Sam 121
121
Iahova vi out tatosuaien orer
1Nalele vina nesa en vatihou keil ka navit,
“?Kataunien hemai minau heka kave?”
2Nakilea keke kataunien hemai minau heka ven Iahova,
kei koa mumon out nesa ka out netan.
3Kei hermaen etai tounah vakula kami,
mul ring koe kami ka romatiltei.
4Kei koa mul lei kokoe en me-Isrel keil,
rolongtei metalong.
5Iahova vi eikokoe onami.
Kei heto en usite matu onami keke tounah hetovuol vapurun kami.
6En meneai, meteiai sakras van vini kami,
ka en vongien, avati sakras vapurun kami.
7Iahova heting koe moulien onami keke tounah keil tatisa napuruntei kami.
Kei heav koe kami hetal hen keke tounah sakras vamai vakula kami.
8En ualien keil onami, kei helei kat revi kami en usite vasi keil,
kosa ka lisenges.
Цяпер абрана:
Sam 121: pma
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© Wycliffe Bible Translators, Inc. All rights reserved.