ПРЫПОВЕСЬЦІ 23:1-8

Калі сядзеш есьці з вялікім панам, пільна зважай, што перад табою, і прыстаў нож да горла твайго, калі прагавітая душа твая. Ня квапся на прысмакі ягоныя, бо гэта падманлівы хлеб. Не намагайся мець багацьце, пакінь разважаньні свае. Зьвернеш вочы твае на яго, а яго няма, бо справіць яно крылы сабе і паляціць, як арол, аж у неба. Ня еш хлеб з зайздросным і ня квапся на прысмакі ягоныя, бо якія думкі ў сэрцы ягоным, такі і ён. «Еш і пі», — кажа ён табе, але сэрца ягонае не з табою. Кавалак, які ты зьеў, званітуеш, дарэмныя будуць салодкія словы твае.