Папулярныя біблейскія вершы з Sembulo 3

Падзяліцца

Lalela la, ngime emnyango ngiyanconcotsa; nangabe umuntfu eva livi lami, avule umnyango, mine ngiyawungena kuye, ngidle naye, naye adle nami.

Ngiyayati imisebenti yakho, awucandzi, awushisi. Maye, bengingatsandza kutsi umane ushise nome ucandze! Njengobe usivuvu, ungacandzi ungashisi, ngitakukhafula emlonyeni wami.

Labo lengibatsandzako ngiyabakhalimela ngibajezise; ngako-ke shisekela lokuhle, uphendvuke.

Ngiyayati imisebenti yakho. Lalela la, ngikuvulele umnyango, kute namunye longawuvala; ngiyati kutsi unemandla lamancane, kantsi livi lami uligcinile, nelibito lami awuzange uliphike.

“ ‘Lowo loncobako, ngiyawumhlalisa kanye nami esihlalweni sami sebukhosi, njengobe nami ngancoba ngahlala naBabe esihlalweni sakhe sebukhosi.

Wena utsi: “Nginjingile, nginako konkhe, angidzingi lutfo.” Kodvwa awati kutsi ungumuntfu wenhlupheko, newekuhawukelwa, uphuyile, uyimphumphutse, ungcunu.

Njengobe uligcinile livi lami lekucinisela ngekubeketela, ngitakugcina ngesikhatsi sekulingwa lesitawufika emhlabeni wonkhe, sitewulinga bonkhe labo labahlala emhlabeni.

Ngiyeta masinyane, bambisisa loko lonako, kuze kubete umuntfu lokwemuka umchele wakho.

Vuka, ucaphele, ucinise loko lokusasele lobese kutakufa, ngobe imisebenti yakho ngiyibonile kutsi ayikapheleli ebusweni baNkulunkulu wami.