Папулярныя біблейскія вершы з 1 Jon 4

Падзяліцца

Eniwan hu God hemi lavem, hemi no save fraet. So taem lav hemi barava kamap gud long laef blong yumi, yumi no fraet moa. Bat eniwan hu hemi fraet oltaem, hemi fraetem panis, an diswan hemi somaot dat lav blong God hemi no barava kamap gud yet long laef blong hem.

Olketa pikinini blong mi, yufala blong God an yufala winim finis olketa laea tisa olsem. Bikos Holi Spirit hu hemi stap long yufala, hemi garem paoa winim disfala enemi blong Kraes wea hemi stap long olketa pipol blong disfala wol.

Yumi gohed fo lavem evriwan bikos God hemi lavem yumi fastaem.

Olketa gudfala fren, yumi mas lavem yumi evriwan bikos wei blong lav hemi kam from God. An evriwan hu hemi lavem olketa nara pipol, olketa i barava pikinini blong God nao an olketa nao savegud long hem.

Bat eniwan hu hemi no lavem olketa nara pipol, hemi nating save long God, bikos disfala lav nao hemi stat kam long God.

?Wanem nao barava wei blong lav? ?Waswe, hem nao disfala wei wea yumi lavem God? !Nomoa ya! Barava wei blong lav, hem nao disfala wei wea God hemi lavem yumi an hemi sendem kam San blong hem fo dae olsem wanfala sakrifaes fo finisim olketa sin blong yumi.

So olketa fren, bikos God hemi lavem yumi tumas olsem, yumi tu mas lavem yumi evriwan.

God hemi somaot lav blong hem long wei olsem. Hemi sendem kam disfala wanfala barava San blong hem long wol mekem yumi save garem tru laef long hem.

Sapos eniwan hemi sei hemi lavem God, bat hemi heitem nara Kristin, man ya hemi laea. ?Sapos hemi no lavem nara Kristin wea hemi save lukim, hao nao hemi save lavem God hu hemi no save lukim?

Eniwan hu hemi talemaot dat Jisas hemi barava San Blong God, hem nao hemi stap joen wetem God an God hemi stap joen wetem hem.

Nao lo wea Kraes hemi tokstrong long yumi abaotem hemi olsem, “Eniwan hu hemi lavem God, hemi mas lavem tu evri Kristin.”

Olketa gudfala fren, plande laea profet nao i goraon long evri ples. So yufala mas no bilivim evriwan hu hemi talem dat hemi garem Holi Spirit. Fastaem, yufala mas faendemaot gud sapos hemi barava garem Spirit blong God o nomoa. Bae yufala save heresave long toktok blong man nomoa sapos hemi garem Spirit blong God. Olketa hu i talem dat Jisas Kraes hemi bon kam wetem bodi olsem yumi, olketa nao garem Spirit blong God.

Bat olketa hu i no bilivim diswan abaotem Jisas, olketa no garem Spirit blong God. Nomoa nao. Olketa pipol olsem, disfala enemi blong Kraes nomoa hemi stap long olketa. Yufala herem finis wea bae hemi kam, an distaem, hemi kam finis long disfala wol.