Папулярныя біблейскія вершы з EZEKIELE 4

Падзяліцца

“Endzhaku ka swona u ta etlela hi rivambu ra ximatsi, u veka ku homboloka ka yindlu ya Israele eka rona. Kutani u ta rhwala ku homboloka ka vona hi masiku lama ringanaka ku etlela ka wena. Mina, ndzi ta ku ringanisela malembe ya ku homboloka ka vona hi masiku, ma va masiku ya 390; u ta rhwala sweswo ku homboloka ka yindlu ya Israele.

Loko u ma hetile, u ta engeta u etlela hi rivambu ra xinene ra wena, sweswo u ta rhwala ku homboloka ka yindlu ya Yuda hi masiku ya mune wa makume. Siku rin'wana ni rin'wana ri ringanisa lembe.

“U teka koro, ni barley , ni tinyawa, ni swinyawana, ni mphoho, ni n'wahuva, u swi katsa swin'we embiteni, u tipfuvela vuswa ha swona, hi masiku hinkwawo ya ku etlela ka wena. U ta dya byona hi masiku ya, 390.