Папулярныя біблейскія вершы з Mareka 13

Падзяліцца

Mu ka toiwa ki batu kaufela kabakala libizo la ka, kono ya ka tundamena ku isa kwa mafelelezo, u ta piliswa.

Mu libelele. Mu tone, kakuli ha mu zibi nako, kuli i ta ba lili.

Cwale, ha ba ta mi swala ku mi isa kwa kuta, mu si ke mwa ikalelwa ni ku bilaela kuli mu ka y'o bulela cwañi. Mu bulele feela se mu ka fiwa ku bulela ka yona nako yeo, kakuli ha si mina mu ka bulela, kono ki Moya o Kenile.

Lihalimu ni lifasi li ta fela. Manzwi a ka, ona, h'a na ku fela.”

“Kono, haili ka za lizazi leo ni nako ya teñi, ha ku na ya li ziba, nihaiba mangeloi kwa lihalimu, nihaiba Mwana, konji Ndate feela a nosi, ki yena ya li ziba.

Ha mu ka utwa za lindwa ni mabulatwi a zona, mu si ke mwa ikalelwa. Ki swanelo kuli zeo li bonahale, kono ha si kuli i s'e li mafelelzo a lifasi, batili!

Mu libelele, kakuli ha mu zibi nako y'a ka fita muñ'a ndu, kana ki manzibwana, kamba malungasiku, kamba ha ku patalala, kamba ha li se li pazuzi. A ka swana a taha ka sipundumukela, mi a mi fumana, mu lobezi. Se ni mi bulelela, ni si bulelela batu kamukana, ni li, ‘Mu libelele!’ ”

Licaba ni mibuso li ta lwanisana. Lizikinyeho li ta ba teñi kafa ni kafa. Tala ni yona i ta ba teñi. Mi zeo i ta ba makalelo feela a manyando.

Litaba ze Nde li na ni ku hasanyiwa pili mwa macaba kaufela.

Batu ba bañata ba ka taha ka libizo la ka, ba nze ba li, ‘Ki na Kreste ya n'a libelezwi!’ Mi ba ta puma ba bañata.

‘Haili mina, mu itukise kakuli batu ba ta mi isa kwa likuta. Mu ta shapiwa mwa masinagoge. Mu ta yemiswa fapil'a babusi ni malena kabakala ka, kuli mu fe bupaki ku bona.

Ba ba ipiza bo Kreste ni bapolofita, ka buhata, ba ta ba teñi. Ba ta eza limakazo ni ze komokisa ku puma nihaiba ba ba ketilwe ki Mulimu, ha ku konahala.

“Ka nako yeo, manyando ha s'a felile, lizazi li ta unsufala ni kweli ha i na ku benya! Linaleli li ta wa kwahalimu, mi ze maata za kwahalimu li ta zikinyeha.