Папулярныя біблейскія вершы з Jemes 3

Падзяліцца

Nao man wea hemi garem disfala waes tingting wea hemi kam from God, hemi no save duim eni ravis samting. Hemi no fevarem samfala pipol nomoa, an hemi no trae fo laea long wei blong hem, an hemi no wande raoa. Bat hemi kuaet long wei blong hem, an hemi fren gudfala long evriwan, an hemi barava sore long pipol, an hemi duim evri gudfala samting fo evriwan.

Sapos eniwan long yufala hemi tingse hemi garem gudfala tingting an hemi waes, hemi mas somaot diswan. Laef blong hem mas gudfala, an hemi mas duim evrisamting long hambol wei bikos hemi waes.

An olketa hu i stretem raoa long wei blong piis, olketa nao i stretfala pipol.

Taem tingting blong pipol i fulap long enikaen wei fo joles an selfis, bae evrisamting hemi olobaot an enikaen ravis samting nao save hapen.

Man save yusim maos fo preisim Masta an Dadi blong yumi, an hemi save yusim tu fo tokspoelem nara man, nomata God bin mekem yumi evriwan olsem hem seleva. ?Hao nao gudfala toktok an ravis toktok i save kamaot long wanfala maos nomoa? !Olketa Kristin fren, diskaen samting hemi nating fitim yumi fo duim ya!

Maos blong man hemi olsem faea tu, bikos hemi save talem enikaen ravis samting nomoa. Nomata hemi wanfala smolfala pat nomoa long bodi, bat hemi save spoelem ful bodi blong yumi fo nogud. An hemi save barava spoelem tu laef blong yumi, wetem samting wea hemi barava kam from hel.

Bat maos nao no eniwan save kontrolem hem, bikos hemi wanfala ravis samting wea no eniwan garem paoa ovarem. Maos hemi olsem poesen tu fo kilim man dae.

Olketa Kristin fren, plande long yufala mas no trae fo kamap tisa insaet long sios, bikos yufala save dat God bae hemi jajem yumi olketa tisa winim evri nara pipol.