Папулярныя біблейскія вершы з Zenezi 17

Падзяліцца

Tawamhã Abrãhã ãma 99 na iwahub ãma, ma tô Uburé Danhib'apito tãma sihâi'ré. Tahawa, ma tô ãne tãma tinha: — Wa hã 'Re ihâimana u'âsi mono, ĩwaihu'u pese uptabi. Aipẽ'ẽ na te za ĩ'ãmap si 're aimo. Te za duré ĩmreme 're iwapari pese mo.

Tahawa ã hawimhã za oto asisi hã Abra'ã na. Asisi õ di za oto, Abrã na hã. E marĩ wa. A'uwẽ wamri mono bâ da'ahâ uptabi hi'rata na 're aihâimana mono da, za te aima 'manharĩ wa.

Ĩnhimiropisutuzé õne u'â aima 're hâimana mono da, duré asihudu norĩ ma zama õne u'â tãma 're hâimana za'ra mono da zama wa aima 'manha ãne: Õne u'â, ate 'Re ihâimana u'âsi mono na, duré asihudu norĩ te 'Re ihâimana u'âsi mono na, wa za tãma 're ĩhâimana za'ra.

— Ĩnhimiropisutuzé wa aima 'manha, ãne: A'uwẽ wamri mono bâ da'ahâ uptabi hi'rata na 're aihâimana mono da, wa aima ropisutu, ãhã na hã.

Tane nherẽ, 'Re ihâimana u'âsi mono, ma te ãne asa ãma tãma wa'rã: — Te inharĩzéb zarina te za tô aimro Sara aima ti'ra. Tawamhã a hã te za isisi, Izaqui na. Tawamhã taha ma, wa za ĩnhimiropisutu zahi isi'utõrĩ'õ õne u'â te tãma 're 'manharĩ, isihudu norĩ ma ropibu ma.

Ti'a wa za aima tisõ. Asihudu norĩ ma zama wa za tisõ, dasiré a'uwẽ'õ na iwa 're i'aihâimana mono zé hã. Uburé Cana'ã ãma ti'a te za õne u'â asihudu norĩ ma, ite na tãma 're hâimana za'ra. Tawamhã wa za duré ite za'ra na 'Re ihâimana u'âsi mono na tãma 're ĩhâimana za'ra.

Tawamhã Abra'ã, hi'rãtitõ ma tô nhamra. Ti'ubu na ti'ai u hã ma tô ropto. Tahawa, te te tãma iwaihu'uzém na ma tô aihâ. Tahawa te ãne 'râwi sima tinha: “E aibâ 100 na ãma iwahu hã sidamama waihu'u pese di. E niha te za merẽ Sara ãma 90 na iwahum nherẽ ti'ra.”

Taha pari 'Re ihâimana u'âsi mono, te Abra'ãhã ma, duré tãma tinha ãne: — Ã hawimhã za oto aimro nhisi, Sara'i na i'mahârâzé ihâimana da hã mare di za, Sara na za oto isisi hã.

Danhihâiwata nhihârizé hã, wanhimiropisutuzé wa te wasima i'manharĩzé aime, te wasu'u.

Tane nherẽ, wa za ai'ra Izaquihi ma, ĩnhimiropisutu zahi hã tãma 'manha, tô ãhã a'amo wahup tém na Saraha zé're ipoto ma.

Tahawa ã hawim haré te za oto uburé 'watébrémi na ai'uté 're ipoto za'ra mono ãma 8 na bâdâ ipotozém na ãma 're isi'utõrĩ za'ra mono ãma 're i'anhihâiwata nhihâri mo. Asõrõwa 're, 're ipoto za'ra mono pawa'âbâ ãna aima romhuri'wa norĩ, asiré a'uwẽ'õ norĩ wi i'uipra za'ra norĩ zama te za 're i'anhihâiwata nhihâri mo. Uburé te za 're i'anhihâiwata nhihâri mo, taré hã 'maihâimana ãna. Aihâiba na za'ra wa'aba ihâiba hã te za aima ĩnhimiropisutu za'ra wa'aba zé waihu'uzéb da hã õne u'â 're hâimana.