Sam 93
93
Iahova vi asuv houlu orer
1Iahova, keik vi asuv houlu orer.
Komusin en keihoen ka hetetamenien.
Keik komum revi out netan,
ka tounah tovuol kilea vakaikai eni.
2Iahova, tounah vasi keil amul en hem.
Ka en avong telamu koa out netan tovuol veah, keik komul tuai.
3Iahova, navong atas mea ka mavul kat veien, verien teni marite.
Navong atas mul mea en mari tahe keil koa amavul kat tounah,
suval koa amul avitehiten usil keihoen onom ral min mari ren.
4Iahova, isom hetetamen imok en out nesa.
Kokeih imok mulin keihoen ten atas,
ka komarite imok mulin marmari tahe keil koa amavul en out ut.
5Mengkatien onom sakras vavuol,
ka Eim Votut koa koro ien vi votut vis vi votut imok lisenges.
Цяпер абрана:
Sam 93: pma
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© Wycliffe Bible Translators, Inc. All rights reserved.