Папулярныя біблейскія вершы з Jeremiya 22

Падзяліцца

Naku lokushiwo nguSimakadze, utsi: Yentani loko lokucotfo nalokulungile. Nimephule esandleni semcindzeteli wakhe lowo lodlelelwe. Ningakwenti lokubi nome nimphatse ngebudlova lowo losihambi nalongenayise, nemfelokati, futsi ningayicitsi ingati yemuntfu longenacala kulendzawo.

“Kukwenta inkhosi yini kuba nemisedari leminyenti? Uyihlo akazange abe nekudla nekwekunatsa yini? Wenta loko lokulungile nalokucotfo, ngako konkhe kwamhambela kahle. Wammelela lophuyile naloweswele, ngako konkhe kwamhambela kahle. Loko akusho kona yini kwati mine?” kusho Simakadze.

“Nako kulowo lowakha sigodlo sakhe, asakhe ngebubi, lowakha emakamelo akhe lasetulu ngebuhumusha, lowenta takhamiti takhe tisebentele lite, angatikhokheli ngekusebenta kwato.