Папулярныя біблейскія вершы з Jemes 1

Падзяліцца

Olketa Kristin fren, taem enikaen trabol hemi kasem yufala, yufala mas ting long hem olsem samting hemi gud fo yufala. Yufala save, sapos yufala biliv strong nomata olketa trabol i kasem yufala, bae hemi mekem yufala fo gohed strong olowe ya.

Bat sapos eniwan long yufala hemi no garem gudfala tingting, hemi mas askem God. An bae God hemi save givim gudfala tingting long hem, bikos God hemi hapi tumas fo givim kam olketa samting, an hemi no save raosim olketa hu i askem hem.

Olketa gudfala fren blong mi, yufala mas save long diswan. Yufala mas wiling fo lisin, an yufala mas no kuiktaem fo tok an no kuiktaem fo kros.

So yufala mas gohed strong olowe nao, go-go yufala barava gud finis an no save sot long enisamting long wei blong God.

Yufala no krangge fo lisin nating long disfala toktok, bat yufala mas duim wanem hemi talem.

Man hu hemi gohed fo stanap strong taem enikaen hadtaem hemi kasem hem, hem nao hemi hapi. Taem hemi stanap strong long evri hadtaem, God bae hemi givim hem laef wea hemi promis fo givim long olketa hu i lavem hem.

Evrisamting wea hemi gud tumas hemi save kamdaon from heven. God nao hemi givim kam olketa gudfala samting, an hemi no save sensim wei blong hem. Olketa samting long skae wea God hemi bin mekem fo saen kam, olketa save sens olowe, bat wei blong God, hemi no save sens.

Eniwan hu hemi herem disfala toktok bat hemi nating duim wanem hemi talem, hemi olsem wanfala man wea hemi luk insaet long glas fo lukim fes blong hem. Hemi lukim hem seleva, bat taem hemi goawe moa, semtaem nomoa hemi fogetem nao watkaen fes hemi garem.

Bat gudfala wei blong Kristin wea hemi barava stret long God Dadi blong yumi, hem nao fo helpem olketa wido woman an olketa pikinini wea mami an dadi blong olketa i dae finis, an fo no letem olketa ravis samting long wol fo spoelem gudfala laef blong yumi.

Taem enikaen hadtaem hemi kasem wanfala man, hemi mas no tingse God nao hemi trae fo mekem hem gorong. Bikos God hemi no save mekem eniwan fo gorong, an no enisamting tu hemi save mekem God fo gorong. Bat man seleva nao hemi save tingting fo duim wanem hemi rong. Taem wanfala man hemi laekem tumas olketa ravis samting, hemi had nao fo hemi sensim tingting blong hem.

Olketa Kristin fren, yufala hu i lou mas hapi taem God hemi apem yufala