixin nchekji tjan nkehe,
la kjónté imá tie la na̱xa̱ tjeche ti xrohi tsjexín tjan ichꞌe tjan ixra̱.
19Jehe tjan chꞌénaxín itja tjan kaín ti ika tsꞌinkáya tjan.
20Tjinki̱tsa tjan ti sin nóa
la ko ti sin ticháxi̱hin nkehe.
21Tóxakuenhña tjan kjónté imá tókin,
kixin kaín ti sin ndo̱e tjan la chónta sin ika itjín tsꞌinkáya sin.
22Jehe tjan chꞌéna tjan ti nóxre̱e tjan
la ko tꞌinkáya tjan ti ika náxrjón tsíkꞌónaxín ika lino la kjátsetié.
23Kaín ti sin chjasin la chóxin sin ti xìi tjan
la jehe chꞌan tjejóko chꞌan ti sin tꞌe̱to̱an ti chjasin.
24Chꞌéna tjan ika la ko nkehe tꞌinkatꞌóxin chojni
la nchekjihi tjan ti sin nchekji nkehe.
25Jehe tjan la ijnko chojni jína tsjacha tjan ichꞌe tjan ixra̱ la íso chojni tjikosáyehe ti jehe tjan,
méxra̱ tóxakuenhña tjan ti ña̱o tsinkáki.
26Ti ó nixja tjan la nixja tjan kjuaxrexinkaon jína
la nkojína nixje̱he̱ tjan xje̱en tjan.
27Nkochríxín tsjehe tjan ti ixra̱ ndo̱e tjan
la ko ti ixra̱ ichꞌe tjan mé tꞌaxrjeníxin ti nkehe inie sin.
28Ti xje̱en tjan la ko ti xìi tjan
la tjikosáyehe ti jehe tjan, la ndáchro sin:
29“Ti chojnichjin jína la itsjé siín,
kjánchó jaha la a̱ntsí jína ke kaín sin.”
30Ti náxrjón tsjehe ijnko chojni la jehó kjuachꞌia tíha la ó chónkó tíha;
a̱ndá ti chojnichjin chóntehe kjuasàya Itꞌéni Díos la tíha ti tsjikosáyehe chojni.
31Chrokjuíkosáyehéra tjan kixin ti ixra̱ ichꞌe tjan
la ko kaín chojni chjasin chrókjuikosáyehe sin ti jehe tjan.
Цяпер абрана:
Proverbios 31: poeNTplus
Пазнака
Падзяліцца
Параўнаць
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2016, Wycliffe Bible Translators, Inc. All rights reserved.
Proverbios 31
31
Ti nkehe kjuako ti Rey Lemuel
1Tíhi ti nkehe kjuako ti chꞌin rey Lemuel, mé ti nkehe kuíhin chꞌan tsíchronka ti ìñé chꞌan:
2Xje̱eni, jaha kꞌuaxrjeníxian ti janhan
kixin Díos kjuáte̱he ti nkehe xrja̱noáha̱ chꞌan,
la ko jaha ti ixjan tjínka̱oan.
¿Xá nkehe íjnko kjuaxrexinkaon chrótja̱ha?
3Jehya chrókólóko̱xian ijnko chojnichjin,
kixin xi̱kaha kꞌuitjáñaxín itsjé ti sin rey.
4Lemuel, jehya jína chrókꞌui ixran vino la ko ixran sóa ti sin tꞌe̱to̱an
kixin chrókókoan sin;
5kixin ti itsꞌi sin la kjá tsꞌitjáñehen sin ti nkehe tjako ley
landá tjinki̱tsahya sin ti sin nóa.
6Ti ixran la chróchje̱hé chrókꞌui ti chojni ó tjejótꞌen,
la ko ti chojni nkochríxín tꞌává
7kixin ti ó itsꞌi sin la tsꞌitjáñehen sin kixin nóa sin,
la ko í tsoxraxinkakonhña sin ti kjuaxikaon.
8Tjínki̱tsa nixjayákohén ti sin noehña nixja
la ko kja̱xin ti sin nóa chóntahya nkexro tsjinki̱tsa.
9Taki̱tjehé irꞌua, la tjéyá nkexrín jína tsito̱exín iji̱é sin
la ko tjínki̱tsa ti sin nóa la ko ti sin chaxín chóntahya.
Ti chojnichjin jína
10Ijnko chojnichjin jína la imá ixra̱ tónoxín
kixin imá tjete sínkí sin ke ti ixro̱ imá náxrjón tsjehe.
11Ti xìi tjan la titekaon kixin jína ichꞌe tjan ixra̱,
la jína tjinki̱tsa tjan kixin tsochónta sin chichaon.
12Kaín ti ixra̱ ichꞌe tjan la ndoá,
kaín tíha la chaxín jína.
13Sátji tjan tꞌe̱na tjan ti ichjo̱én kolélo la ko ti ika lino
la chéhe̱ tjan chꞌénaxín itja tjan ti ika.
14Jehe tjan la ikjín sátjikꞌe̱na tjan ti nkehe tsicháxi̱n
mé xi̱kaha ti ntabarco tji̱xi̱n ikjín tji̱ka̱o nkehe tso̱xi.
15Nchítjen tꞌàya tjan
la nchechján tjan nkehe sinie ti xje̱en tjan
la ko tꞌe̱to̱an tjan nke ixra̱ sichꞌe ti sin chꞌexín ixra̱ ti ndo̱e tjan.
16Tjanchankí tjan nkekja̱ín sínkí ijnko nonte la ndá tꞌe̱na tjan
la ko ti chichaon tjacha tjan la tꞌe̱naxín tjan inta uva la tje̱nka̱xin tjan.
17Jehe tjan la imá ichꞌe tjan ixra̱
la tꞌóxrjéhya ti itja tjan.
18Chéhe̱ tjan kixin nchekji tjan nkehe,
la kjónté imá tie la na̱xa̱ tjeche ti xrohi tsjexín tjan ichꞌe tjan ixra̱.
19Jehe tjan chꞌénaxín itja tjan kaín ti ika tsꞌinkáya tjan.
20Tjinki̱tsa tjan ti sin nóa
la ko ti sin ticháxi̱hin nkehe.
21Tóxakuenhña tjan kjónté imá tókin,
kixin kaín ti sin ndo̱e tjan la chónta sin ika itjín tsꞌinkáya sin.
22Jehe tjan chꞌéna tjan ti nóxre̱e tjan
la ko tꞌinkáya tjan ti ika náxrjón tsíkꞌónaxín ika lino la kjátsetié.
23Kaín ti sin chjasin la chóxin sin ti xìi tjan
la jehe chꞌan tjejóko chꞌan ti sin tꞌe̱to̱an ti chjasin.
24Chꞌéna tjan ika la ko nkehe tꞌinkatꞌóxin chojni
la nchekjihi tjan ti sin nchekji nkehe.
25Jehe tjan la ijnko chojni jína tsjacha tjan ichꞌe tjan ixra̱ la íso chojni tjikosáyehe ti jehe tjan,
méxra̱ tóxakuenhña tjan ti ña̱o tsinkáki.
26Ti ó nixja tjan la nixja tjan kjuaxrexinkaon jína
la nkojína nixje̱he̱ tjan xje̱en tjan.
27Nkochríxín tsjehe tjan ti ixra̱ ndo̱e tjan
la ko ti ixra̱ ichꞌe tjan mé tꞌaxrjeníxin ti nkehe inie sin.
28Ti xje̱en tjan la ko ti xìi tjan
la tjikosáyehe ti jehe tjan, la ndáchro sin:
29“Ti chojnichjin jína la itsjé siín,
kjánchó jaha la a̱ntsí jína ke kaín sin.”
30Ti náxrjón tsjehe ijnko chojni la jehó kjuachꞌia tíha la ó chónkó tíha;
a̱ndá ti chojnichjin chóntehe kjuasàya Itꞌéni Díos la tíha ti tsjikosáyehe chojni.
31Chrokjuíkosáyehéra tjan kixin ti ixra̱ ichꞌe tjan
la ko kaín chojni chjasin chrókjuikosáyehe sin ti jehe tjan.
Цяпер абрана:
:
Пазнака
Падзяліцца
Параўнаць
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2016, Wycliffe Bible Translators, Inc. All rights reserved.