Папулярныя біблейскія вершы з ESAYA 55

Падзяліцца

Hikuva miehleketo ya mina, a hi miehleketo ya n'wina, ni tindlela ta n'wina a hi tindlela ta mina,” ku vula Yehovha.

“Hilaha matilo ma tlakukeke ehenhla ka misava, hi sweswo tindlela ta mina ti tlakukeke ehenhla ka tindlela ta n'wina, ni miehleketo ya mina ehenhla ka miehleketo ya n'wina.

“Lavani Yehovha loko a ha kumeka; huwelelani eka yena, loko a ha ri ekusuhi!

Lowo biha a a tshike ndlela ya yena, ni wa lunya miehleketo ya yena; a a tlhelele eka Yehovha, la nga ta n'wi twela vusiwana; ni ka Xikwembu xa hina, lexi rivalelaka, ku nga ri hi mpimo.

“N'wina hinkwenu lava nga ni torha, tanani ematini hambi n'wina lava pfumalaka mali! Tanani, mi ta xava, mi dya; tanani, mi xava vhinyo ni ntswamba, hambi mi nga ri na mali, a mi nga hakeri!

Ku fana ni mpfula ni gamboko loko swi xika hi le tilweni, a swi tlheleri kona, swi nga si cheleta misava, ni ku mirisa, ni ku hlukisa leswi milaka, swi nga si nyika mbewu eka mubyari, ni swakudya eka loyi a dyaka, swi tano ni rito ra mina, le ri humaka enon'wini wa mina: Ri nga ka ri nga tlheleri eka mina ri nga si tirha nchumu, ri nga si endla ku rhandza ka mina, ri nga si hetisa makungu ya mina.

“Kunene mi ta huma hi ku tsaka mi ta fambisiwa hi ku rhula, tintshava ni switsunga swi ta tsaka ngopfu emahlweni ka n'wina, kutani mirhi hinkwayo ya nhova yi ta phokotela.

Rhiyani tindleve, tanani eka mina, yingisani, kutani mimoya ya n'wina yi ta hanya: ndzi ta endla na n'wina ntwanano lowu nga heriki, ku tiyisa tintswalo ta mina eka Davhida.