Папулярныя біблейскія вершы з TIPISALEMA 119

Падзяліцца

Rito ra wena i rivoningo emilengeni ya mina, Ni ku vonakala endleleni ya mina.

Ndzi hlayisa rito ra wena embilwini ya mina, Leswaku ndzi nga ku dyoheli.

Jaha ri ta tengisa ku yini ku famba ka yena xana? Hi loko a ku xaxameta ni rito ra wena.

Ku katekile lava hlayisaka ku tsundzuxa ka yena, Lava n'wi lavaka hi timbilu hinkwato ta vona

U xichavelo ni xitlhangu xanga; Ndzi langutele ku tshembisa ka wena.

Ndzi nyike ku twa swinene, leswaku ndzi ta hlayisa nawu wa wena; Ndzi endla ha wona hi mbilu ya mina hinkwayo!

Kokela mbilu ya mina leswaku yi yingisa ku tsundzuxa ka wena, Ku nga ri leswaku yi rhandza ku fuwa.

Swi lulamile eka mina leswi ndzi nga tsongahatiwa, Leswaku ndzi ta dyondza timfanelo ta wena.

Ku chaveleriwa ka mina emakhombyeni ya mina, Hi leswaku leswi vuriweke hi wena swi ndzi hanyisile.

Ndzi fambise hi ndlela ya swileriso swa wena, Hikuva ndza swi tsakela!

Yehovha, ndzi dyondzise ndlela ya timfanelo ta wena, Leswaku ndzi famba ha yona ku yisa makumu!

Moya wa mina wu rila hi mahlomulo, Ndzi pfuxe hi rito ra wena!

Nawu wa wena ndzi wu rhandzisa hakunene! Ndzi wu anakanya siku hinkwaro.