Папулярныя біблейскія вершы з Yo-ela 2

Падзяліцца

Haû Yhûmsîng Garai taî pyo é gi, “Ahkuî nghut kôlhang, zoshuq túm mù, ngaùbyi ngaùnhap kut luî, yón kuq ngaû mù, i-myìt nhiklhum bànshoq èq Ngá chyáng lhing taû lò keq.” gâ ri.

Hau htâng má, Ngò gi, Ngá é Sô lé byù lhúnglhâng bâng é ahtoq má hut gyun râ nghut lhê. Haû mù, núngmòq é yùqzo byìzô pé gi, myìqhtoi htoi kôrâ; núngmòq é hpaû mâng pé gi, yhupmòq myàng kôrâ; núngmòq é zorâm wuì gi, myòqwùp shing-rán pé myàng kôrâ nghut lhê.

Núngmòq é mèbu lé a nghut é za, núngmòq é i-myìt nhiklhum lé lâng cheq keq. Núngmòq é Garai Gasang nghut é, haû Yhûmsîng Garaî chyáng lhing taû lò keq; hkâsu mù gâ le, Yhang gi, jeju byî é eq shogyo myìt bo é, luì za nhikjum a yô é eq chyitdàp myìt byíng é Sû nghut mù, byò dàn byò sho hkyô jé nhang é mai myìt lhîng bê nghut ri.

Haú hkûn, Yhûmsîng Garaî é myìng lé lâng é bang yùq hkangmó gi, hkyi yu é hui kôrâ nghut lhê. Hkâsu mù gâ le, haû Yhûmsîng Garai taî tô é eq rajung za, Zi-un Bùm eq Yerusalem wà mó má, hkyi xe yù hkyô jòq râ nghut lhê; haû Yhûmsîng Garai ji yù mù, nyi myìt gyó tô é bâng chyáng lháng jòq râ nghut lhê.

Haû Yhûmsîng Garaî é kô hkìkhkam é eq gyùq chiq hpo buìnyì a jé shi-má, buì gi, mauchut byùq, lha-mó gi, sui dùt byùq é hí dùt râ nghut lhê.