Mateos 19:4-5

Te ngaa Yesus bꞌala si, na “Miu se dhu meꞌa mèu agama. Te ngaa tasamia ka miu meꞌa boe isi Sasuri Mola-Mèci Ama Lamatua? Te ètu dꞌara sasuri nèti lii lolo uru tèka, dhu suri peka na, ‘Ama Lamatua pajꞌajꞌi dhèu rai-haha, dhèu mone dènge dhèu bhèni.’ Aa dhu suri kahèi, peka na, ‘Nèti èèna ka, dhèu mone hudꞌi tèke eele ina-ama na, sèna ka laꞌe mamuri dꞌara èci dènge dhèu èmu-kamali na, te dua ra dhu jꞌajꞌi le èci.’