Папулярныя біблейскія вершы з SWIVURISO 13

Падзяліцца

La fambaka ni tintlhari u ta tlhariha, Kambe la tolovelaka swihunguki u ta onhaka.

La tikhomaka nomu u hlayisa moya wa yena, Kambe la tshamaka a ahlamisa nomu wa yena, u ta wela eku loveni.

La pfumataka n'wana wa yena nhonga, u n'wi vengile, Kambe la n'wi rhandzaka wa n'wi laya.

Ku langutela loku hlwelaka ku vavisa timbilu, Kambe ku navela, u vuya u swi kuma, i murhi wa vutomi.

Ku lulama ku ponisa la fambaka eku lulameni, Kambe ku homboloka ku lovisa mudyohi.

Rifuwo leri laviweke hi mano a ri nga tiyi, Kambe la hlengeletaka ha switsanana u ta andzeriwa hi rona.

Ku tikukumuxa ku humesa ku hambana; Kambe vutlhari byi le ka lava pfumelaka ku tsundzuxiwa.

Munhu lonene u siyela vatukulu ndzhaka, Kambe rifuwo ra mudyohi ri siyeriwa la lulameke.

N'wana wo tlhariha u yingisela tidyondzo ta tata wa yena, Kambe musandzi a nga yingisi ku layiwa.

Vusiwana ni tingana i swa la alaka ku layiwa, Kambe la amukelaka ku tshinyiwa u ta dzunisiwa.