1
Baroma 12:2
Bibele ye Kenile (Catholic Edition)
Lozi09
Mu si ke mwa ikenya hahulu ku za lifasi le, kono mu tuhele Mulimu a mi fetule mwahali, a fetule minahano ya mina. Kihona mu ta kona ku utwisisa s'a lata Mulimu, se ili se sinde, se si mu tabisa, ni se si kondile.
Параўнаць
Даследуйце Baroma 12:2
2
Baroma 12:1
Cwale banabahesu, Mulimu h'a lu bonisize sishemo sa hae ka nzila ye cwalo, na mi lapela kuli mu mu fe bupilo bwa mina inge sitabelo, ili sitabelo se si kenile, mi se si ka mu tabisa. Ki ona mukwa wa niti wa ku sebeleza Mulimu.
Даследуйце Baroma 12:1
3
Baroma 12:12
Mu be ni tabo kabakala sepo ya mina. Mu tiye lipilu mwa manyando, mi mu lapele ka mutundamenyi.
Даследуйце Baroma 12:12
4
Baroma 12:21
U si ke wa komwa ki bumaswe, kono u kome bumaswe ka bunde.
Даследуйце Baroma 12:21
5
Baroma 12:10
Mu latane sina mo ba latanela batu ni bahabobona, mu nze mu kutekana ka musa.
Даследуйце Baroma 12:10
6
Baroma 12:9
Lilato li swanezi ku ba la niti luli. Mu toye se si maswe, mi mu kumalele ku se sinde.
Даследуйце Baroma 12:9
7
Baroma 12:18
Mu like mo mu konela kaufela ku pila ka kozo ni batu kamukana.
Даследуйце Baroma 12:18
8
Baroma 12:19
Mu si ke mwa kutisa bumaswe, balikani ba ka, kono mu tuhele buhali bwa Mulimu bu lukise litaba. Kakuli ku ñozwi kuli, “Ki na ya ta kutiseza. Ki na ya ta likanyisa, ku bulela Mulena.”
Даследуйце Baroma 12:19
9
Baroma 12:11
Mu sebeze ka tata, mi mu si ke mwa ba buzwa. Mu sebeleze Mulena ka pilu ye na ni mafulofulo.
Даследуйце Baroma 12:11
10
Baroma 12:3
Kabakala mpo ya sishemo y'a ni file Mulimu, ni mi bulelela cwana kaufel'a mina. Mu si ke mwa ikupula kuli mu ba batuna hahulu ku fita mo mu inezi. Mu be ni mihupulo ye bonisa ku ishuwa kwa mina, mi yo muñwi ni yo muñwi wa mina a ikatule ka tikanyo ya tumelo y'a mu file Mulimu.
Даследуйце Baroma 12:3
11
Baroma 12:17
Haiba mutu a mi eza maswe, mu si ke mwa mu eza maswe ni mina. Mu eze kamita zeo mu ikutwa kuli ki ze nde kwa batu kamukana.
Даследуйце Baroma 12:17
12
Baroma 12:16
Mu be ni moya u li muñwi kwa batu kaufela. Mu si ke mwa ikuhumusa, kono mu eze ka buikokobezo ze nyinyani ze mu kupiwa ku eza. Mu si ke mwa ipona butali.
Даследуйце Baroma 12:16
13
Baroma 12:20
Mi hape ku ñozwi kuli, “Haiba ya ku toile a shwile tala, u mu fe lico. Haiba a nyolilwe, u mu fe mezi. Ka ku eza cwalo, u ka mu zieza ni ku mu swabisa.”
Даследуйце Baroma 12:20
14
Baroma 12:14-15
Mu kupe Mulimu ku tohonolafaza ba ba mi nyandisa. Mu mu kupe ku ba fuyaula, isiñi ku ba kuta! Mu tabe ni ba ba tabile, mi mu lile ni ba ba lila.
Даследуйце Baroma 12:14-15
15
Baroma 12:13
Mu ikabele ze mu na ni zona ni banabahabo mina ba balumeli ha ba li tokwile, mi mu amuhele hande baenyi.
Даследуйце Baroma 12:13
16
Baroma 12:4-5
Lu na ni lilama ze ñata fa mubili u li muñwi, mi lilama zeo kaufela li eza misebezi ye fapahana. Kamukwaoswana, niha lu li ba bañata cwalo ni luna, lu mubili u li muñwi ku Kreste, mi lu ngungahanyizwe yo muñwi ku yo muñwi sina lilama ze fapahani za mubili u li muñwi.
Даследуйце Baroma 12:4-5