Папулярныя біблейскія вершы з LOS HECHOS 14

Падзяліцца

―Ngu' cusu' cu'ma̱ ―nacui̱ Pablo lo'o Bernabé ji'i̱ ngu' quichi̱―. ¿Ni cha' laca ndyu'ni ma̱ jua'a̱? ―nacui̱ ngu'―. Laca ya ñati̱ chalyuu ti, ñi'ya̱ nu laca cu'ma̱; si'i ndyosi laca ya. Cua ndyalaa ya ca nde cha' ta ya cha' lo'o ma̱, cha' ji'i̱ ycui' Ndyosi nu lu'ú ca. Ná tso'o cua'ni tlyu ma̱ ji'i̱ xa' la jo'ó, sca ti ji'i̱ ycui' Ndyosi nu lu'ú nga'a̱ cha' tyu'u tyiquee ma̱ ji'i̱; bi' laca nu ngüiñá lcaa na nu ntsu'u lo yuu, lo'o lcaa na nu ntsu'u nde cua̱, lo'o lcaa tyujo'o, lo'o lcaa na nu ntsu'u ca bi'.

Tso'o tsa ndyuna nu quicha bi' laja lo'o nclyu'u Pablo ji'i̱ ngu'; li' na'a̱ yu ji'i̱ nu quicha bi', ngua cuayá' ti' yu cha' jlya ti' nu quicha cha' taca ji'i̱ ycui' Ndyosi cua'ni cha' tyaca tso'o. Li' nchcui' Pablo lo'o nu quicha bi': ―Tyatu̱ liñi nu'u̱ juani ―nacui̱ Pablo ji'i̱. Hora ti ndatu̱ nu quicha bi', ngua ji'i̱ ndya'a̱ li'.

Lo'o jua'a̱ ngusubi Pablo lo'o Bernabé ji'i̱ ñati̱ cha' caca ngu' loo ji'i̱ scaa taju ñati̱ ji'i̱ Jesucristo nu ndi'i̱ scaa quichi̱ tyi ngu'; ngua'ni Pablo lo'o Bernabé cña bi' lcaa quichi̱ su ndyaa ngu'. Tyu̱u̱ hora ná ndyacu ngu' tyaja tsa̱ nu lo'o nchcui' ngu' lo'o ycui' Ndyosi cha' subi ngu' ji'i̱ ñati̱ nu caca loo ji'i̱ taju tya'a ngu'. Ndijña ngu' ji'i̱ ycui' nu Xu'na na cha' cua'a Ni ji'i̱ ngu' bi', cha' ná caca cuxi ji'i̱ ngu', cha' tso'o tsa ngusñi lcaa ñati̱ bi' cha' ji'i̱ ycui' Ni.