Папулярныя біблейскія вершы з Mateu 26

Падзяліцца

Mu tone, mi mu lapele kuli mu si ke mwa kena mwa muliko. Pilu ya mutu i lata ku eza hande, kono mubili wa hae wa fokola.”

A li ku bona, “Maswabi a mwa pilu ya ka ki a matuna, mane inge ni ka shwa. Mu siyale fa, mu tone ni na.”

Ha s'a ba siile hanyinyani, a ikwiseza fafasi ka pata, mi a lapela, a li, “Ndate, ha ne i ka ba kuli kwa konahala, kambe n'o ka zwisa sinwiso se sa manyando ku na. Kono ku eziwe m'o latela, isiñi mo ni latela na.”

Se ki mali a ka, a tiisa bulikani bwa Mulimu, mi a sululezwi batu kaufela, kabakala swalelo ya libi.

Ha ne ba nze ba ca, Jesu a nga buhobe, mi a sin'o itumela ku Mulimu, a bu komauna, mi a bu fa balutiwa ba hae, a li, “A mu nge, mu ce, se ki mubili wa ka.”

Cwale a nga sinwiso, mi a sin'o itumela ku Mulimu, a ba fa sona, a li, “Mu nge, mu hupisane kaufel'a mina.

Kih'a kutela kwa balutiwa bao ba balalu, mi a ba fumana ba lobezi. A li ku Pitrosi, “Kikabakalañi ha mu palelwa ku tona ni na, nihaili hola i liñwi feela?

Na mi bulelela, ni li, ‘Ha ni sa na ku nwa waine yeo hape ku fitela lizazi le ni ta nwa waine ye nca ni mina mwa Mubuso wa Ndate.’ ”

Pitrosi a hupula s'a n'a mu bulelezi Jesu, ha n'a ize, “Mukombwe u si ka lila kale, u ta be s'o ni latuzi halalu!” Kih'a zwela kwande, mi a lila ni ku itiulula.

A mu yeme, lu zamayeñi! A mu bone, ya ni beteka ki yo. U fitile!”

Jesu kih'a li ku yena, “Kutiseza sabule ya hao mwa sipusu sa yona, kakuli ba ba swala sabule kaufela ba ta bulaiwa ka sabule.