Папулярныя біблейскія вершы з Marikuq 6

Падзяліцца

Hau htâng, byù myo myo gi, yhángmòq chyáng htoq htoq wàng wàng kut nyî kô é yánmai, yhángmòq gi, zang zo ahkyíng lháng a wó kó nghut ri. Haû mù, Yesuq gi, chángzô pé lé, “Ngá-nhúng, tsím tsâm é jowò ralhum má ê mù, ê nô yù sháng.” ga taî ri.

Yesuq, yhángmòq lé taî é gi, “Myìqhtoi rayùq gi, yhûmsing é yhum mau, yhâng é buìnùm ji-myi wuì eq yhûmsing é yhûm má za, myòqdong a lhaq wó wú é nghut lhê.” gâ ri.

Yesuq gi, lhaî mai gyó dàp ló é hkûn, byù mòqmó nyi to láng é lé myàng jáng, yhángmòq gi, zúng sû a nyi é sau pé su dùt kô é yánmai, yhángmòq lé wú shogyo luî, myo myo mhoqshit byî hi ló bê nghut ri.

Yhang gi, nò byù ra-am lé lòq ke byi mù, lhoqgê byî é mai lai luî, gótû làklaí alhô agàn haî le, haú má a wó kut shit nghut ri. Haû mù, Yesuq gi, yhángmòq lùmjíng myìt a bò kô é hkyô lé, maú nyi ri. Hau htâng, Yhang gi, Nazaret wà mai htoq ló mù, rawà htâng rawà má châng mhoqshit wún ri.

Yesuq gi, haû mùk ngo long eq ngozo í du lé yù mù, mauhkûng shut tu wú to luî, jeju ban hkya-on jáng, mùk lé hpê gam ri. Hau htâng, Yhang gi, byu pê hí má châng hkat to byi râ matú, Yhâng é chángzô pé lé byî ri. Ngozo í du lé le, Yhang yù mù, bànshoq bang lé gàm byî ri. Yhángmòq bànshoq bang gi, zô gyî bùm bekô nghut ri. Hau htâng, haû chángzô pé gi, zô myhit tô é mùk eq ngozo lé, raxe í mung byíng shoq wó gùq tsîng yu ashî kó nghut ri.