Proverbios 18
18
1Ti chojni jehó tjeyá ti nkehe tjinkaon
la tjinkakonhña ti nkehe jína tsochronka íso chojni.
2Ti chojni lo̱nti̱ la tjinkakonhña tsꞌitja;
jehó tjinkaon sinchenkexín ti intsí nohe.
3Ti nkehe jínahña tjenka̱yáxin chojni mé tji̱ka̱o ti kjuatosuéhe̱
la ko chrókohya ti kjuasàya.
4Ti nkehe nixja ti chojni nohe mé éxi ti sítꞌaxrjexín yeé ìnta̱ xi̱kaha;
ti chojni chónta ti kjuaxrexinkaon jína mé éxi ti ìnta̱ sítinká.
5Jehya jína kixin ijnko juez tsjinki̱tsa ti chojni chónta ijie̱,
ndá tjinki̱tsahya ti nkexro chóntahya ijie̱.
6Ti nkehe nixja ti chojni lo̱nti̱ la tji̱ka̱o kjuanínkaon,
la nchekjajo̱n chojni.
7Ti nkehe nixja ti nkexro lo̱nti̱ mé tsjasótexín,
ti nkehe nixja sin mé tíha tsꞌitjáñaxín sin.
8Ti kjuachꞌia mé éxi ijnko nkehe ixé inie chojni,
kjánchó tíha mé ncheníhi hasta nkaya a̱sén chojni.
9Ti chojni séhe la ko ti chojni nchekꞌitjáña ti nkehe jína
la éxi nkoko̱a kícho sin.
10Ti ihni̱é Itꞌéni Díos la éxi ijnko tja̱tꞌo̱ nte̱to tse̱he̱,
la kaín chojni jína tjejó la tóchjina sin kixin tsaáxin sin.
11Ti chojni rico la tjenka̱yáxin kixin ti nkehe tjete chónta
mé éxi ijnko chjasin ijié tsíka̱ntatjen tja̱tꞌo̱ nte̱to la ko tse̱he̱.
12Ti kjuahnke tji̱ka̱o ti tsꞌenxín chojni;
la ti chojni nchentsí a̱sén la tsꞌáyéhe̱ sin kjuasàya.
13Ijnko kjualo̱nti̱ la ko kjuatosuéhe̱ ti tsjáte̱heni
ti na̱xa̱ kienhñani ti nkehe tsoxranchankí.
14Ti kjuachéhe̱ la tjinki̱tsa kixin kjónté ijnko nkexro níhi, la tsito̱he jína,
a̱ndá ti nkexro chèhya la, ¿xá nkexrín chrókuito̱he jína?
15Ti chojni tienxín la tjinkaon tsꞌitja
la ti chojni chónta kjuaxrexinkaon jína la tihin sin la tso̱nohe sin a̱ntsí.
16Ti sincheki̱to̱nhe̱ni sin ijnko nkehe ndá xi̱kaha tsakítjehe sin ti puerto
la tsꞌatsínkani hasta ti itjen ti nkexro tꞌe̱to̱an.
17Ti nkexro sa̱o chronka nkehe tsíkóhen la éxi ndoá chronka,
kjánchó ti ó itsi ti nkexro nínkaon la ókjé chrónka sin.
18Ti Díos sinchekito̱exín ijnko kjuanínkaon la kaín tsjìin;
la tíha tsꞌóxika̱ye̱he ti chojni tjajo̱n.
19A̱ntsí ixra̱ tsokjan tsonixje̱he̱ni ti kíchóni kjuajo̱nkoni ke chrókꞌuixeheni ti chjasin tsíka̱ntatjen tja̱tꞌo̱.
Ti kjuanínkaon la tóxika̱ye̱he chojni éxi ijnko puerta tsíkꞌónaxín chika.
20Ti nkehe nixja nkojnko chojni
la mé xi̱kaha ti nkehe tsjacha sin, á nkehe jína o̱ tsjasóte sin.
21Ti nkehe nixja sin la chónta kjuachaxin tsjajon kjuachón o̱ tsakítsje ti kjuachón;
la ti chojni chji̱ñé nixja la tsjasótexín sin tíha.
22Ti nkexro kꞌuitja ijnko chojni chjin la kꞌuitja ti kjuaxróxin
kixin Itꞌéni Díos kjua̱ko̱xi̱n kixin imá tjue̱he chꞌan ti jehe sin.
23Ti chojni nóa la chrónòa sin,
a̱ndá ti chojni rico la jie̱he tjate̱he.
24Siín chojni chóxini jína, kjánchó xra̱hya tónínkakohen sin ti jeheni,
la siín chojni chóxini jína la a̱ntsí tjinki̱tsa sin ke ijnko kíchóni.
Цяпер абрана:
Proverbios 18: poeNTplus
Пазнака
Падзяліцца
Параўнаць
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2016, Wycliffe Bible Translators, Inc. All rights reserved.
Proverbios 18
18
1Ti chojni jehó tjeyá ti nkehe tjinkaon
la tjinkakonhña ti nkehe jína tsochronka íso chojni.
2Ti chojni lo̱nti̱ la tjinkakonhña tsꞌitja;
jehó tjinkaon sinchenkexín ti intsí nohe.
3Ti nkehe jínahña tjenka̱yáxin chojni mé tji̱ka̱o ti kjuatosuéhe̱
la ko chrókohya ti kjuasàya.
4Ti nkehe nixja ti chojni nohe mé éxi ti sítꞌaxrjexín yeé ìnta̱ xi̱kaha;
ti chojni chónta ti kjuaxrexinkaon jína mé éxi ti ìnta̱ sítinká.
5Jehya jína kixin ijnko juez tsjinki̱tsa ti chojni chónta ijie̱,
ndá tjinki̱tsahya ti nkexro chóntahya ijie̱.
6Ti nkehe nixja ti chojni lo̱nti̱ la tji̱ka̱o kjuanínkaon,
la nchekjajo̱n chojni.
7Ti nkehe nixja ti nkexro lo̱nti̱ mé tsjasótexín,
ti nkehe nixja sin mé tíha tsꞌitjáñaxín sin.
8Ti kjuachꞌia mé éxi ijnko nkehe ixé inie chojni,
kjánchó tíha mé ncheníhi hasta nkaya a̱sén chojni.
9Ti chojni séhe la ko ti chojni nchekꞌitjáña ti nkehe jína
la éxi nkoko̱a kícho sin.
10Ti ihni̱é Itꞌéni Díos la éxi ijnko tja̱tꞌo̱ nte̱to tse̱he̱,
la kaín chojni jína tjejó la tóchjina sin kixin tsaáxin sin.
11Ti chojni rico la tjenka̱yáxin kixin ti nkehe tjete chónta
mé éxi ijnko chjasin ijié tsíka̱ntatjen tja̱tꞌo̱ nte̱to la ko tse̱he̱.
12Ti kjuahnke tji̱ka̱o ti tsꞌenxín chojni;
la ti chojni nchentsí a̱sén la tsꞌáyéhe̱ sin kjuasàya.
13Ijnko kjualo̱nti̱ la ko kjuatosuéhe̱ ti tsjáte̱heni
ti na̱xa̱ kienhñani ti nkehe tsoxranchankí.
14Ti kjuachéhe̱ la tjinki̱tsa kixin kjónté ijnko nkexro níhi, la tsito̱he jína,
a̱ndá ti nkexro chèhya la, ¿xá nkexrín chrókuito̱he jína?
15Ti chojni tienxín la tjinkaon tsꞌitja
la ti chojni chónta kjuaxrexinkaon jína la tihin sin la tso̱nohe sin a̱ntsí.
16Ti sincheki̱to̱nhe̱ni sin ijnko nkehe ndá xi̱kaha tsakítjehe sin ti puerto
la tsꞌatsínkani hasta ti itjen ti nkexro tꞌe̱to̱an.
17Ti nkexro sa̱o chronka nkehe tsíkóhen la éxi ndoá chronka,
kjánchó ti ó itsi ti nkexro nínkaon la ókjé chrónka sin.
18Ti Díos sinchekito̱exín ijnko kjuanínkaon la kaín tsjìin;
la tíha tsꞌóxika̱ye̱he ti chojni tjajo̱n.
19A̱ntsí ixra̱ tsokjan tsonixje̱he̱ni ti kíchóni kjuajo̱nkoni ke chrókꞌuixeheni ti chjasin tsíka̱ntatjen tja̱tꞌo̱.
Ti kjuanínkaon la tóxika̱ye̱he chojni éxi ijnko puerta tsíkꞌónaxín chika.
20Ti nkehe nixja nkojnko chojni
la mé xi̱kaha ti nkehe tsjacha sin, á nkehe jína o̱ tsjasóte sin.
21Ti nkehe nixja sin la chónta kjuachaxin tsjajon kjuachón o̱ tsakítsje ti kjuachón;
la ti chojni chji̱ñé nixja la tsjasótexín sin tíha.
22Ti nkexro kꞌuitja ijnko chojni chjin la kꞌuitja ti kjuaxróxin
kixin Itꞌéni Díos kjua̱ko̱xi̱n kixin imá tjue̱he chꞌan ti jehe sin.
23Ti chojni nóa la chrónòa sin,
a̱ndá ti chojni rico la jie̱he tjate̱he.
24Siín chojni chóxini jína, kjánchó xra̱hya tónínkakohen sin ti jeheni,
la siín chojni chóxini jína la a̱ntsí tjinki̱tsa sin ke ijnko kíchóni.
Цяпер абрана:
:
Пазнака
Падзяліцца
Параўнаць
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2016, Wycliffe Bible Translators, Inc. All rights reserved.