Папулярныя біблейскія вершы з TIPISALEMA 18

Падзяліцца

Oho Yehovha! Ribye ra mina, ni khokholo ra mina, ni mulweri wa mina! Oho Xikwembu xanga! Ribye ra mina leri ndzi chavelaka eka rona! Xitlhangu xa mina, ni matimba lama ndzi ponisaka, ni xichavelo xa mina!

Tindlela ta Xikwembu ti lulamile, Rito ra Yehovha ri hlawulekile; I xitlhangu eka hinkwavo lava titshembeleke yena.

Ndzi huwelela, ndzi ku: “Yehovha a a vongiwe!” Kutani ndzi lweriwa eka valala va mina.

Emapfalweni ya mina, ndzi vitanile eka Yehovha; Ndzi huwelele eka Xikwembu xanga; U yingisile rito ra mina, a ri endlwini ya yena; Kambe ku huwelela ka mina ku fikile emahlweni ka yena etindleveni ta yena.

Hi wena la vangamisaka ku vonakala ka mina; Yehovha, Xikwembu xanga, u vonakarisa munyama wa mina.

Xikwembu lexi ndzi boheke hi vamba ra matimba, Kambe wa ndzi fambisa hi ndlela leyi lulameke.

Yehovha wa hanya, a ku dzunisiwe ribye ra mina! A ku twarisiwe Xikwembu xa ku hlayiseka ka mina!