Папулярныя біблейскія вершы з SWIVURISO 2

Падзяліцца

Hikuva Yehovha hi yena la nyikaka vutlhari; Ku tiva ni ku twisisa swi huma enon'wini wa yena.

N'wananga loko u amukela marito ya mina, U va u tihlayisela milawu ya mina, Loko u rhiya ndleve ya wena ku yingisa vutlhari, U nyiketa mbilu ya wena eku yingiseni; Ndzi ri, loko u rilela vutivi, Loko u huwelela ku twisisa, Loko u swi lava kukotisa mali, U hakuta kukotisa xuma lexi fihliweke, Hilaha u nga ta twisisa ku chava ka Yehovha, U ta kuma ku tiva ka Xikwembu.

U hlayisela lavo lulama ku kateka, A va xitlhangu eka lava fambaka eku lulameni. U tiyisa mitila ya lava fambaka hi mfanelo, U hlayisa ndlela ya lava n'wi rhandzaka.

Hikuva lava lulameke va ta aka emisaveni, Lavo tenga va ta siyiwa kona; Kambe lavo biha va ta susiwa la emisaveni, Ni timbabva ti ta tsuvuriwa eka yona.

Ku ku namurhuta eka wansati wa un'wana, Eka wansati wa dlakuta la kanganyisaka hi ku vulavula ka yena, La fularheleke nakulobye wa vuntshwa bya yena, A rivala ntwanano wa Xikwembu xa yena.