Папулярныя біблейскія вершы з Matju 10

Падзяліцца

Jisas je haun maaden, “Feiga, ija age suladigina odi sipsip age qa cus gemo leginawe suladigina. Eunu age man sononec doc silecca odi cisdudu coboginawe coboigale. Euqa age cuhudid qauecca qee odi coboigale,” aden.

Oso uqa uqana cebac bilec hewigia odona eu uqa uqana cebac bilec felacudigian. Oso uqa ijana bilina eunu uqana cebac bilec felacudecebfi eu uqana cebac bilec ugian,” aden.

Dana age dewenega cal mecnu qoc fegina qa dolonoga cal mecnu qoc eu qee fegina eundecnu cain cucuiuwain. Qeeo. Age Anutnu dih cucuiuqagan. Uqa dewenega dolonogaca eu oloqanih jana fadaligiannu ihoc nijina,” aden.

Oso uqana na babalec gahidu ija tooti cobocnu culinafi eu uqa ijana bilecnu ihocca qee.

Jisas je haun maaden, “Eunu oso uqa dana amagana tatawi ijanu madi madena, ‘Ija Jisas uqana malogom,’ ena eu uqanu ijaha Mei sao jobon bilia amegna madigen, ‘Eu ijana,’ igen. Osoqa uqa dana amagana tatawi ijanu qee sasac qu madena, ‘Ija Jisas uqana malogom qee,’ ena eu uqanu ijaha Mei sao jobon bilina amegna madigen, ‘Dana i ijana qee,’ igen!” aden.

Hag nijegina eu me madeiga. Cal mein eundec tuliadeiga. Lepra hewadec eu eeladeiga. Buga me qee dana deweneganadec ititacadeiga. Age eu odocnu gagadic odoc i qee fajelein, age gauc loo adem. Eunu ageha gauc loo adeigale,” aden.

Eunu cain cucuiuwain. Agena fajec eu man fululec nag mati agena fajec wooldoc nijia,” aden.

Jisas je haun maaden, “Age wawagana cain madowain, Jisas uqa mahana malol bilec igecnu hon owain. Ija malol bilec mahana ahu mecnu qee holom. Ija han cadec ehi nem.