Папулярныя біблейскія вершы з Efesas 6

Падзяліцца

Bikos yumi no faetem eni man nomoa, bat yumi faetem olketa ravis devol long skae, an olketa bikman an olketa lida long saet blong Seitan, an evri paoa blong tudak long disfala wol.

Taem yufala duim olketa samting ya, yufala mas prea an askem God fo helpem yufala. An yufala mas prea oltaem long paoa blong Holi Spirit. So yufala mas lukaot gudfala an no givap fo prea oltaem fo evri pipol blong God.

Yufala mas werem evrisamting fo faet wea God hemi givim kam long yufala, mekem yufala save fit fo stopem olketa ravis plan blong Seitan.

So distaem, yufala mas werem evrisamting fo faet wea God hemi givim. Sapos olsem, bae yufala save stopem disfala enemi, nomata eni taem hemi kam fo faetem yufala. An bae yufala save faet go-go kasem en, an bae yufala save stanap strong oltaem.

An oltaem nomoa yufala mas holem sil fo stopem olketa aro wea olketa laet long faea wea Seitan hemi sut kam long hem. Disfala sil ya hem nao hemi biliv blong yufala. An yufala mas werem wanfala hat blong faet wea hem nao hemi disfala wei wea God hemi sevem yufala. An yufala holem tu disfala naef fo faet blong Holi Spirit wea hem nao hemi toktok blong God.

So yufala mas stanap redi nao. Yufala mas werem strap blong yufala wea hem nao hemi tru toktok. An yufala mas werem spesol sote blong faet wea hem nao hemi stretfala wei blong yufala. An yufala mas yusim sandol wea hem nao hemi wei fo stap redi oltaem fo talemaot Gudnius blong piis.

Nao mi laek fo talem wanfala samting moa. Yufala mas kamap strong moa long strongfala paoa blong Masta blong yumi Jisas Kraes wea yufala stap joen wetem hem.

Fas toktok long Lo ya wea hemi garem wanfala promis wetem hem, hemi sei, “Yufala mas tinghae long dadi an mami blong yufala, mekem yufala save garem gudfala laef fo longtaem long disfala wol ya.”

Yufala olketa pikinini, bikos yufala i Kristin, yufala mas obeim mami an dadi blong yufala. Diskaen wei ya hemi stret.