Папулярныя біблейскія вершы з 2 Corinto 1

Падзяліцца

Topẽ mỹ sóg vĩ há han tĩ, ẽg Senhor tỹ Jesus Cristo panh mỹ, ẽg jóg mỹ, ũ tỹ ẽg jagãgtãn tĩ ẽn mỹ. Ẽg vẽsỹrénh kỹ tóg ẽg krĩ tỹ kãnhvy' he tĩ. Ti hã mỹ sóg vĩ há han tĩ. Ti hã ne inh vẽsỹrénh mũ ra inh krĩ tỹ kãnhvy' he tĩ', inh jagtar tĩn kỹ. Hã kỹ sóg inh kanhkã ag krĩ tỹ kãnhvy' he tĩ gé, ag kã ũ tỹ nén ũ jagy vég mũ ra.

Cristo jagtar ja ẽn ri ke pẽ ve mág sóg, hã kỹ Cristo tóg inh krĩ kufy tỹ hẽn ri ke tỹ tũ' he tĩ gé sir.

“Ag tỹ isén ke hỹn,” he sóg mũ vẽ. Ẽn kã sóg Topẽ hã mĩ ẽkrég mũ sir. “Ti hã ne inh kren han ki kanhró nĩ',” he ja inh nĩ. “Ũn kãgter mũ ag rĩnrĩn mãn ki kanhró tóg nĩ, kỹ tóg inh kren han ki kanhró nĩ gé,” he ja inh nĩ.

Topẽ hã ne Cristo tugrĩn isar han, ãjag mré hã. Ẽg kuprẽg tóg. Kỹ tóg ẽg nĩgjẽg kỹ ẽg vin gé. Ti kuprĩg jẽnẽg tóg mũ ẽg mỹ. Ti tỹ ẽg nĩgjẽg hã vẽ. Ti kuprĩg tugrĩn ẽg tóg ki kanhró nỹtĩ, ti tỹ ẽg mỹ nén ũ há kar vin ke mũ ẽn ti.

Ãjag jagfy sóg jagtar tĩ, ãjag tỹ ti hã to tar nỹtĩn jé, ãjag krenkren jé. Topẽ tỹ isar han kỹ tóg inh kóm ãjag tar han ke mũ gé sir. Kỹ ãjag tóg inh kóm ti to krónh kenh ke tũ nĩ gé sir.