Папулярныя біблейскія вершы з Lukaq 3

Падзяліцца

Yohan lé htóng má a lhûng kat shi-má, byù myo myo gi, wuìmyhup hkâm yu nyì kô é hkûn, Yesuq le Yohan chyáng wuìmyhup hkâm yù mù, kyûdûng nyi le, mauhkûng bóng lô mù, haû Chyoiyúng Sô gi, hpûngkyui gùnghkyâng sû é dông mai Yhâng ahtoq má lé gyó nô ri. Haú hkûn, “Nàng gi, Ngò chyitdàp é Ngá zo nghut lhê; Náng é ahtoq má Ngò gabú myìt ngón nyi lhê.” ga mauhkûng mai danghtê htoq lo ri.

Haú hkûn, bànshoq bang lé Yohan taî é gi, “Ngò gi, núngmòq lé, wui èq za wuìmyhup hkám byî lhê; nghut kôlhang, ngá htoq má wum-o a-tsam je bo é sû rayùq jé lé lô râ nghut lhê. Ngò gi, yhâng é hkyî-tsung tui lé hpyî râ lháng a gíngdán; Yhang gi, Chyoiyúng Sô má le, myi má le, núngmòq lé wuìmyhup hkám byi râ nghut lhê.

Myìt lhîng hkyô eq gíngdán é ashi zui keq. ‘Ngá-mòq gi, Abraham é yhang zo yhang shû pé nghut lhê.’ nghû luî, yhûmsing é i‑myìt ûnghkaû má hkâtaí kó. Hkâsu mù gâ le, ngò, núngmòq lé taî kyo kôlé, Garai Gasang gi, lùqgòk shí pé mai, Abraham é matú yhang zô pé wó hpan htoq kat lhê.

Ahkuî lháng, Garai Gasang gi, Yhâng é wazung lé haû sikgâm wang pé má tô to bê nghut ri; haû mù, ge é ashi a zuî é agàm hkangmó lé gi, htuq lhêng pyám mù, myi má dú kat pyám râ nghut lhê.” gâ ri.

Haû gi, myìqhtoi Esai-a laiká má, “Haû yòso má, byù rayùq garû taî é htê gi, ‘Haû Yhûmsing é matú, hkyô hen to keq, Yhâng é matú hkyô lhoqnyhang to keq; wuìhkung langhkop hkangmó lé lhoqpyíng ra râ nghut lhê; bùm eq wingkáng hkangmó lé hpyit pyám ra râ nghut lhê; agoí agùq é hkyô hkat hkangmó lé lhoqnyhâng ra râ nghut lhê; ahkung ahkop dùt é hkyô hkat hkangmó lé lhoqrhá ra râ nghut lhê. Haú hkûn, byù bànshoq gi, Garai Gasâng é hkyi yù hkyô lé myàng râ nghut lhê.’ gâ ri.” ga luî, kâ tô é eq rajung za nghut ri.