Lino nindakalanga, ndakabona muuwo uungisya uuzwa kulubazu lwakunyika, ajoba ipati, amulilo uuvutuka-vutuka lyoonse, akubalangala kuzyungulukide, alimwi mukati kamulilo mwakaboneka mbuli mundalila uusalalisya uupya munsaka. Alimwi mukati kawo mwakazwa mbuli banyama bone. Mbuboobu mbubakabede: bakali mbuli muntu, pele umwi aumwi kajisi masyu one, alimwi umwi aumwi kajisi mababa one. Maulu aabo akaliluleme, azituta zyabo zyakali mbuli zituta zyabanamani. Nkabela bakali kubekabeka mbubonya mbuli mundalila uusyobwedwe. Kabajisi maanza aabuntu kunsi amababa aabo kumabazu aabo one. Mbuboobu mbwaakabede masyu aabo amababa aabo boonse bone: mababa aabo akaliswaneene limwi alimwi abbabanyina. Amukweenda kwabo teebakali kuleyauka pe, boonse kabalulama buyo.
