Папулярныя біблейскія вершы з Zenezi 26

Падзяліцца

Ãme te za tô a'â 're aihâimana mo. Tawamhã wa hã wa za asiré 're ĩhâimana. Wa za duré iwẽ hã te aima 're apisutu u'âsi. Asihudu norĩ ma, wa za ã hã uburé ti'a hã te tãma 're anhomri. Ãhã wamhã, wa za ãma tãma uwaimra, aimama Abra'ãhã ma, ĩnhimiropisudu te tãma i'manharĩzé hã.

Wa hã wa za pisutu, asihudu norĩ ahâ na 're hâimana za'ra mono da hã, wasi hâiwa na 're isimasa mono ne. Wa za duré uburé ã hã ti'a te tãma 're anhomri. Asihudu norĩ u'âbâmhã, wa za a'uwẽ mono bâ iwẽ hã te tãma 're pisutu za'ra, ro pâ. E marĩ wa. Abra'ã hã ma tô ĩmreme duré ĩnhimiroti te te 're wapari pese. Ma tô te tãma 're iwaihu'u mono zé hã te te ĩma ãma 're uwaimrami.

Tawamhã Izaqui ta hawi oto watobro wamhã, ma tô duré â zô ab're hã 'manha. Tawamhã ãma idasisada'âbâzé tame hâimana õ wa, ma tô sisi, “Rob're Za'ẽtẽ” na. Tahawa te duré tinha ãne: — Uburé Danhib'apito, ã hã ro isa'ẽne iwa 're iwahâimana za'ra mono zéb da, ma tô oto wama sõmri za'ra. Tahawa wasima iwẽ na wa za oto ãmemhã 're wasi'ubumro.

Tawamhã tame Uburé Danhib'apito ma tô Izaquihi ma, sihâi'ré. Tahawa, te ãne tãma tinha: — Ezitu u hã aimorĩ õ di za. Ti'a te aima ipisutuzéb ãmap si te za 're asãmra mo.

Tawamhã Izaqui, tame ẽtẽ za'ra te te 'manharĩ wamhã, ma tô Uburé Danhib'apito ãma tiwata. Duré tô taha ti'ai 're romhâ 'manharĩ na te te sima 'ri nhoré mono wamhã, ma tô duré tame tãma romhuri'wa norĩ hã â zô ab're hã siwi ab're.