Папулярныя біблейскія вершы з 2 Corinto 4

Падзяліцца

Hã ve sór inh nĩ, hã mĩ sóg ẽkrég tĩ. Hã kỹ sóg ẽg tỹ nén ũ vég mũ tag to jykrén sór tũ nĩgtĩ. Tũ' he jé tóg ke mũ. Ẽg tỹ ũri nén ũ vég tũ ẽn hã vỹ tũ' henh ke tũ nĩ.

Hã kỹ sóg to krónh ke jãvãnh nĩ. Ha vé, inh fár tag tóg krój nĩ. Komẽr hã tóg ter sór mũ, ti vag jé. Hã ra inh kuprĩg tóg tar nĩ jãvo. Kurã kar ki sóg vẽnh han mãn tĩ, Topẽ tỹ isar han kỹ. Tag ki sóg ti jagy vég tĩ, hã ra tóg inh mỹ kãnhvy nĩ. Tũ' he jé tóg ke mũ. Tá ẽg tóg nén ũ há tãvĩ venh ke mũ, ẽg tỹ tag ki ti jagy ve ja tugrĩn. Ki kagtĩg ẽg nĩ ver, hã ra tóg há tãvĩ nĩnh mũ.

Inh krój nĩ ra Topẽ tóg isar han tĩ. Nén kar tóg inh kutãn tĩ, hã ra inh pijé to krĩ kufy han tĩ'. Kejẽn tóg inh jykre tũ tĩgtĩ, kỹ tóg isỹ: hỹ mỹ vỹ? he ja há tĩgtĩ. Hã ra inh pijé to krónh ke tĩ'. Inh vóg kónãn ag tóg tĩ, hã ra Topẽ pijé isovãnh tĩ'. Inh rỹnh ag tóg tĩ, hã ra ag pijé isén tĩ'.

Ẽg tỹ tỹ ẽprã ke nỹtĩ hã ra tóg ẽg kanhrãn sór tĩ. Kỹ tóg ẽg tỹ go'or tỹ kukrũ kã ki jãnkamy e vin ẽn ri ke nĩ. Ẽg hã vỹ tỹ go'or tỹ kukrũ ẽn ri ke nỹtĩ. Krój ẽg nỹtĩ, inh ke gé. Ẽg pijé tar nỹtĩ'. Ũ tỹ ẽg tar han mũ vỹ tỹ Topẽ ti nĩ.

Kyvó ag nỹtĩ. Krĩ tũ ag nỹtĩ. Jesus ki ge sór tũ ag nỹtĩ, Satanás tỹ ag kyvó han ti kỹ. Ẽprã pã'i ag kri ke vỹ tỹ ti nĩ, Satanás ti. Ti tỹ ag kyvó han kỹ ag tóg Cristo kãme tag to jykrén tũ nĩgtĩ. Ti jẽngrẽ vég tũ ag tóg nĩgtĩ, ti sĩnvĩ ti. Cristo hã vỹ tỹ Topẽ kãnhvég ri ke nĩ, ti ve ri ke.

Ha vé, ũ tỹ kutyg mũ ra kurãg han mũ ẽn tóg ẽg ki kurã han mũ gé sir, hã vỹ: Topẽ he mũ. Ẽg tỹ Cristo ve kỹ ẽg tóg Topẽ ki kanhrãn tĩ. Topẽ ve hã pẽ ti nĩ. Ẽg ki kurã to ken hã vẽ, hã vỹ: Topẽ ki kanhró, he mũ.