Папулярныя біблейскія вершы з Myeelwe 14

Падзяліцца

Pele mutapapili Jehova, alimwi mutayoowi bantu banyika eyo, nkaambo nzilyo zyesu, Citabilizyo cabo cazwa; Jehova uli aswebo; mutabayoowi.

Jehova tafwambi kukalala, ulizwide luzyalo, ulalekelela milandu ansotoko, nekubaboobo talulamiki bataluleme, ulauma bana abazukulu nkaambo kazibi zyabamawisi, mane kusikila kuzyalani lyatatu alyane.

Na Jehova twamubotela, ulatunjizya munyika eyo akwiipa ndiswe, nyika iikunka malili abuci.

Pele mulanda wangu Kalebe, mbuli mbwajisi moyo wakwe alike, alimwi wanditobela camoyo woonse, njoomusisya kunyika eyo nkwaakabona, nkabela lunyungu lwakwe luyooivuba.

Kobaambila kuti, Mbundi muumi, mbwaamba Jehova, ndamucitila cintu eco nciconya ncimwaamba mumatwi aangu.

Lino Jehova wakaambila Musa kuti, Ino bantu aba balaleka lili kundisampaula? Balaleka lili kukaka kundisyoma, nekuba kuti zitondezyo nzinji nzindakacita akati kabo?

Bantu boonse ba-Israyeli bakali kutongaukila Musa a-Aroni. Imbungano yoonse yakabaambila kuti, Nicakabota nitwakafwa munyika ya-Egepita nanka kufwa munkanda.

Alakwe Joshua mwana wa-Nuni a-Kalebe mwana wa-Jefune, bamwi basikutwela nyika, bakadelaula zyakusama zyabo, baambila bantu boonse bambungano yaba-Israyeli, bati, Nyika eyo njitwakaakutwela ninyika imbotu loko.

Nekubaboobo, ncobeni mbundi muumi, anyika yoonse mbiiyoozula bulemu bwa-Jehova, aba bantu boonse babwene bulemu bwangu azitondezyo zyangu nzindakacita munyika ya-Egepita amunkanda, nekubaboobo bandisunka ziindi ezi zili ikumi akutaswiilila ijwi lyangu, tabakooyoobona nyika eyo njindakasyomezya bamawisi. Akati kabaabo basampaula takukooyooba naba omwe uuyooibona.